الكاتبة الاسدية
الرجولة بعين حواء .. ليس فقط ،ملابس أنيقة وإتيكيت،
الرجولة، هي أن يستطيع أن يحتويها في لحظة ضعفها
وأن يكون لها ذاكـ الجبل الشامخ الذي يبقى صامداً ما إن انكسرت وسقطت دمعتها
وليد اباوع على نفسي اتذكرت جنت اغير ملابسي من عاطت ديمة وطلعت اركض عليها
والله موقف ولا ينسي اشكد خجلت بس همزين جان ليل
تميم وسيف وزيد ضلو الوكت كله يصنفون ويضحكون وياخذون صور
واخيرا بشرونا بوسام شرف للدنيا
جانت الفرحة ابد متنوصف شخص انضاف للعائله شكد حلو شكله كلشي بي حلو وناعم
ضليت اتلمس ايدية كلش زغار وعيونة يفتحهم كوه
اخذتة كبرت باذنة واذنت
كتله انت اسمك وسام انت شلت اسم جدك
شكد جانت فرحتي بي بكد مت بجيت لو وسام جده هسة موجود
رواء كافي ياخوية اريدك تفرح لان انت صنت الامانة وكفيت وفيت
صدكني هسة وسام حاس بيك ومطمن لان انت موجود
زيد بابا اكدر اشيل وسام لو لا
وليد اي بس سمي باسم الله وصل على محمد وال محمد
زيد بسم الله الرحمن الرحيم اللهم صل على محمد وال محمد
بابا شوفة شكد حلو بس ليش هيج زغير
رواء كلكم يمة هيج تجون للدنيا ونشوف الويل الى ان تكبرون وتصيرون رياجيل وتصيرون اباء وامهات
زيد خطية ديمة هسة شلونها اكيد تعبت هواي
رواء هسة يطلعوها الغرفتها ونكدر نشوفها ونطمن عليها
ديمة بعد ما جبت كالو جبتي ولد حلو جنت ناوية اسمي واثق على اسم بابا الله يرحمة
بس مازعلت عمو وليد من سماه وسام ميخالف ماكو فرق
بس سبحان الله من انطوني ابني احس روحي صارت بي
من اخذوه مني احس اخذو روحي مني عرفت راح يسبحو ويلبسو ملابس
ويخلو بالحاضنة حتى يجيكون صحتة
طلعت الغرفة خاصة وكلهم التمو داير مدايري والفرحة بوجوه الكل
وبالاخص بابا يمكن لو ابنة او حفيذه الصدك مجان هلكد فرح بيه
سيف لك وسام حبيبي هسة انت تصيحلي خالو لو عمو
زيد ماكو فرق كلنا العراق
وليد واني اريده يصيحلي جدو
سيف اذا ماخلي يصيحلك ليدو شوف الا اربي على ايدي
ديمة يمة وابني يطلع ابو بنات
أنت تقرأ
مابين حنين الماضي وجحود اليوم
Ficción Generalقصة رجل يعيش حنين الماضي لينصدم بضياع الحاضر وجحود اقرب الناس له
