جوان_الشيخ_جاسر

البارت الخامس عشر

جــوان الـشـيـخ جــاسـر

للكاتبة mropanda

الـبـارت الـخـامـس عـشـر♥️.

هو من سمعني گلت هيچ هدأ و صفن بوجهي راد يحجي ويايه درت وجهي عنه عمه اسيا جرته و طلعو برا و الباقين هم كعدت ابجي بقهر الحجيه بالمستشفى و حالتها خطرة و اني هنا مغلوب على امري لعنت الساعه الي اجيت بيها لهنا اخوية اكيد خايف هسه و حسين اووووف يا حالته كل ما اتذكر صوتة شلون يحجي و مهزوز من القهر شسوي شنو الي بأيدي اسوي و ما سويته جريت نفس بحسره صارت بـ٧ بليل و اني حيلي انهد من البجي اريد واحد يجي يكلي تعاي اوصلج الهم اريد روحي ترد الي بشوفتهم ماكو،،صعدت ساره كالت العشا صار انزلي يمنه كتلها ما اريد شي منكم بقت تحجي و تقنع بيه و اني ع جرة البجيه حيل انقهرت صعدت شاهيناز فتحت باب الغرفه و اجتي يمي جانت لابسه تراك بس حيل لازك ع جسمها و مبين الي لابسته جوا التراك هم كعدت گبالي

: دحكي مو عبالج احنه خدم الج جايه هينا مثل الخطار و تنتظرين يصعدولج اكل...،

مجاوبتها وحده مريضه بيا حال و جايه تتعارك

: ما تردين مو؟ يصير خير جوان دحكي طالعه منج و رايحه لغرفه حبيبي،،،..

اعرف قصدها تغثني و تريد احجي حجايه حتى تگلبها عليه و بعدين اني كارهته و كارهتها نارهم تاكل حطبهم مرديت عليها من شافت ماكو امل احجي راحت و هفت الباب وراها روحي تعبت من البجي و احس نار بجسمي كمت اعرك و معدتي رجعت تگلب ردت اتقيء فتحت الباب صار هو و شاهيناز گبالي لو ما العيب جان تقيأت بوجههم اثنينهم رحت گبل للحمام و ذبيت الي اكتله خلال اليوم كله و احس عيوني طلعت من مكانها كمت ازيد بالبجي و اضرب بالمغسله حيل غسلت وجهي و نظفت المكان ردت اطلع اجه هو و حواجبه عاگدهن
جاسر : اخذج للمستشفى
جوان : للمكبره احسن
جاسر : اعرف كبرت الموضـ..،،،..مهتميت لكلامه عفته و دخلت للغرفه و هفيت الباب ورايه اي كلام ما اريد اسمع منه مطايقته لو بيدي الزمه اكطعه صارت بـ٨ و اني الوب افتر مثل المرصع بالغرفه احس الحيطان تخنكني روحي يمهم شسوي دخلن البنات و بقن يهدأن بيه و اني رافضه اي كلام يهدأني نار و تسعر بگلبي للـ٩ و اني ع نفس الفرة و خطيه لا البنات و لا عمه اسيا و اسراء عافوني بقوا يمي و جاسر ابد ما شفته بعد شويه و سمعت جاهزي يدك ركضت اله و اني ملهوفه عليه طلع حسين گبل جاوبته و اني اشهك و طول ما احاجي ما وكفن دموعي

جوان : حباب حباب لتكول شي مو زين لتكول صار الهه شي
حسين : اخذي نفس شويه و كولي يا الله ما بيها شي و الله
جوان : شلون و التحاليل الي طلبوها منهه و التشخيص
حسين : يابه خالطين بالتحاليل و هسه رجعناهه للبيت بس هي تعبانه من الصبح لسه بالمستشفى انطيتهه دوا ضغط و نامت
جوان : الف الحمدلله ع سلامتها
حسين : هذا العار حجه وياج شي؟،،،..