جوان_الشيخ_جاسر

البارت الثاني عشر

جــوان الـشـيـخ جــاسـر

للكاتبة mropanda

الـبـارت الـثـانـي عـشـر♥️.

جاسر : دكعدي يولي وين اروح انه و انتي رابطتني بيج،،،...من الفرحه ردت اكوم ع حيلي و احضنه ادفنه يم گلبي اشتم عطره و ارتاح بحضنه مشتاقتله و احس بحضنه لو اخذ اخر نفس اليه هم اموت بسعاده بس تفاجأت دفعني منه و كأنو صدني كدام عماتي و حسين و الحجيه لحظه ليش عجل حجه هيج و الله سمعته بالحقيقه كالها صدني اي صدني تقربت اريد احضنه دفعني من كتفي و كأنو كارهني كام مني و طلع حسين ورا اجتمعت الدموع بعيوني مدري من حالتي الي وصلت الها بسببه مدري من الفشلة الي كدام الكل
اسراء : ها يمه شلون صرتي
جوان : بخير عمه
اسيا : يمه لتاخذين ع خاطرج منه ترا تعرفين بي لو راد يهون السالفه يسوي روحه و لا كأنو صاير شي و لو راد يأزمهه يكبرهه و هي صغيره ييمه و انتي هم هوني ويا لا كله ماخذته بعناد و كبرت هل راس،،..نزلن دموعي كأنو جنت منتظره واحد يشكيني
اسيا : بعد روحي انتي يمه و الله شوفتج هيج تكسر الخاطر
جوان : عمه فدوه اريد انام
فيروز : يااا يمه يا نوم عجل الجماعه جايين ع شيبي غير عليج كومي يمه كومي جدج بره
اسيا : لا حجيه عوفيهه براحتهه احنه ما بيناتنه هيج سوالف هي تعرف احنه اهلهه و اني و اسراء مثل امهه لتشيلين هم حبيبه
فيروز : و الله يمه اني هل بنيه شاله حالي هل اسبوع هذا و هسه كملت
اسيا : اخذهه عنج،،،.سمعت عمه كالت هيج لو حسيت حروح للموت حرجع اتذكر امي من جانت بحضن ابويه متمدده و ابويه يصرخ يكللهم بس كعدوها مدا تكعد ارجع اتذكر جود و هو بغرفتها يصرخ عليهه يريدهه ارجع اتذكر ابويه شلون عافني و ما سأل عني لا اني و لا جود لو اتذكر ضرب جاسر الي شرجع المن ارجع،ارجع لخرابي ارجع لسواد عيشتي ع الاقل هنا احاول اتناسى كم موقف
جوان : لا عمه فدوه مرتاحه هنا
اسيا : يعمه لو ادري بضلتج هنا تعمر دارج ما كتلتني هضيمه الا هاهيه يمه براحتج و اني متأكده الحجيه متقصر فدوه لعمرهه
فيروز : بعيوني غير هاي الي بقتلي من بنتي،،..كامت تبجي الحجيه اول مرا اشوفها تبجي هيج و تنعى امي يمكن بوفاتها جنت بين الصدمه و الانهيار العصبي مجنت اشوف شيسون النسوان بس اليوم احس جروحي تجددت احس بعد صد جاسر الي و كل الي صار اجتمعن عليه فد جمعه و حالتي تعبت حيل كمت ابجي بسكوت بس دموعي تنزل حاره تحرك عيوني هلكد بيهن قهر ع حالتي احسهن يطلعن من گلبي وحده ورا الثانيه ينزلن و اني ساكته عماتي كامن يبجن هم تالي طلعو كلهم مطلعت لا لعمامي و لا لأي احد حسين و الحجيه اصروا يبقون ع العشى بس رفضوا كالوا عندنا شغل و راحوا،،..اني بقيت ع نومتي دخل حسين راد يلطف جو بس ادري يريد يرزلني
حسين : ها ولج
جوان : رحمة لجدي لتحجي شي الي بيه كافيني
حسين : لا يولي قابل اكدر افك حلكي وياج الا ما كلتيلي شتريدين غدا
جوان : سم اذا عندك سم لتقصر
حسين : هاي شبيج
جوان : ما اعرف
حسين : اكوم اطلع احسن لا تطيح بيه الرزالة لا هم اترزل ذاك ميكددر يرزلج هسه و اجه رزلني ببدالج و هسه شرد و انتي راح تنيميهه براسي رزالتج خاب ناركم تاكل حطبكم
جوان : منو رزلك؟
حسين : كايم اطلع
جوان : احسن ما اريد اسمع عنه شي تعال ساعدني اريد اروح للحمام،،،..وصلني للحمام و انتظرني اكمل و رجعني دفاني بالغرفه و طلع كضيتها بس نوم خاله امينه رجعت تجي للتنظيف بس هو البيت نظيف من يوم لمعته محد وسخ فحتى كالت مدا اتعب بي و تسويلي اكل و تسأل عن صحتي و بس حتى حسين ابتعد هاي الفترة بسبب نفسيتي و جود مينام يمي ابد يروح يم حسين بقيت اسبوع ع هاي حالتي و هو لا اجه و لا سأل و لا دز احد عليه و بيوم جان خميس و اني جانت حالتي بدت تتحسن من خلصت الشهريه طبعاً بقى عندي خمول لان الفلاونزا بعظامي بس احسن من اول ايام جنت دا اساعد حسون و الحجيه جابوا تخم جديد للصاله فجنت اساعدهم بالنقل و الترتيب حالتي بدت تتحسن بس لسه وجع صده الي بگلبي بس شنو ذنبهم يتحملون مزاجي فقررت اعيش و ادفن هل وجع بگلبي كملنا النقل و كعدنا دنتغدا احنا و بيت خالو ادهم كملنا الغدا و نغسل المواعين بعدها سوينا جاي و كعدنا نحجي بامور هوايه شويه و كمت اتمدد بالغرفه دك جهازي لكيت غزل
غزل : هلا جوانه
جوان : هلا حبيبي
غزل : اليوم الحلو فاكات فيوزاته
جوان : اي مو جابو تخم جديد و عجبني حيل لو تشوفين شلون رتبنا
غزل : هااا الف عافيه و الله عمي تخم و هيج غير نفسيتج
جوان : اي و الله صار الجماد يغير من نفسيتي بس البشر يكتمها
غزل : فهمت فهمت المهم كبد جيت اكلج بشييي حبسي انفاسج لانو اكو مفاجعه
جوان : حبستهن ههههههههه شنو هي مفاجعتج يولي
غزل : عرسي اني و زين و الحنه يوم الاثنيننننننن
جوان : ككككوووووللللي و الله؟
غزل : ههههههههه وداعت عيونج
جوان : ولج غزالي فرحتلج كومه كومه الله يتمم الكم ع خير
غزل : هههههههه امين حبيبه الا كبد اني اجيتج بطلب و اتمنى مترديني
جوان : هههههههاي خير يا طير الي اكدرله اسوي و ما اقصر بي
غزل : جوانه فدوه تعالي يمي فدوه حبابه حبابه و الله الزك بيج لزكة زعطوط ابقى الح عليج حبابه حبابه
جوان : بدون متعزميني اجي
غزل : بس اني ما اريدج بيوم الحنه
جوان : لعد؟
غزل : تعالي يمي ذني الـ٣ ايام حبابه شو ع بالي نجتمع مثل ايام  قبل و اكيد متكمل بلياج و بعدين اكو وحده تعوف اختهه بأيام تحضير عرسهه؟
جوان : غزولة تعرفين معزتجن بگلبي و الله يشهد مثل خواتي و اعز بس اسفه و الله ما اكدر اجي
غزل : ليش
جوان : ما اجي غزالتي
غزل : خوش لعد حتى ع الحنه لتجين مدام هيج بعتيني لخاطر متجين و تشوفين حبيب الگلب لا انتي اختي و لا اعرفج،،،..سدت الخط بوجهي صايره عندهم عاده مال واحد يسد الخط بوجه الثاني هههففف هسه هاي السالفه منين طلعتلي يعني شلون ٣ ايام يم جاسر يعنيييي شلون اني هنا و گلبي ميت عليه انوب اشوفه گدامي و ما اكدر لا احجي ويا و لا المسه شمرت روحي ع الفراش و بقيت افكر و عيني بالسكف لحد ما تعبت و نمت كعدت العصر نفس الروتين نشتم هوا برا و ندخل جوا ع الصوبه لحد العشا كمت كلت للحجيه اني راح اسوي عشى و انتي خابري بيت خالو ادهم فشله منهم خاله امينه الشغل كله عليها صار اسبوع عاد الحجيه تموت ع سوالف تجمع ولدها يمها مكالت لا كامت خابرت خاله و اني رحت احضر العشا كبه ع باذنجان ع بتيته ع طماطة و زلاطه سويت نوعين صرت نادره و خليت الهم جاي حيل يحبو هنا
امينه : ها سليمه شو اليوم واكفه ع حيلج و تطبخين النه
جوان : ههههههههه ما مرجيه منج خاله
امينه : ههههههه مدا اصدك اليوم ناكل من طبخج
ايهم : ها خالو شلون صرتي
جوان : الحمدلله خالو زينه يلا فوتوا فوتوا دنيا بارده،،،..دخلو راحو يم الحجيه شويه و اجه حسين كام يصفر و يعيط
حسين : شعععععججججببببب
جوان : فوت لا اهفك بالچفچير
حسين : عنيفه
جوان : ديلا فوت مو جمدت دنيا بارده
حسين : ما افوت الا تكولين منين متعلمه العنف
جوان : تفوت لو ماكو عشى؟
حسين : حسبي الله و نعم الوكيل،،،...كام يضحك و هز ايده و راح جوا كملت طفيت النار خليت الاكل بالصينيه وديته الهم و كعدنا ناكل ساعه بـ٨ شويه و سمعنا صوت جهاز الحجيه كالت لجود يمه كوم جيبلي  الجهاز راح جود جابه و اجه كعد بحضن حسين صاير ربه دينه حسين حتى نوم ينام يمه دناكل و نسمع الحجيه
فيروز : هلا بيج يالغاليه هلا بمرت الشيخ،