مابين حنين الماضي وجحود اليوم

البارت الثالث ج ٢

الكاتبة الاسدية

الحنين إلى الماضي شعور يلازم الإنسان كلما تقدّم به العمر

والنفس البشرية تتلذذ بالماضي أكثر من الحاضر

وتتوق لاستنشاق عبق الزمن الراحل أكثر من تلذذها برائحة القادم من العمر..

وكلما ابتعدت اللحظات كلما ساقنا الحنين إليها..

والحديث عن الذكريات الغابرة ألذ وأشهى من الحديث عن المستقبل المجهول

رواء اني اروح اسوي الغده اليوم متروحون الا تتغدون

وليد لا نرجع من وكت

ابو ذياب لا عمي اليوم متروح اريد اشوفك وانتي ام عمر عمي سدي الباب وراج كليلهم ماريد احد يطب علينا

بعد ماطلعت رواء عمي انطاني مفتاح واشرلي على الكنتور مالته

وليد شتحتاج اجيبلك من الكنتور
ابو ذياب عمي افتح الخانه الفوك اكو كارتونه زغيرة جيبها وتعال

وليد رحت فتحت الكنتور لكيت كارتونه قديمة جبتها اله

ابو ذياب اكو بنهاية الكارتونة قاعده شيلها تلكي اوراق طلعهم

وليد شدك لكيت بالكارتونه صور قديمة مال عمامي وابوية مت هم شباب واكو صورة بيها عمي ابو ذياب وابوية ووسام بعمر ٤ سنوات وذياب هم بعمره

كتله عمي اريد هاي الصورة لان جانت عدنا مثلها وراحت وية اغراضنا بالتهجير

ابو ذياب اخذ الي تريده بس اهم شي طلع الاوراق الي جوه الكارتونه

وليد هاي عمي الاوراق شبيهن

ابو ذياب اني دزيت عليك من سافر ذياب السوريا حتى لتشوفة ولا يدري اني دزيت عليك

وليد قلقتني عمي شكو

ابو ذياب عمي هاي الاوراق القديمة حقك وحق اخوتك واولادهم بهذا البستان والحلال الي اهنا

واريدك تسامحني ياعمي لان البستان الجبير جدك مسجله باسم ابوك واحنا ضمينا عليكم

بس بقية الحلال لا باسمي واسم ابوك وباسم عمك ابو ضاري

وليد عمي هسة مو وكت حجي موزين عليك وبعدين الحك لازم يطلع بيوم

ابو ذياب عمي هذا الحجي محد يدري بي بس اني وعمك وابوك الله يرحمه

اريد الحك يرجع لاهله بس وصيتي الك ياعمي متفرط بحلال جدك وهاي كاعك مثل عرضك ميصير تنباع

وليد واني شنو راح استفاد اذا اتكلي تضل الكاع يم ذياب وهو ماكل حقنا صار سنين

ابو ذياب اني الي جنت ماكل حقك وهسة تندمت هواي اريد تبريلي الذمة