January, 2020
ခရားအတွင်းကပြန်ရောက်လာတာလည်းရက်သတ္တပတ်၂ပတ်ရှိပြီ။အတိအကျဆိုရင် ၁၇ရက်လွန်ခဲ့ပြီ။ဒါပေမယ့်ရက်ပိုင်းလေး နေဖြစ်ခဲ့တဲ့ခရားအတွင်းတုန်းက အဖြစ်အပျက်တွေကတော့ ဘားအံထိကျွန်တော့်နောက်ကို လိုက်လာတာ။ စိတ်ဆိုတာလည်းအခက်သား။ ရင်ဆိုင်ဖို့ခက်ပြီး၊မရင်ဆိုင်ချင်သည့်အကြောင်းတရားကိုပဲသူကသဘောကျဟန်တူတယ်။
စမတ်ဖုန်းဓာတ်စက်မှကြားနေရတဲ့သီချင်းကလည်း စိတ်ကလိုအပ်နေတဲ့ လောင်စာတွေကို
ထိုးကျွေးနေတဲ့အတိုင်းပါပဲလား။သီချင်းက "သံမဏိလိပ်ပြာ"တဲ့။ မူရင်းတေးရေးဆရာရဲ့အဓိပ္ပာယ်ကတစ်မျိုး ဒီသီချင်းစကြားကတည်းက ကျွန်တော့်စိတ်မှာအဓိပ္ပါယ်ဖော်ထား
တာကတစ်မျိုး။စစ်မှန်တဲ့တရားခေါင်းမှာထည့်ပြီးတွေးပါ
သူအမြဲပြောပါတယ်...သီချင်းကြောင့်ကျွန်တော့်စိတ်ထဲပေါ်လာတဲ့ပုံရိပ်ဟာ မူရင်းအဆိုတော်ရည်ရွယ်ထားတဲ့ တိုင်းရေး
ပြည်ရေးအတွက် အလုပ်ကြိုးစားနေတဲ့ နိုင်ငံတော်အတိုင်ပင်ခံပုဂ္ဂိုလ်မဟုတ်ဘူး။ အဖေ stroke နဲ့ဆုံးပြီးကတည်းက တစ်ချက်ကလေးမယိမ်းမယိုင်ဘဲ သားသမီးတွေအတွက်ရုန်းကန်ခဲ့တဲ့ ကျွန်တော့်အမိုးကိုပါ။ချစ်ခြင်းမေတ္တာကိုဖော်ပြတဲ့ သီချင်းဆိုပေမယ့် ချစ်ခြင်းတွေကင်းမဲ့သွားရင်တော့ ဘယ်အဓိပ္ပါယ်ရှိနိုင်ဦးမလဲ။ မဟုတ်ဘူးလား
ဒီတော့ သီချင်းကို ကျွန်တော်တစ်ပုဒ်ကျော်လိုက်တယ်။
"မျှော်နေသူအိပ်ပျက်ညများ များနေပြီ..."
နောက်တစ်ပုဒ်မှာလည်းရက်ရက်စက်စက်တိုက်မှ တိုက်ဆိုင်တတ်တယ်။ နာမည်သိပ်မကြီးတဲ့မိန်းကလေးအဆိုရှင်တစ်ယောက်ရဲ့သီချင်းကောင်းတစ်ပုဒ်။
မင်းအတွက်နဲ့ဆိုကိုယ့်အသည်း နောက်ဆုံးထိ
ခိုင်တည်ဆဲပါ ချစ်ဦးသူရေဆွေးဆွေးမြေ့မြေ့ ထိထိခိုက်ခိုက်ကြားနေရတဲ့သီချင်းသံဟာ ကျွန်တော့် မှတ်ဉာဏ်ဟောင်းကိုလှုပ်ခါထိုးနှက်နိုင်လွန်းတယ်။
ESTÁS LEYENDO
မြစ်ပွားနာ [Cancer] (U+Z) [completed]
Romance#Unicode state ေကျာင်းတုန်းက ရင်ခုန်ဦးကို ဆေးစွဲသလိုစွဲပြီး ရူးရူးမူးမူးချစ်ဖူးတဲ့ ကောင်လေးတစ်ယောက်, အသက်အရွယ်ရလာတဲ့တစ်ချိန်မှာ အချစ်ဦး နဲ့ သူ့ထက်အသက်အရမ်းငယ်ပြီး သူ့ကိုကြွေတဲ့အကြောင်းကြောင်းခဏခဏပြောတတ်တဲ့ သူ့အချစ်ဦးနဲ့လည်းရုပ်ခပ်ဆင်ဆင်ဖြစ်နေတဲ့ ချာ...