جوان_الشيخ_جاسر

البارت الخامس

جــوان الـشـيـخ جــاسـر

للكاتبة mropanda

بارت ٥

طلع جاسر لبرا يركض ع صوت امير اني جنت واكفه بالمطبخ و اباوعلهم من الشباك الي صايره واجهته ع الطارمه اجني البنات ركض يمي و حتى عمتي لانو ميكدرن يطلعن عمامي كلهم برا اضافه انو اكو ولد غربه استغربت حيل كل الي ببالي مشكلة عشائريه جديدة او اجوي يتعاركون ويا جاسر ع الصياح و الركض فاتت بين الزلم مرا عمرها بالثلاثين اصغر من عمه اسيا بكم سنة يمكن معرف شوصفها غير منظرها كأنو مرا "كح...." تداركت نفسي شدا اخربط اني شنو هل الالفاظ بس الصراحه مشيتها بينهم و نظراتها و حركاتها تدل دليل قاطع ع نوعية شغلها انتبهت ع سارة و عمة و هن يكولن منو هاي عزا العزاها شهل عرامه بينهم و تترنح بمشيتها،،،،...رجعت باوعت للشباك و اشوف علي و زين و جاسر مخبوصين واحد يجي منا يرد اللاخ منا و جاسر وجهه ميتفسر من العصبيه و عمامي صواتهم علت يريدون يفتهمون السالفة من غير هي جايبه زلم وياها و يتصايحون ويا عمامي و جدي...شويه و جدي دخلهم للمُضيف دخلوا همَ و هي دخلت وياهم و جاسر بعد ما شفته كل الي ببالي مشكلة و تنحل مجان ببالي غير شي صبيت لجود اكل و سحبت نفسي من هوسة عماتي و البنات بقن يحجن ع البنيه و اسمع شاهيناز و امها يتهامسن شديصير مدري صعدت لغرفتي و بحضني جود شايلته و ماعون الاكل فتحت الباب و رجعت سديتها برجلي خليت الاكل ع الميز مال الاكل عندي بغرفتي ميز دائري و ويا كرسيين يم الشباك عود للاكل سوده عليه خليت جود ع الكرسي و كعدت بالكاع جريت الماعون دا اوكله هو يضحك و اني اوكله و اسويله سوالف مال زعاطيط كمل و رحت غسلت اله و رجعت ما سمعت هوسة بعد شكل الناس رايحه بس اكو صوت مرا غريبة مهتميت دخلت لغرفتي و سديت بابي جود طبعه يلعب و يركض بالغرفه لانو جبيره ماخذ راحته اباوعله و ضاربه صفنه مدري انزل اشوف الوضع بالي يم جاسر مدري ابقى هنا خاف يكول هاي تنازلت الي صحت بنفاذ صبر اريد اسكت العركه الي براسي اهووو هي مشكلة و تنحل سمعت الباب انفتح دخل هو انتبهت اله اجه كعد يمي و بقينا اثنينا نباوع ع جود شلون يلعب محد بينا نطق بكلمه بس خوف عجيب تملكني بين صفنه و صفنه احسه يباوعلي بنظرات اسف و تأنيب ضمير مفهمت شكو
جاسر : جوانه تعرفين شكد احبج مو؟
جوان : لا
جر نفس حسيت الدنيا ذابه ثگلها كله عليه مثل غيمه سودا تنتظر غيمة بيضه حتى تمطر و هاي حالته عيونه برغم العصبيه و الغضب الي بيها بس اكو دموع اكو المم فضيع تنهد و رجع حجه
جاسر : يا تعب عمري و سهر هل سنين يا حب حياتي الي ما ابدله بذهب الدنيا احبج و حگ الله و مو زلمه و شاربي تارس وجهي اذا كلمة احبج ما طالعه فد يوم من كل گلبي الج
بكل غباء جاوبته چا هو بعد ثولني مدري فرحتي بأعترافه الي اول مرا يحجي بدون تعصيب حسيت اريده يي اريده : جا خلي نتزوج
فتح عيونه بصدمه : بصلاة محمد عليج!!!!
جوان : و الله شبيك
جاسر : شو دكعدي كدامي اول و سولفيلي شو اليوم فيوزاتج نازله ،،،جرني و كعدني بحضنه هو جان متربع بالكاع و جود بعيد عنا يلعب اني باوعت لجود و بعدين باوعتله يلفشلة كاعده بحضنه و وجهي گبال وجهه بس يكول طخخ نروح ع الترابي
جوان : ول يابه من اول اني كتلك احبك بس كتلك العيشه هنا بعد امي و ابويه صعبه عليه بس انته ما تفتهم
جاسر : شو باوعيلي يولي منو الما يفتهم شو دتمسلتين بكيفج
جوان : جا انته ما شفت نفسك من ضربتني و بعدين ما خليت ببالك اعترافي الخطير الك
جاسر : ايبااااااه الا هو خطير يابو خطير طلعتيني عن طوري من الخطوره نمتي مستشفى ع كد ما جان خطير
جوان : ههههههههههههههههااااي
جاسر : شنو هاي ضحكت الساقطات يولي عرفنا دتضحكين الا هاي الكسره مال المصريين بالنهايه بطليها متلوكلج
جوان : صوجك لو صوجي دضحك يمك مو شكول نعمه ،،،..جرني من اذاني بس بلطف
جاسر : منو مو شكول نعمه لسانج اكصه يولي لو عدتيها
جوان : حاضر بويه حاضر منا و جاي احسب ١ ٢ ٣ يلا احجي وياك حجايه و ها يا كلمة ردي لمكانج
جاسر : شو منطلقه اليوم حابتني و تحجين بمستقبلنا
جوان : و الله حبيبي تدري الصراحه يعني هو مو محبة بيك او لواكه بس الشاهده لـالله انته تنحب عجل هذا جسمك عبالك بقلاوة تتحرك لو لحيتك و شاربك يممماااي اموعن الا شني جنت رافضتك لسوالف انته تعرفها عاد انتو مقصرتوا سديتو بيبان الله كلها بوجهي و بعد مكعدت ويا نفسي كلت يولي بقلاوه و تحبج ع شنو رافعه خشمج شو دگابلي و كعدي حبي اكثر من اول بس ارجع و اكولك خو هاي كدام الله اكولها انته عليك جسم يبووو "احجي و اني ااشر ع بطني عود دا اريد اوصله فكره عنده عضلات ببطنه تجنن" عندك عضلات ببطنك يووولللييي الا شني حلقوووومممم،،،عاد هنا انتبهت ع نفسي شدا اخرط و شلون متفاعله ويا و بكل ثقه احجي و ااشر و هو صافن عليه يريد يطكها بضحكه بس ميريد يخجلني بس هو متحمل طكها بضحكه و صوته عععاااللليييي اول مرا اشوفه هيج يضحك بين فشلتي من الموقف و بين اريد اسكته ضعت انوب كام يكح هلكد ما ضحك كال كومي جيبيلي مي يلعن بليسج ع هل كلام،،،كمت