مابين حنين الماضي وجحود اليوم

البارت الثالث

الكاتبة الاسدية

مساء الورد احلى متابعين

وليد ميخالف بس بعد صارت وانت وافقت ووسام هم وافق وشوفة قانع بحياتة ويحب زوجته

واثق بس اني مامقتنع ولا وافقت بس الخاطركم حتى تستقرون والخاطر امي لان تعبت هواي وية نسوان خوالي يعني اني ضحيت علمودكم

يلا عيني انزل وصلنا المطعم الي كتلك عليه

وليد ولك هذا شنو شكله يخبل

واثق خلي ندخل جوه وتشوف الجمال على اصوله

وليد بس امبين كلش حلو

واثق والفلوس الي راح ندفعها هم كلش حلوه مو مطعم يكصب كصب

وليد متوازي جان اكلنا بغير مكان

واثق تعال عيش الدلال الحقيقي

وليد دخلنا للمطعم تكول داخلين للجنه شنو الناس الي بي وشنو الكعده

اكثر الميوزة جانت مكتوب عليها محجوز اجا الكرصون وكعدنا على ميز واخذ الطلبات مالتنا

صحيح طالع هواي وداخل مكانات راقية بس اول مره ادخل الهيج مطعم

واثق تدري هذا المطعم خاص للشخصيات وهو مطعم ونصة صوتة كان يشاورني مال عدي

وليد اهاا اكول

واثق اي لعد شعبالك

لك لك وليد التفت على ايدك اليمنه بس على كيف

وليد شكو التفتت اباوع شكو على ايدي اليمنه

واثق خرب حظي لمطفي ولك شوف ذيج الكيكة شلون جمال وفوكاها كاعده وحدها

وليد وشسويلها يعني

واثق انت مو وجه نعمة لك هاي نعمة الله واني اموت على النعمة وكام

وليد لزمت ايده وين رايح

واثق اجيب النعمة واجي

وليد شفت واثق شلون تقدم من البنية وسلم عليها بعدها ماسمع شنو جان يحجي وياها

كلها دقايق واشوف واثق هو والبنية جايين على الميز الي اني كاعد علية

البنت هلاو

وليد هلو شكد تتنعوص

البنت هو هذا اخوك وليد

واثق اي اعرفج الضابط وليد اخوية الزغير وليد اعرفك سوزي

وليد اهلا بس بضوجة اخاف شوزي احسن بس كلتها بكلبي

سوزي واو اخوك هم ضابط واثنينكم حلوين

واثق اتفضلي عازمج على العشة وعوفج من وليد اني احلى

سوزي ههههه مغرور بس حلو غرورك