الكاتبة الاسدية
ديمة يوم الي نفرح بزواجك بابا
وليد لا بابا اني سعادتي من اشوفكم سعداء ومرتاحين
خلي اروح اشوف تميم شمسوي بالدراسة مادري مامطمن اله
دخلت لكيت تميم صافن ها تميم ليش متدرس
تميم بابا مخنوك منا ضغط الامتحانات ومنا انت متغير وبعدك زعلان مني
وليد اني مامتغير بس زعلان اكيد لان الي صار مو سهل هسة الشغله فاتت وراحت كلي ليش متقرأ شلون اطلع معدل طب
تميم بابا اني ماريد طب اريد اصير ضابط مثلك ومثل ابوية الله يرحمة
وليد لا بابا هذا المجال بي تعب وانت ذكي
تميم عفية بابا ابوس ايدك والله اني اشوف نفسي بالحياة العسكرية
وليد الله كريم ابني الله كريم كمل امتحانات ونشوف بعدين شيصير
سنة 2014 صحينا على خبر سقوط الموصل بيد الدواعش
جانت صدمة كلش جبيره النا معقوله محافظة بجيشها وقواتها الامنية تسلم بيد مجموعة ارهابية وبكل سهوله
بعدها الصدمة الاكبر جانت مجزرة سبايكر والشارع انكلب كلب
صارت الفتوه الجهادية زيد وتميم جانو مصرين ينضمون للحشد الشعبي
وبين خوفي عليهم وقهري على وطني ضليت بحيره
سيف اتوجه الى الاعلام الحربي وتميم التحق مع المقاتلين اما زيد فكان دورة الدعم للحشد بالتبرعات وتوصيلها للحشد
بدت المحافظات تسقط واحده بعد الثانية وداعش سيطر على الموصل وصلاح الدين وديالى والانبار
حتى وصلو على مشارف بغداد
جان كل بالي يم رواء واولادها
اعرف بذياب وية التنظيم وحتى عمر وعثمان بي
ضل بالي اكثر شي يم رواء ونور ومنار اكيد هسة هم وحدهم شلون بيهم
وهذول المجرمين ميخافون الله ولايعرفون الحلال والحرام
ضليت يومية اتواصل وياها واطلب منها تجيب بناتها وتجي البغداد
حتى فرحتنا بنجاح ديمة وتميم ماكملت بسبب الاوضاع
ديمة معدلها جان 95 اما تميم جانومعدله 84 ابد مو المعدل الي جنت متوقعة
نور نجحت ومعدلها 85 يعني ضمنت كلية القانون الي جانت تتمناها
كل هذا مو مهم المهم عندي شلون اكدر اجيب رواء وبناتها البغداد واخلصها من الارهابيين ذياب الخاين هو واولاده
أنت تقرأ
مابين حنين الماضي وجحود اليوم
Ficção Geralقصة رجل يعيش حنين الماضي لينصدم بضياع الحاضر وجحود اقرب الناس له
