Artistahin: Crossroad

Chapter 2: First Set

Chapter 2: First Set

Biyernes ng hapon sa tambayan biglang nagyaya si Clarisse ng inuman. “Huh? Shan ano nakain ng girlfriend mo?” tanong ni Greg. “Clarisse okay ka lang? May matindi ka bang pinag dadaanan?” biro ni Tommy. “Shan nag aaway ba kayo? Pwede naman natin pag usapan” hirit ni Jason.

“Ewan ko diyan, kanina pa niya sinasabi sa akin na iinom daw tayo sa bar” sabi ni Shan. “Sabihin mo na kasi” biglang singit ni Enan kaya lahat napatingin sa kanila. Naupo si Clarisse sa tabi ni Enan, ang binata biglang inakabayan ang dalaga kaya napataas kilay nina Greg, Jason at Tommy.

“Guys kami na” sabi ni Enan kaya pati si Clarisse nanlaki ang kanyang mga mata nang halikan siya ng binata sa pisngi. Tumawa lang ng malakas si Shan sabay pinagtuturo si Enan. “Nice one pre, nadale niya kayo no?” sabi niya.

Bumitaw si Enan sabay ngumiti lang habang si Clarisse biglang pinalo nobyo niya. “At kung totoo man hindi ka parin maniniwala?” tanong niya. “Syempre hindi. So bakit ka talaga nagyayaya?” tanong ni Shan.

“Sabihin mo na Risse” sabi ni Enan. “Fine, buntis ako at si Enan ang ama” sabi ng dalaga kaya nanlaki naman ang mga mata ni Enan. Laugh trip na si Shan habang yung tatlo nilang kaibigan nalilito na.

“Epic yung reaction niya o” hiyaw ni Shan sabay turo kay Enan. “Mamaya may set siya sa isang bar” sabi ni Clarisse kaya napatigil nobyo niya at nanlaki naman ang kanyang mga mata. “Si Enan may set sa bar?” tanong ni Greg.

“Well hindi naman solo pero siya yung guest performer ni Mikan” sabi ni Clarisse. “Holy cow! Are you kidding me? Yung favorite singer mo?” tanong ni Shan. “Yes, kaya dala ko lahat ng CD ko dito sa bag ko kasi ipapautograph ko lahat ito” sabi ng dalaga. “Teka totoo na ba ito?” tanong ni Tommy. “As in kakanta siya?” tanong ni Jason.

“E ano naman gagawin ko don kaya? Tatayo sa harapan ni Mikan para pagpantasyahan niya?” biro ni Enan. “Wait, totoo ba ito? Why didn’t you tell me?” tanong ni Shan. “Wala ka na ginawa kundi basketball so now you know” sagot ni Clarisse.

“Hey stop it already, guys oo mamaya naimbitahan ako magset. Actually ayaw ko sana pero gusto kasi mameet ni Clarisse si Mikan so pumayag na ako” paliwanag ni Enan. “Oh shit, totoo talaga. Oh men as in kakanta ka talaga?” tanong ni Greg.

“Oo ata, ewan ko ano balak niya. Actually hindi pa kami nagmeet. Yung manager lang niya nakausap namin. Tapos mamaya na daw yon” sabi ni Enan. “So pupunta din parents mo?” tanong ni Jason. “Hindi pre, tayo tayo lang sana. One time thing lang naman ito” sabi ni Enan.

“Ay akala ko permanent ka na pre. Pero wow sige sige kahit sagot ko na drinks natin mamaya tapos ambag ambag kayo sa pulutan” sabi ni Greg. “Oy we are not going there to really drink. We are going there to support him” sabi ni Clarisse.

“So what are you going to sing?” tanong ni Shan. “Ewan ko, parang di ko nga kaya e” sabi ni Enan. “Anong hindi mo kaya? Nakayanan mo kumanta sa gym, e yon maliit na lugar lang” sabi ni Greg.

“May pera mga yon pre, alam mo naman na sila yung masasakit manlait e” sabi ni Enan. “Tapos nakainom pa” dagdag ni Jason. “Wag nga kayo ganyan! Wag niyo siya takutin” sigaw ni Clarisse.