الكاتبة الاسدية
بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن
سيف ها هاي اول شاهد ودليل
وليد وانت شلون تكدر تثبت كدام الكل انت مامتحرش بيها
سيف باجر راح اكللكم على الخطة مالتي
ضليت افكر شلون راح اكدر اوكعها لان هاي وحده ملعبة ومتتقشمر بسرعة
اخاف ينقلب السحر على الساحر
اخر شي كلت خلي انام وانفذ الي براسي
((ويمكرون ويمكر الله والله خير الماكرين ))
زيد بعد كلام نور وياية عبالك واحد جان نايم وفجأة صحة على واقع مجان منتبة اله صح اني حسيت بنور تريد تخرب بيني وبين ديمة
بس انطتني حل ماجان على بالي ولا بيوم يمكن افكر بي
صح هي زوجتي وام ابني وبت عمي بس على شنو شايفة روحها
لوما اني وعمو وليد جان ماصارت دكتورة على حجيها وشافت روحها
لازم اغير الوضع واخليها هي تركض وراية
وليد صار اسبوع ماشايف شهد احس صاير عندي نقص بحياتي
طلعت من الدوام رحت على العمارة الي هي ساكنه بيها
جنت اتمنة اشوفها حتى لو من بعيد
مريت مرتين من الشارع كلشي ماكو
كلت ميصير اضل رايح جاي عليهم
خلي ارجع كافي صاير اتصرف مثل المراهقين
شهد بعد المشكله الي صارت وية اخو ديمة طلبت مني ديمة انقطع عن الروحة الهم فتره
بس هي متدري اني هناك عفت روحي وكلبي يم وليد
معقوله حبيته بهاي الفترة القليله
معقوله ردت اوكع وليد اني وكعت
اي وكعت ليش لا اذا هو كلشي بي ينحب رومانسيتة هدوءة حنيتة طيبة كلبه رجولته شكله
ماكو شي بي مينحب
ام شهد ها ماما وين صافنه صار ساعة احجي وياج
شهد ها ماما لا ماصافنه شلون صرتي هسة
ام شهد والله ماما تعبانة والعلاج كلشي ميفيد صاير
شهد هو الدكتور كال لازم عملية بس شبيدي ياماما اذا ابوية من دون اخوته عافنة كلشي ماكو
ام شهد الله يرحمة مجان حاسب حساب الهيج يوم تلف فلوسة كلها على ونستة وكيفة والسفر والنسوان
شهد هسة مو عمامي هم عدهم سوالف مكسرة بس كلهم خير وفلوس وبيوت
ام شهد الله يزيدهم يمة افكر اروح العمج ابو امير بلكت يسويلي العمليه
أنت تقرأ
مابين حنين الماضي وجحود اليوم
Ficción Generalقصة رجل يعيش حنين الماضي لينصدم بضياع الحاضر وجحود اقرب الناس له
