الكاتبة الاسدية
رواء ابو رجلي زين عرفت يعني هاي وداعية وياك ياخوية
وليد وعيونج ماخلي حقج يروح وها ابشرج زيد وسيف رجعو وهسة على جية جايبيهم
رواء الله يبشرك بالخير يكسر ويجبر
وليد ودعت رواء الوداع حسيت بي الاخير
تالي ماتالي صفيت بهاي الدنيا وحدي لا ام لا اب لا اخوان ولا حتى اخت
عاهدت نفسي اكرس حياتي كلها الجهال اخوتي
شغله ساعة اجاني مهند وجايب وياه زيد وسيف
شكد جنت حزين ومكسور بس الفرحة بشوفتهم نستني كل حزن
زيد وسيف شمرو نفسهم بحظني وضلو يبجون اول شي مامصدكين رجعو الحظني
وثاني شي يبجون على خسارت بيبيتهم
زيد عمو ليش كل الي نحبهم يعوفونا
ليش بيبي راحت وره بابا منو بعد عدنا
سيف عمو ماصدكت اشوفك من جديد
جنت افكر بيبي تتخربط من تعرف بينا مخطوفين مافكرت راح تعوفنا وتموت
كوه مهند اخذ الولد من حظني
مهند تعالو عمو روحو جوه غيرو
ملابسكم وسبحو حتى توكفون وية عمو انتو هسة صرتو رياجيل
وليد لا مهند خليهم بحظني اخاف يرحون وبعد ميرجعون ماريدهم يبتعدون عني
مهند كول يا الله وين يرحون هم بس يسبحون ويغيرون ملابسهم يلا عمو بسرعة عفية بالشطار
وليد احجيلي منو خطفهم وشلون رجعتوهم ووين الي خطفهم
مهند هاي قصة طويله خلي نكمل الفاتحة كلها ساعتين ثلاث واسولفلك كلشي بالتفصيل
وليد اكيد عدنان هو الي خطفهم
مهند اي هو هذا الساقط المجرم شتتوقع منه غير الدكات الناقصة
وليد خلصنا اليوم الثالث واني كاعد على نار اريد اعرف شنو الصار
سيف وزيد مجلبين بية ميقبلون يعوفوني مساكين صارت بيهم خوفة
كلمن راح الحال سبيله وحده من زوجات خالي كالت خلي اخذ ديمة وياية خطية منو الها منو يعتني بيها
اني ماوافقت كتلها لو نعيش سوه لو نموت سوه
مستحيل انسة الزوجة خالي شلون جانت شالعة كلب امي انوب تاخذ ديمة حتى تسويها خدامة الها
أنت تقرأ
مابين حنين الماضي وجحود اليوم
Ficção Geralقصة رجل يعيش حنين الماضي لينصدم بضياع الحاضر وجحود اقرب الناس له
