مابين حنين الماضي وجحود اليوم

البارت العاشر ج 2

الكاتبة الاسدية

بارت مفاجأ 😍😍😍

اخر شي اجاني خله المسدس براسي

ذياب عثمان قسم بالله اذا ماكتلي الصدك اكتلك واشمرك للجلاب

عثمان عرفت الوكت مر عليهم وهسة اهلي صارو بامان كتله يابة عمر اخذ امي والبنات ونهزمو البغداد

ذياب شنو ولك انت شتحجي طينتو راسي معقوله ابني عمر يغدر بية لو رواء اي هاي سوالف امة هم طبعهم الغدر مثل اخوها الجلب

بس ابني يغدرني ماصدك ولك انت شمدريك

عثمان مو عمر كال تعال وراية ننهزم

ذياب كوم كوم كدامي وين متفقين يامكان ومنو الي راح يطلعهم هسة يكتلوهم اذا عرفو بيهم مهزومين

عساهم مذبحيهم واحد واحد شريد احجي وشكول للخليفة اكله اهلي انهزمو اكله ماعرفت احكم عايلتي شلون احكم ولاية ديالى

عثمان يابة هذا الحجي من الصبح مو هسة

ذياب ميخالف امشي وياي لا اموتك خلاص يلا

عثمان طلعت وية ابوية حتى ندور على اهلي عسى ان هم بعدهم ماكادرين يطلعون من ديالى

وصلنا للمكان جان خالي الناس تخاف اصلا تطلع

دورنا طبينا جوه على الجول كلشي ماكو بس هاي شنو الطريق كله ابوي يسب ويغلط

شكد دكيت على عمر وامي كله مغلق ضليت ادز ريائل عسى من يفتحون التليفون توصلهم

اخر شي رجعنا للبيت اول ما وصلنا لكينا مجموعة من الدواعش منتظرينا

احد الدواعش السلام عليكم ايها الامير الخليفة بعثني لاخبركم رغبتة باتمام الزفاف الان

احتفالا منه بالنصر الذي حققناه اليوم على الحشد والجيش الكافر

ذياب وعليكم السلام السمع والطاعة لكن الاهل تاخرو بالتجهيز

الداعشي ماذا تقصد بالتاخير في التجهيز

عثمان يعني الاهل انهزمو الة بغداد وزواج ماكو

ذياب وهو يضرب عثمان عليك اللعنة انت واهلك اجمعين

الداعشي اجلبي لي هذا الكافر ليكون عبرة للجميع وانت يا ابو عمر لديك فرصة حتى صلاة العشاء اذا لم تحضر زوجة الخليفة سوف يكون مصيرك الموت

عثمان جتفوني واخذوني بالبدي مال البيكب والي صاعد وياية مخلي راسي جوه رجليه ودايس عليه

شوي مسافة ونزلوني بواحد من البيوت الي استولو عليها بعد هروب اهلها

دخلوني غرفة شلون المخزن وقفلو الباب علية وراحو