مابين حنين الماضي وجحود اليوم

البارت السادس

الكاتبة الاسدية

كم اشتاق اليك
ولا استطيع البوح بذلك
كم يقتلني ذلك الادمان على تقبيل صورك
وكم ابحر بعيدا بخيالي
بحثا عن لحظات لاسمع صوتك
لارسو على مرافىء تجبرني على البقاء بعيدا عنك
لكني رغم كل شيء مازلت اعشقك...
ومازال قلبي لا ينبض الا بأسمك..
اشتقت اليــك!

وليد ماردت ازعجكم واعرف جان مليون سوال راح تسالوني

كلمن راح الغرفتة كملت صلاة بعد متسوه انام اريد اطلع الصبح اروح اشوف عدنان شلون يطلع

واذا شافني راح يعرفني لو اصلا ناسيني مادري

نزلت للمطبخ لكيت الحجية مسوية الجاي المهيل ريحتة واصله للشارع
صباح الخير ياغالية

ام وسام صباح العافية يمة اسويلك ريوك

وليد لا بس جاي اريد من ايدج الطيبة

ام وسام يمة متكلي شجاك حتى الاكل كاطعة

وليد مادري شكلج يا امي النفس ماتشتهي العسل

ام وسام احجيلي يمة شنو القاهرك وساد نفسك

وليد ماكو شي يمة ليضل بالج يمي

ام وسام يمة اخوك شلون بي راح يتاخر على دوامة وهو هسة نام

وليد فد ساعة وروحي كعدي لتصيرله مشكله

ام وسام ميخالف الله يهديك ياواثق صدوك لو كالو ثلثين الولد خاله

وليد ها حجية اخيرا نطقتيها واعترفتي واثق طالع على خالي طالب

ام وسام وانت ماصدكت كلمة وراح تجلب بيها هذا الحجي ايام زمان من جان خالك بعده شاب وهسة الحمد لله صايم مصلي ويخاف الله

وليد وهسة واثق هم بعده شاب ويجي يوم الله يهدي

ام وسام والله يمة كل يوم ادعيله دعوه ام من كل كلبها

وليد حجية تحتاجين شي رايح للدوام

ام وسام الله ومحمد وعلي وياك يمة محروس من كل عين

وليد بست راسها وكلتلها يمة ادعيلي اليوم اريد الله يبرد كلبي ويبعد عني الشيطان

ام وسام الله يبرد كلبك واعرف الشيطان مايكدر عليك

اخذت سيارتي وطلعت كبل على سجن ابو غريب وصلت يم مصطفى

مصطفى ها ابو الوليد اليوم مغبش

وليد حبيبي صوفي ماصدكت يصير الصبح

مصطفى موكتلك خليت اسمة باخر وجبة يعني هو والضهر يلا يطلع

وليد اريد اتفرج عليه اشوفة من بعيد الى ان يطلع

مصطفى زين راح اغير الوجبات لان هسة كلهم طالعين بالساحة منتظرين الافراج