جوان_الشيخ_جاسر

البارت السادس عشر

جــوان الـشـيـخ جــاسـر

للكاتبة mropanda

الـبـارت الـسـادس عـشـر♥️.

كلنا انصدمنا متوقعنا يجي و خصوصاً اني متخيلت يسويها و يجي جان يتهدد عليه بس متوقعت تصير صدك احنا بصدمتنا و جود راح اله يركض حيل يحبه اني ادري جاسر شمسويله و هيج يحبه حضن جاسر حيل و ذاك ما صدك صار طفل بحضنه شاله و بقى يفتر بي و يبوس و الله جود شابع بوس اكثر مني حسين كله
: فوت اول و تالي منطرد الخطار الي يجينه
جاسر : ها تمام،،،...هو دخل و كعد سلم ع الحجيه و هي مجانت تدري انو هو منعني بوكتها حسين كايل الها جدها ما قبل تجي فـهي سلمت عليه بشكل طبيعي و كعد و اني رحت للمطبخ اسوي جاي حسين ما سمعته يحجي ويا جاسر ابد بس الحجيه و جود يحجون ويا

جود : عمو انته ليث متجي عليني
جاسر : و الله يا عمو شغل كومه
جود : بث عمو اني اثتاقلك حتى كلت لجواني تحثي وياك علمود تجي
جاسر : اني هم اشتاقلك هوايه شو تعال يمي،،...

كملت الجاي و اخذته الهم هو مگعد بحضنه جود اول شي رحت للحجيه و بعدين هو بعدين حسين و همسلي حسين كال فوتي جوه استغربت ليش بس خزرني رحت رجعت الصينيه بالمطبخ و رحت بغرفه الحجيه و الله اجذب اذا اكول ممرتاحه بالعكس حيل ارتاحيت بدون ما اشوف وجهه كل ما اشوفه اتذكر من عصب عليه حتى ما اروح للمستشفى و صوت صياحه لسه يرن بأذني صرت اتنرفز منه بس گلبي يرفض هذا الحجي لحد هسه احبه اي احبه و اعشكه هم بس و الله الا اخلي يتندم ع الساعه الي زكح بيها عليه شنو جاهل وين ما يشوفني يعيط بيه و يضرب و يهين و اني الممنونه فوكاها بسيطه جسوري ابو الحقوق،،، من دخلت للغرفه لحد هسه محد سأل عليه ابد شسالفه جاي الهم لو اليه غير يكول وينها اريد احجي وياها و اني عود اصير شخصيه و ارفض و اصير مثل بالمسلسله من يتوسل بيها تسامحه الا ابو الحقوق ما نطق بأسمي لزمني فضول اكوم اسمع شيحجون كمت فتحت الباب ع كيفي حتى متطلع صوت ادري بيها ع حظي تكوم ترعد بس الحمدلله عدت سلامات تنفست براحه و خليت اذني اسمع
فيروز : و الله ييمه اني اعتب على جدك شلون ما يخلي جوانه تجيني لهناك و انه بين الحياة و الموت شعره،،،..،،،هو من سمعها سكت شويه عباله تدري هو منعني و يمكن انصدم من سمعها تعتب ع جدي فـكام يحجي بتردد

جاسر : ها حجيه يعنـ...
حسين : حجيه جاسر جان بدوامه بوكتهه ميدري و لو يدري هو يجيبهه تدرين بي ميقصر،،،،.....

حسين كان كل حجيه بنتر و يدوس ع الكلمة من تطلع و الله من كلام حسين عرفت شكد گلبه محمل ع جاسر

جاسر : و ليش تحجي بنتر شبيك محمل عليه يابه حجيه انه منتعهه انه ما قبلت تجي مو لشي حجيه بس انه اخاف عليهه و ما اخليهه تطلع لمكان انه مو بي
حسين : بس انه اتصلت بيك و كتلك انته جيبهه و تعال ترا الحجيه هيج حالتهه صعبه
جاسر : و انه ما رضيت تروح للمستشفى لان اخاف عليهه
حسين : خوفك عليهه شي و الي سويته شي ثاني جاسر هذا مو عذر و لا مبرر للي سويته
جاسر : خويه انه اسف و حقك عليه تصرفت بعصبيه و سرعه انه ادري مكسور خاطرك مني و حقك اخذه من هذا الشارب بعد؟
حسين : اكوم ازينه الك هسه هلكد محمل عليك
جاسر : الا الشارب يول
فيروز : و الله انه ما ادري ازعل منك لو منه انته كذبت عليه و هذا الشي حرام لا عبالك اسامحك عليه  و انته الثاني اذا عبالك الحب بالتملك و السجن و الصياح و الضرب فـانته غلطان ما يجوز احسان بالاكراه انته لا عبالك من تسوي سوالفك هاي تخلي البت تحبك لا يولي الشي الي تشوفه انته لمصلحتهه هي تشوفه مكروه لا على كلشي و سويتهه ضرب و صياح
حسين : هيج احسن ارتاحيت رزلتك و رزلتني شتسوالك بالله كدام الزعاطيط تترزل و انته رجال مشورب
جاسر : ايبااااه ع اساس انته ما مشورب و كلتلك كذاب يول عيب ع الرجال يكولون عنه كذاب
حسين : ول يابه عيب ع الرجال الي يعيط ع زعطوط بكد زره
فيروز : شو دسكتو واحد اتعس من الثاني،
،،..عاد من حجو هيج دحكت من الباب شفت جاسر نزل جود من حضنه و راح باس الحجيه من راسها و ايدها و كال الهه سامحيني و هي خطيه گلبهه رهيف گبل كلتله ديربالك ع الي بأيدك تره دره من الله،،يمممماااي صرت طماطه من الخجل عركت من الخجل و الله،،بعدها كام سلم ع حسين و تراضوا اثنينهم و محد سأل عني ياااا شنو سالفتهم تره لو ما اني جان ما صاروا اصدقاء استغفر الله ربي اي اي تراضوا و اني واكعه بيها عفتهم و رحت كعدت بفراشي مراضيه عصبت تره اني الي عيط عليه و اني الي گلبي انزرف عليهم و تالي يتراضون الا من صدك غبيه اني راح راضاهم حتى يصفى الجو اله بسيطه ابو الحقوق بعدها مسمعت صوت الهم طلعت لكيت جاسر رايح هذا من صدك يريد الجو يصفى اله عوجت حلكي مراضيه