جوان_الشيخ_جاسر

البارت الاول

جــوان الـشـيـخ جــاسـر

للكاتبة mropanda

🍯كـبار الـعـائـلـة و الـي هـم الـشـيـخ و الـشـيخـه يعني الجد و الجده
"عــيــدان" و " نَــهــر"
عندهم ابراهيم الي هو العم الاكبر يعني اول ولد لعيدان و نهر يجي وراه اخوه عمار الي هو ابو جاسر و بعدين احمد الي هو ابو جوان و راهم اخوهم ياسر و اختهم اسيا و اخر العنقود لينا..
🍋عـائــلة جـوان
ابوها "احـمـد" امها "زهرة"
اخوها "جود" عمره ٥ سنوات
و هي جوان عمرها ٢٠ سنة
🍓عـائلة جـاسـر
ابو "عمار" امه "وديان"
اخو "زيد" عمره٢٢ سنه
اخواته تؤام غير متماثل "سارة و مينا" عمرهن ٢٠ سنه
و هو جاسر عمره ٣٢
🍰عائله ابراهيم -العم الچبير-
ابراهيم الاب و مرته اسراء
عنده ٣ ولد و بنيه وحده
اولهم مصطفى عمره ٣٦ سنه
ثانيهم علي عمره ٣٢ سنه (صديق جاسر الروح بالروح)
ثالثهم رانيا عمرها ١٩ سنه
رابعهم اسد ١٢ سنه
🧁عـائـلة ياسر-العم الي بعد ابو جوان يعني اصغر منه-
الاب ياسر مرته اسيل
عنده ٢ولد و ٢ بنات
اولهم زين عمره ٣٢ سنه (لان ياسر تزوج قبل ابو جوان لهاي يكون اكبر من جهال احمد "ابو جوان" ) و هو يكون مثل الاخ و اعز من الاخ بالنسبه لجاسر
ثاني واحد امير عمره ٢٣ سنه
و بعدين نَـفَـس عمرها ٢٠ سنه
و اخر شي شاهيناز اختهم الصغيره عمرها ١٨ سنه
🍭عمتهم اسيا
هي اسمها اسيا و زوجها اسمه لواء
عندها بنيه وحده و ولد
البنيه اسمها غزل عمرها ٢٠ سنه (صديقه جوان حححيل)
و اخوها شهم عمره ١٨ سنه
🍫عمتهم لينا
هي اسمها لينا و زوجها اسمه يوسف
عندها ولد واحد اسمه سند عمره ٩ سنوات
.
.
.
.
.
بـاعـوا حـتـكولون شخصيات هوايه شلون نحفظهن و هيج..بس اني مراح ادخل اغلب الشخصيات بشكل اساسي فقط ذكرتهم بالتعريف حتى خاف اذكر واحد منهم انتو يكون عندكم فكرة عنه هاي شغله
شغله الثانيه اكو بعض الاعمار متقاربه مثل ما شفتوا يعني البنات "جوان و ساره و مينا و غزل" كلهم نفس العمر و "جاسر و زين و علي" هم كلهم نفس العمر هل شي فقط حتى يكونون نفس التفكير و نفس الحركات و يفتهمون ع بعض يعني خو مو اخلي جاسر صديقه عمره ٢٠ و هو عمره ٣٢ ها؟😂 و انتو فكروا بيها على انو هم شيوخ و كل همهم الزواج و الجهال فـيعني يتزوجون من هم صغار و شي طبيعي ابناءهم نفس الاعمار وك طولت بس دا افهمكم لحد يطرد😂.
الي يتابع القصه يدوس ع النجمه و يكتبلي تعليق حتى استمر🍓🧁.
و بس هيچ احبكم فراولاتي🍓.

بارت الأول

چنت گاعدة بحضن امي بالبستان متعودين احنا و بيبي نَهَر نروح لبستانه نكعد بي العصر للمغرب او الى ان تظلم الدنيا هل بستان بس تفوتون اله تحسون بأمان عظيم جدي و عمامي و ولد عمامي معتنين بي و بالحلال مالتنا طبعاً من اكولكم حلال يعني عندنا كومه بساتين بأسم عائلتي لان جدي شيخ العشيرة و كولشي بأيده و هو رجال صاحب حق و يعرف الصح من الغلط ربانا و ربى عمامي ع الاصول ما فرق فديوم بيناتنا او بين عمامي هو و بيبي نهر احلا شي بالعائله تزوجوا عن حب و شي اكيد هل حب انطرح على عائلتنا بشكل مو طبيعي بحيث احنا كلنا نحب بعض و نخاف ع بعض من الهوا الطاير ..لهل سبب كلنا عايشين بنفس البيت او بالاحرى قصر الشيخ عيدان
"جوان" بعد ما كعدت من الي جنت احجي ببالي عن عائلتي نزيت على ضربه امي و هي تحاجيني😂
زهره:ولج بيبيتج صارلها ساعه تحاجيج وين شردتي
جوان:بسم الله يمه اخترعت شسالفه ماكو احترام للي نايم بحضنج
نهر:ولج ام اللسان اوف منج و من سوالفج چا صارلي ساعه احاجي روحي
جوان:لا بيبي استغفر الله مو هيج بس جان راسي يوجعني شويه و عود گلت ارتاح بحضن نبع الحنان بس طلع نبع الكتل
زهرة:خايبة ويني وين تنامين بحضني اني رجليه بالموت امشي عليهن
جوان:اي اي بس لجود
نهر:كافي مناگر ولج حيطلع لسان فوك لسانج كله من دلالي
جوان گامت يم بيبيتها و باست راسها و هيج تتلوك و تعرف نقطة ضعفها
جوان:اوف شهل الجمال اليوم طالعه كيك و ريحتج تجنن اوف اوف نهر خانم الصاكه
نهر:اي مشي سوالف اللواكه ع الدبة و هسه كومي انتي و غزل و ساره حوشوا تمر من هاي النخله و محد راح يشوفجن لان ما شاء الله مسوين البستان سجن الويلاد
وديان "ام جاسر" :چا عمة غير الويلاد يخافون على الحبايب (و غمزت لجوان)
هنا جوان صخنت خدودها اشتعلت نار من الخجل..اجتها غزل
غزل: لا يابه على شنو الغزل محد افتهم
ساره:يي محد محد بس الكل عرف سوالفكم😂
غزل:حرام عليج ولج البنيه راح تطگ
ساره:لج لا حاليا دتعزم الناس ع عرسها يوم الخميس براسها
جوان:اي و فدمرة اعزمهم على جنازتج ست ساره
ساره:اهو شگلنا هسه مكلنا شي
غزل:كافي امشوا بلا عركات
جنا نتمشى و احنا نسولف و نضحك بالرغم ما احنا كل وحدة براسها واحد و نعرف انو هم النا و يحبونا بس احنا كبنات كارهين هيج عيشه انو البنات هنا صايرات ع الهامش محد يهتم الهن الكلمه الاوله و الاخير لرجلها و خاصه اذا صرتي مرت شيخ و بنت شيخ مراح تتنفسين الا بأمرهم بالرغم ما اني و البنات كل منكعد نتشاقه ع سوالف الحب و نضحك و نصنف بس نرجع ننقهر ع حضنا انو الي نحبهم حاكمينا مثل الحكم المؤبد منطلع الا هم يعرفون و هيج شغلات هذا جان حجينا و احنا دنتمشى
حشنا التمر و رجعنا لبيبي نهر طبعا اكلنا رزالة لانو ماخذين وين ماكو تمرايه ما بيها خير بقت تحجي علينا و احنا نضحك رجعنا للبيت المغرب حتى نسوي عشى و لان جدي و عمامي و ولدهم على جيه
زهره:يمه جوان شوفي اخوج عفته نايم بالديوان و الديوان مبي احد و هو مفصول عن البيت اخاف يكعد يبجي و محد يمه
جوان:اوف يمه دائما لازم الم الزعاطيط
اسيا:يعمه غير انتي نفس عقلهم
بقوا يضحكون عليه جريت غزل و ساره و طلعت و اني معصبه يعني عمري صار عشرين سنه و لسه طفله
جوان:اوووف اوووف ضجت بنات بس نرجع نجيب بيبسي و شغلات طيبه و نكعد نباوع فلم
غزل:عزا بعيني تدرن زين گلي الگاج يم باب الديوان اول مترجعون و لحد هسه مرحتله اليوم كتلتي عمل شعبي
ساره:بربج متذكرتي الا هسه حصره علينا نتأمل حياة حلوه جوان كملي كملي اصلا الشي الي كلتي عليه راح انسوي بس شوكت؟ بس بأحلامنا
ضحكت على سوالف ساره اني و ياها نفس الخبال بس غزل العاقله بيناتنا لان هي عاقده ويا زين فتخاف منه مو مثلنا سنگل😂
جوان:اي بنت العم طگيها احنا محد يلمنا
جوان و ساره 👋🏻
غزل:اشوفجن من يجون تبقن تطكطكن اممم
جوان وصلنا للديوان لكينا زين ابن عمي واكف و عيونه ع غزل تجدح نار
زين:هلا و الله شرفتوا يعني و اخيرا
ساره:لتسب
زين:ما سبيت لسه لج بنت العم انتو ميصير اسبكم لانكم خط احمر و غمز الهن😉
جوان:اهو رجعنا لنفس السالفه يابه احنا خط اصفر اكسر الحواجز ابن عمي😂
غزل جانت تتختل ورا جوان و ساره تدري انو زين ديتشاقه بس لان هن واكفات و بس يروحن يبدي الاكشن مالته
جوان:اروح اشوف اخويه
ساره:يلا جي... گطع كلامها صوت رجال يجنن هل الصوت صاحبه مزلزل كيانها و موكعها لسابع كاع
علي:هوب هوب الحلو راح يشرد
زين:اخذها بالراحات ما انريد حالتين حرجه الليله منا ست غزل و منا ست ساره
و هو يباوع ع غزل الي دترجف منه يمكن اذا يذبحها ميلكى قطرة دم ابتسم ع خوفها و هو هذا الي يريده حتى بعد متعصي اوامره
علي:انشوف ما اوعدك بشي و هو يجر ساره من ايدها و يروح
جوان بقت صافنه عليهم
جوان:كل عقلكم عود؟
زين:لا نصه..هو يجر غزل وراه و يحجي ديري بالج ع النص الثاني و كام يضحك😂
بقت جوان تفكر شيقصد زين بحجيه و هي دتفتح باب الديوان .. انفتحت الباب و جان تشوفه كاعد ويا جود يلعب ويا و يبوس بي
جوان:مجنت اعرف هنا انته
جاسر و هو يعدل كعدت جود و يكوم من يمه و يتقدم الها ببطىء
جاسر:ردت اشتم شي يخصج ملكيت غيره كدامي
جوان و هي تتلعثم:ااااءءء شسمه يعني هاي انته ماكو مو اني
جاسر بضحكه بطرف شفته:اي اي اني جنت احوش تمر و للمغرب يلا اجيت
وصل يمها و طبك ظهرها ع الباب
جوان:جاسر شدتسوي
جاسر:دا افكر شلون اتفنن بتعذيبج اني شكتلج ع طلعتج؟ مو كتلج من تنزلين من مهجومتج(غرفتج) تلبسين شال و شي عريض ععليج؟ لو حجيي ويا الهوا صاير! و هو يركز على كل كلمة يكولها
جوان:تعرف اكره هل حركات و تعرف اكره هل تملك لتحاول تسويهن عليه اني مو مثل غزل اخضع الك
جاسر و هو يتقرب و يخلط انفاسه بأنفاسها:اممم متأكده؟
فجئه عاط جود لان وكع ركضت اله جوان و هي تدعي لـالله لان خلصت من جاسر وصلت يم جود و شالته و حضنته و هي ممنتبهه على الي عيونه صارت نار و عروك رگبته طفرن لبرا من العصبيه
جوان:حبيبي اش اش لتبجي يعمري انته جاسر:جيبي
جوان:راح اخذه لامي
جاسر بحده و هو يخزرها:گلت جيبي
جوان و هي تمشي بخوف اله جاسر نتر جود من ايدها و جود جان يبجي لان كصته انجرحت
جوان و هي تبجي:جاسر فدوه خلي اخذه لامي شوف كصته
جاسر طلع و عافها و اخذ جود ويا و راح للمطبخ بعصبيه و جوان ركضت وراه
فات للمطبخ و جان يدور على مرت عمه جاسر و هو يصيح:عمة زهره
اجته و هي تركض بأزار الصلاة:ها يمه خير ... شهكت من شافت كصت جود
زهرة:يمه ووليدي شبيك
جوان:يمه و الله مبي شي جان كاعد و زلك من المخده للكاع لتكبريها
زهرة:انتي اسكتي اخر من يحجي من شوكت كتلج روحي شوفي اخوج بس وين تحجي ويا الحايط
جوان و هي تشهك:يمه ليش هيج تحجين.....راحت ركضت صعدت لغرفتها انقههرت لان امها صيحت عليها كدام البنات و زوجات عمها و هي منا تعاركت ويا جاسر
اسراء:لج زهرة متستاهل هيج ترزلين البنيه هو طفل عادي ينجرح و يوكع
زهره:عوفيني خيه هل البنيه طلعت عينها زايد ملاگيه االي يضبها
جاسر:عمه شنو هل حجي
زهرة:مثل مسمعت..اخذت جود من حضن جاسسر و طلعت
وديان:عوفوا المرا لحد يضغط عليها هي منا مريضه
اسراء:مكلنا شي بس خطيه بنتها كدامنا ترزلت و انحرجت
اسيا:راح يجون الزلم يلا كلمن لشغلها..عمة جاسر وليدي فدوه اخذ واحد من الولد و روح جيب مرت عمك اسيل خطيه خابرت تريد واحد يجيبها
جاسر بقى يسب و يلعن بگلبه منا جوان الي صعدت تبجي و غزل و ساره مو يمها حتى يأمن و لا يكدر يصعد الها هسه و فوك كل هذا طلب عمته منه
طلع و هو ميشوف كدامه من العصبيه شاف زين و علي ديتشاقون راح الهم
جاسر:اي بله شعليكم انتو هنا تتمضحكون و جاسر كل مرا ياكلها مو؟
زين:هووووب شكو
جاسر:شكو يعني!
زين:انته اجيت تتعارك
علي:طار عقلة
زين:اذا جان باقي نص منه حاول تفهمنا شبيك شكو معصب
جاسر حجه الهم الي صار من الف للياء
زين:علمود هاي؟ خاب سهله هسه ادز واحد من هذوله الزعاطيط لامي و اختي معليك انته و انته روح رضي الاميرا😉
جاسر:خليها مو هسه اختنكت دز هذول لامك و احنا خلي نروح للشط بين ميصير لعشا
زين:تأمر شيخنا ....امير زيد روحوا لامي جيبوها ابويه هنا بالديوان و اني رايح ويا الولد
اميير:اهووو من البدايه كتلها تعااي من بيت اهلج كافي
زين: اكص لسانك مرا ثانيه اذا حجيت هيج فهمت!
امير:يلا زيد مشينا..حاضر خويه
-------------
و بس هيچ♥️🍓.