جــوان الـشـيـخ جــاسـر
للكاتبة mropanda
صعدت عمة اسيا و هو وياها و اني مغمضه حسيت بأنفاسة بأذني تتصاعد من التعب و الركض و هو يكول اللللللهههه يااااخخخخذذذننني بعدها فعلياً محسيت بشي غير اني بالمستشفى فتحت عيوني ملگيت احد بالغرفه تنفست بنفس عالي اريد اطلع هل خنگة من گلبي بالنفس عليت صدري و اخذت شهيق بس ترددت بالزفير لانو حسيت بألم فضيع هدأت نفسي و تنفست شويه شويه احاول انهي هل الم دموعي اجتمعن بچيت حيل ع حالتي هاي گلت بگلبي وينج ماما تعاي شوفي شسووا بيه انتبهت ايدي بيها جبيرة شنو هاي مجبرين ايدي؟ عجل شگد ضربني و قسى عليه! دخلت الدكتورة و صحتني من هل دوامه،،،...
الدكتورة : اسمج جوان صح؟
جوان هزيت براسي بمعنى اي : صح دكتورة
الدكتورة : امي تدرين شصاير بوضعج لو لا؟
جوان درت وجهي بحزن احاول اخفي دموعي،،،..
الدكتورة : امي انتي صاير عندج كسر بأيدج لتخافين شهر بالاكثر و يروح و اكو جروح بجسمج يحتاج الهن رعاية لانو اكو اماكن صاير عليهن اكثر من ضربه احمدي الله الضرب مجان بوجهج و الا تشوه كالو وكعتي من الدرج بس هاي اثار ضرب و حتى وجهت ادارة المستشفى ع حالتج لانو شاكه بأهلج
جوان : دكتورة اطلب منج شي؟
الدكتورة : اطلبي حبيبة
جوان : فدوه اريد جهازج انقذيني من هذا الجحيم
الدكتورة : اي جحيم امي منو هيج مأذيج؟؟
جوان : دكتورة و الله محد يكدر يساعدني غير هذا التلفون فدوة انطيني تلفونج
تنهدت بحزن و هزت راسها بمعنى مراضيه رفعت الجهاز و انطته الي كالت : ولو مراضيه ع الي يصير لانو اكو قانون يحميج بس هاج بنتي
باوعت الها و اني احجي بگلبي دكتورة يا قانون اذا هو القانون سوا بيه هيج شنتظر من الي مثله جاوبتها : دكتورة متدرين هسه شكد فضلتي عليه
اخذت جهازها و اول ما اتصلت ع بيبي فيروز رقمها الوحيد الي حافظته عدل من كثر متتصل بيه يمكن القرار الي اخذته هسه يبعدني عن حبي بس هو يرجع كرامتي و ابتعد عن الاذيه يمكن نسوان خوالي ميحبوني بس متأكده خوالي يحبوني حيل و راح يحتووني
بدد احس خرسيت ،،،...ضرب باب الكنتور الي بصفي بس مو حيل كال جاوبيني دا احجي وياجج ،،..رفعت راسي اله عيني اجتي بعينه شعور مستحيل اكدر اوصفه بكم كلمة ردت هل وكت يوكف هنا ردت انسى تعذيبة الي ردت انسى خاينته ردت انسى نفسي بين اديه بادلني النظرات و كأنو عيونا تحجي،،..ردت احجي خلا اصبعه ع حلگي بمعنى لتحجين بقى يتقرب شويه شويه و هو مركز نظرة بعيوني لا ياربي لااا ليسوي الي ببالي تداركت الموقف و حجيت
جوان : الله عليك خليني اروح
جاسر : و تعوفيني؟
جوان : اكو واحد يعوف روحه؟
جاسر : انتي الي دتسوي هذا شنو خاف عبالج مشت عليه جايين يشوفوج كاشفج و حگ ربج من المستشفى و هاي حسابها بعدين
جوان : لهذا السبب اريد ابتعد عنك ظلمك هو الي يخليني ابتعد عنك
جاسر : ظلمي؟ ظلمي اني؟ ليش متسألين نفسج انتي شسويتي حتى ظلمتج
جوان : رجاءاً عوفني جاسر فدوة اريد اروح
جاسر : لتعوفيني هنا بدونج
جوان : بس اريد ارتاح وعد ما اطول بس خليني ارتاح
جاسر : اجي وراج و الله
جوان : ماشي بس خليني اطلع من البيت هذا
جاسر : تصالحنا؟
جوان : تخسي و الله كال تصالحنا كال
جاسر : هههههههه بالله العظيم مو صاحية يول تعرفين شنو معنى تخسي؟
جوان : بمعنى خسأت و رب الكعبه
جاسر : و رب الكعبه اذا تبقين هنا ثانيه وحده بعد ارتكب بيج جريمه و اكسر بيج غير شغلات،...فتحت عيوني من الصدمه و حلكي
جاسر : كافي سدي حلكج منا ذبان
جوان : حتخليني اروح؟
جاسر : تمام
فتح الباب و نزلت اني و هو ورايه و كلهم متفاجئين شديصير شهل خبال هذا و اني خوف ع فرحه متملكني اما جاسر ابد مبين انو تصالحنا بالعكس نفس العصبيه يمكن مجان يريد يفشلني كدامهم
محمد : خالو جاهزه
جوان : جاهزه
اخذت شالي و عباية و خالي محمد بأيده جود و خالو ادهم بيده الجنط و خالو علي كدامنا هو راح يسوق ،،،...ركبت بالسيارة لورا و يمي خالو ادهم باوعت دا اودعهم شفت جاسر يأشرلي بمعنى اكسر ايدج الثانيه لو فتحتي الجامه ابتسمت و تحركت السياره اباوع عليهم من الجامه الورا شويه شويه يختفون حجيت بگلبي معقوله هذا الاريده؟ ابتعد عنهم و ابتعد عنه؟ السيارة طلعت من الفرع و هم اختفوا درت وجهي و اني ما اعرف شراح اسوي بالجاي...
———————————————————
حبيت اختم وياكم بشي مو مثل كل مرا بصياح😂شنو رأيكم بالبارت
أنت تقرأ
جوان_الشيخ_جاسر
Chick-Lit🍯كـبار الـعـائـلـة و الـي هـم الـشـيـخ و الـشـيخـه يعني الجد و الجده "عــيــدان" و " نَــهــر" قصة منقولة للكاتبة mropanda
