جوان_الشيخ_جاسر

البارت الحادي عشر

جــوان الـشـيـخ جــاسـر

للكاتبة mropanda

الـبـارت الـحـادي عـشـر♥️.

بعدها ما شفت شي طلعت الحجيه و العكازتين بأيدها و خطيه اباوعلها من الجامه بالگوه تمشي مو خوف من ميساء بس المشاكل تتعب الحجيه و خصوصاً خوالي من نوع يذبون كلشي براس الحجيه ردت انزل حسين مقبل جان يمشي وراها قميصه نص مفتوح و نص لا و الستره لازمها بأيده و مبين عليه العصبيه تقراها من بعد الف متر و الجكارة بحلكة و عيونه تجدح نار صعدوا و الهدوء يكتل بحيث اسمع بس صوت انفاسي حسين الجكارة بحلكه ما نزلت كسرت الصمت الحجيه
فيروز : سيارة منو هاي الي صاعدين بيها
حسين : صديقي
فيروز : ليش جايبها
حسين : قبل العشى حاجاني كال عندي سفر و معندي احد يشغلها و السيارة ميصير تبقى بدون تشغيل كال اخذها لبين ما ارجع من السفر
فيروز : شكد يطول
حسين : حجيه ما ادري بس اعتقد مده طويله
فيروز : انطاك اوراقهه عاد
حسين : طبعا اكيد،،،،..رجعوا سكتوا وصلنا للبيت طبك السيارة و نزلنا انطى المفتاح للحجيه و راحت  ردت احاجي ياخذ جود بس مردت ازعجه دا اشيل جود اجه هو كال
: عنج يابه ليش مكلتيلي،،...بدينا نمشي للبيت
جوان : عادي اني اكدرله
حسين : شقاوچيه صايرة
جوان : حسون اسويلك چاي؟
حسين : و الله ما ارفض اذا هيج من كل گلبج
جوان : معليك الله هاديني عليك اليوم
حسين : كولي كتلج الخوف مني
جوان : هههههاااي مو خوف شفت من جاسر الاكثر عصبيه ع ضرب
حسين : بس اني مو مثله
جوان : ادري اصلا استغربت من عصبيتك صح قبل تكاونت ويا جاسر بس مجنت هيج الصراحه يعني خفت عليك
حسين : جوان كلشي و لا يهينون امي و ابقى ساكت لو سكتت شنو فرقي عن اخوتي العارات؟ الي يشوف مرته تهين امه و يبقى ساكت هذا شنو؟ لو يشدله گرون ابرك اله
جوان : امممم شسويت الها
حسين : خلي افوت جود انومه و انتي سوي جاي و لحكيني للهول راسي راح يطگ،،،....دخلنا للبيت الحجيه جانت كاعده بالهول بالكاع و صافنة حسين دخل جود نومه كال بدلي و اطلعي يمنا لتبقين هنا اخذي من خاطرها كتله تمام بدلت تراكسود بجامته ماوي عريضه و بيها رسم غيم ابيض و الغيمه محدد وردي و البلوزة هم عريضه و ماويه بس هي ساده مبيها رسم و مبيها دلعه بعد هي مال شتا قماشها ناعم ححيل بس هي مو قديفه و لا فانيله خاله امينه تعرف تختار و الله حبيتها رتبت نفسي بست جود و طلعت حسين شافني طكها ضحك گال ع الاقل كفيها من الاردانات زعطوط سويت مثل مكال رحت خليت الجاي فتحت الثلاجه لگيت كنافه الحجيه تحبها خليتها و رتبتها سويت ماعون الها و ماعون لحسين صار الجاي اخذت استكانين و رحت الهم كهرباء جانت طافية و الجو بارد لان المزرعه بليل تصك برد هم علكو صوبه هلكد بردوا و الحجيه نوع مبراد خليته الصينيه كدامهم و كعدت
فيروز : اي و الله يمه جيتي بوكتج
جوان : الف عافيه بعد بيتي
حسين : عاشت ايدك ابو شوارب شعجب صاير تفكر
جوان : تربيتك
حسين : تربيه خرا
جوان : ههههههههههه ديلا اكل
فيروز : يمه كومي جيبي جهازي
حسين : منو تخابرين هسه ساعه بـ٩
فيروز : امينه بقت هناك
حسين : خايفه عليهه قابل مو رجلها الحوك وياهه جان
فيروز : يمه دكومي جيبيلي الجهاز لا تشلعون گلبي
جوان : تمام،،،....كمت اجيب الجهاز و اسمع حسين يكللها كولي مو خايفه عليها تريدين تعرفين شصار وراج الا و حك ربج محد يطخههن خايفه عليهن هل كح.. ميساء و بنتها و رجلها ابنج الخايب بعد ميدخلون البيتي و الي يشد على ايدهم هم ما اله دخله هنا زين؟ و هي تكله يمه لا تكاطع الوادم و هو راسه و الف سيف،،،..جبت الها الجهاز و رحت كعدت يم حسين و الحجيه دتتصل ع خاله امينه
فيروز : الو ها يمه شلونج،،،...الحجيه تحاجي ميساء و حسين يحاجيني بصوت ناصي و هو ميباوع عليه يباوع ع الحجيه عود ميريد يبين دنحجي عليها
حسين : دحكي يولي شلون گلبهه فز ع هاي الادبسزز امي متصيرلها جاره هاي لو انتي جان مدورتج بعد
جوان : حرام عليك ولك مو الحجيه الي تسوي هيج بيه و بعدين انته تدري بيها تكره المشاكل
حسين : الا ع سيرة المشاكل لو تشوفيلنه جسوري افندي شكد عقوبة ميساء
جوان : ههههههههههههه ناوي تسجنها
حسين : و الله ايدج و ايد رجلج ساعدوني امرغلهه بالسجن
جوان : ها هسه صار رجلي
حسين : من سياق الكلام لتصيرين مثلهن تدققين بالحجايه
جوان : هن منو
حسين : معليج
جوان : شو تحجي الغاز
حسين : الغاز لو الكاز
جوان : اننننن متضحك،،،،...كملت الحجيه و التفتت النا
فيروز : شكو تبسبسون بيناتكم
حسين : دنحجي عليج
فيروز : هذا حسين يخربج عليه بعد لتحجين ويا
حسين : ها هيج صارت حجيه الله يسامحج
فيروز : شلون تكتل ميساء هيج سحلتهه من شعرههه و مبقى نوع كتل ما كتلهه بي حتى سحلتهه للصوبه و جويت ايديهه الاثنين يمه شجاك
حسين : تستاهل هل عاره
جوان : و الله جويت ايدهه؟
حسين : شعبالج لعد
فيروز : امينه كالت لافين ايديهه الاثنين بشاش و معقم و فدنوب حالتهه صايره و لافين راسهه هم من غير جروح وجهه
حسين : اي العار ميموت
جوان : صدك تحجي انته
حسين : علمود مرا ثانيه تتأدب ويه امي و تحسب حسابهه امي عندها ظهر مو مثل اخوتي العارات يطمطمون لنسوانهم الي تجي من بيت اهلها ممرباية احنه نربيهه و نعرفهه قيمتهه هنا و هي و غيرهه من نسوان ولدج مرا ثانيه يكولن بسم الله يله يحجن وياج
فيروز : و الله يمه مدري شحجي خليت حجي انته
جوان : حجيه هذا حسون بعد
حسين : ها شو گلبتي
جوان : ما گلبت بس اني فكرت بيها من ناحيتي جاسر من كتلني و اني ممسويه شي حيل تقهر و انتو تعرفون لوين وصل بالكتل حتى ايدي كسرها
حسين : انتي كلتيهه انتي ممسويه شي و كتلج و اني عرفته حقه بس ميساء و غيرهه الا تشوفيهن وجه الشيطان يلا يخافن منج و مستعدات يلعبن فلك بالوادم
جوان : و الله حسون انته هل مرا لاعب فلك بالوادم
فيروز : الله يحفظك و يخليك اليه ييمه
حسين : و يخليج الي حجيه يلا كوموا ناموا اني اطفي الصوبه و اشيل الغراض،،،...اخذت الحجيه نومتها و غطيتها رجعت غطيت جود زين و اني هم نمت اليوم كومة شغلات صارت راسي يوجعني،،،... 
كعدت الصبح بـ ٧ هم نايمين بس الحجيه فاتحه الصوبه و كاعده يمها تتدفى
جوان : صباح الخير
فيروز : صباح النور يمه
جوان : شعجب مو برا
فيروز : الجو مغيم و بارده حيل دحكي حتى كهرباء ماكو من البارحه
جوان : شلون شلعان گلب هذا
فيروز : اي و الله
جوان : حجيه اغسل و اجي اسوي ريوك خوما اتأخر عليج
فيروز : لا حبيبه هو اني قبل شويه گعدت،،...رحت بستها من راسها و دخلت للحمام غسلت و طلعت ايدي صارت الحمدلله تمام و حتى احس بعد ما احتاج هذا الاسود بس مرات من البرد عظامي تبرد فأظطر البسها طلعت غسلت وجهي و فرشت سنوني رتبت نفسي و شعري و رحت خليت الجاي ع النار و شكو بيض ع جبن ع زيتون ع كيمر خليت سويت صينيه مال عشيرة و لا كن احنا كلنا اربعه بس يلا المهم اسوي شي يفيدهم ما حسيت الا ايدين تحضني من رجلي دحكت جود جايني شلته كمت ابوس بي و اشم ريحته اخر ما بقى من امي شكد مشتاقه الها صار سنه و نص ع سالفتها الايام مشت بسرعه جود كل ما يسألني اكله بالجنه يكول وين صايره خلي نروح الها يكسر گلبي و الله بعده صغير مشاف شي لا من امي و لا من ابويه بس اني اعوضه عن كلشي
جود : ثباح الخيل جواني
جوان : ثباح النور يحلو شلونك
جود : تمام،،،...نزلته للكاع
جوان : يلا ركض للحمام و تغسل و تفرش سنونك زين تمام؟
جود : تمام،،،...راح ركض ٥ دقايق و اجه كال كملت و هاج تلفونج عمو جاسر ديتصل،،،..نسيته و الله هلكد وكف عقلي من المشكلة و ماكو نت احاجي كهرباء ماكو اكيد بقى باله مشغول
جوان : صباح الخير
جاسر : صباح النور شو ماكو
جوان : رجعنا بالليل و ماكو كهرباء من البارحه
جاسر : خو مصار شي؟
جوان : لا صار
جاسر : خير؟
جوان : بعدين احجيلك سالفه طويله
جاسر : انتي السبب لو الضحيه؟
جوان : وداعتك لا هاي و لا هاي
جاسر : سويتي الي كتلج عليه بالحرف؟
جوان : اي و النبي و بقيت لازكه بحسين متحركت من يمه
جاسر : خوش شدتسوين
جوان : ريوك الحجيه كاعده من زمان و حسين نايم محد مسوي ريوك و جود هسه يلا كعد
جاسر : بويه من الصبح تريكنا هسه دنشرب جاي على روح ميتينه
جوان : هههههههههههههه هي هسه بـ٧ شوكت كعدتوا قابل
جاسر : اروح فدوة لهل ضحكه
جوان : ها بدينا
جاسر : عجل يابه اني وحد محد يسويلي ريوك
جوان : مو دتكول متريك
جاسر : اي بس مو من ايدج احسدهم لان يصبحون بوجهج
جوان : ليش تحسدهم خو تعال و گابلني
جاسر : هااا تكولين هيج عجل البيت بس الج قابل
جوان : هم صدك نسيت بس ميكولون شي بالعكس
جاسر : لا زحمه الا صدك شوكت ترجعين راح يصير شهر
جوان : ما اعرف و الله
جاسر : شنو متعرفين يابه ترا لسه صابر عليج لو يطگن فيوزاتي اعقد عليج و اجيبج غصب
جوان : لا حباب لا يطگن
جاسر : عجل همي نفسج شنو سالفتج ارجعي مو موتيني
جوان : شنو ممداوم اليوم
جاسر : جمعه يولي جمعه اليوم
جوان : ها عجل تعال
حسين : ايييي تعال حبيبي مشتاقين
جوان : يمه فززتني
حسين : اوووي سندس
جاسر : دومك مخرب اللحظات هو احنه بالموت نوصل لهاي النقطه
حسين : ههههههههه تربيتي هاي مشوفتك نجوم الظهر
جاسر : ههههههاااي
جوان : تجي لو لا؟
جاسر : ما اعرف اليوم عمامي محد يطلع بيهم كلهم مجتمعين فشله اعوفهم
حسين : عمه الدبب
جاسر : يول مو كدامك البنيه عيب
حسين : هم صدك
جوان : حسين اخذ الجهاز الحجيه بقت بدون اكل
جاسر : و الصخل الي ع التلفون
جوان : كلت يجوز مشتاق لحسين،،،،.....طلعت و هفيت الباب ورايه عود ليش ميجي يعني هاي صار يومين ممتشاوفين لا اجه و لا شي لو هاي الحيه الجديدة شاهيناز موكرة عليه انوب يااااا الللله صبرك و هو ميلزم نفسه ابو الحقوق كاعد يمهن رحت خليت الصينيه كدام الحجيه حسين اجه كال هو هيج الحجي عيب عليج تعوفي و هو ديحجي تدرين شكد عصب تدرين بي يكره سالفه تكسرين كلامه كدام العالم و انتي متعمده كسرتي كدامي دحكي يولي ذيج المرا تدخلت بس هسه تحلمين ابشرج صار نار و حتى المكالمة سدها بوجهي،،،..حتى ريوك ما اكلت طبيت بغرفة الحجيه و كعدت وحدي و احس نار من العصبيه زعل مني مو؟ اي زعل يعوبه طبعا يزعل الف مره يكلج كدام احد لتكسرين كلمتي و انتي مثل العوبة اووووففف يا الله شلون يعني ميمشي يوم واحد بحياتي عدل استغفر الله منين طَلعت هلسالفه اني و الله لو كاصه لساني و لا كايلتله يجي عشتو شفهمه بالرومانسيات هو انطي حقوق اي يجي بس رومانسيه لاااا گال عمامي گال اللهم طولج يا روح نزلو دموعي و اني افكر يعني اني شكد غبيه لو عايفته بله خلي شوكت ميجي براحته الا الح عيوني احسهن اشتعلو نار ابجي و احجي ويا نفسي،،.دك جهازي ساره شسوي ارد؟ لو خاف يشوفني ابجي و يحس بالشفقه تجاهي! و يسوي عليه منية بس منو يكول هو يمها لا اكيد مو يمها حسين كال عصب منج شسوي يالله ما اريد يشوفني هيج و احس انزل نفسي لو شافني هيج،،،..هي شافتني ما رديت دزت رساله كالت و الله محد يمي بس جاوبي،،.اتصلت و هم مرديت خفت خاف موجود عاد هي شافتني هيج عصبت مني و كامت ترزل بيه رجعت اتصلت بيها و قبل لا تحجي شي متت بجي بالمكالمه
ساره : ولج شبيج
جوان : ما بيه شي
ساره : شلون مبيج شي و انتي دتشهكين
جوان : و الله ما بيه شي
ساره : احجي يولي منو وياج؟
جوان : محد كلت
ساره : براحتج بس عماتي رادوا يحاجوج مدام هيج وضعج حكول مكدرت احصلهه بس تهدين حاجيني جوانه كلشي اله حل تمام؟
جوان : تمام،،،...رادت تحجي قفلت الخط گبل شمرت نفسي ع فراشي و متت بجي ما اعرف شكد بقيت ابجي و اصرخ بس حسيت ع خاله امينه و هي تندهني بحركه خفيفه ع كتفي فتحت عيني بضعف احس نار بيهن كعدتني
امينه : ول يابه شبيج منو وياج،،،..حجيت بصوت مخنوك و بي بحه هلكد ما عيطت بالفراش
جوان : خاله فدوه عوفيني
امينه : غير افتهم شبييج امي
جوان : خاله ما بيه شي
امينه : شلون ما بيج شي و انتي عيونج مطككات حمر و وجهج ميتفسر و نايمه ع وجهج و انتي تبجين
جوان : خاله شكد الساعه هسه؟
امينه : الساعه عبرت الـ٢ يمه
جوان : يابه شكد صارلي هنا
امينه : هو غير اجيت اشوف شبيج،،،..بعدها دتحجي دخل حسين علينا
حسين : يابه الحب يابه هيج يسوي اويلاه عليج
جوان : خاله اريد انام
امينه : براحتج يمه جود امانتي حتى مراح ارجع للبيت حبقى هنا يم الحجيه و جود
حسين : و اني هايشة البيت محد يبقى علمودي
امينه : هههههههههه اوف منك ابو المصايب چا لو ما انته غير انضيع
حسين : صبغي صبغي شمستفاد اني لا كاستر لا كيكه لا محلبي كلشي مشفت منجن غير مگابله هاي الحوبه و تبجن
جوان : هاي عليمن حوبه
حسين : اكو غيرج؟،،،...شمرت عليه مخدتي اجتي براسه جان يمثل علساس متصوب
حسين : اويلي لو يلحكني الضابط
جوان : حححححسسسسييين
امينه : اكوم اعوفكم احسن شتريد كيك لو كاستر و بسكت و جلي..... (اني اسمي ترايڤل).....
جوان : حبابه الكاستر و البسكت و الجلي حبابه خاله
حسين : لتسويلهه متستاهل
امينه : انته اسكت كالت هي تريد هيج انته يا هو مالتك
حسين : البيت الي كاعدين بي
امينه : ههههههه فك عني لا الزمك انهيك
حسين : فكينه بويه يمه منجن،،،..طلعت خاله و هي تضحك و تهز ايدها حسين بقى صافن عليه و اني هم كل ما ادحك بعيونه تحصرني الدمعه اتذكر موقف الصبح
حسين : لشوكت تبقين تبجين يعني؟،،...سمعته حجه هيج لو عبالك جاسر يعاتبني بوري مي و انفتح بقيت ابجي ابجي اجه كعد يمي سند ظهره للحايط اشرلي ارجع يمه لورا رجعت يمه خليت راسي ع كتفه حيل تعبت من البجي
حسين : يولي ما عاش الي يبجيج بس هلمره الغلط منج
جوان : و الله حسون مو قصدي و الله هي صارت هيج و طلعت مني مو قصدي و هو يعرفني اجفص بالحجي
حسين : دحكي محد بهذا العالم يعرف نيتج الي بگلبج لتكولين هذا يعرفني و يعرف طبعي و لا غيره ترا ثقي بالله محد يعرفج غير نفسج لو مهما جان قريب عليج لازم يصير موقف و ميفهمج بي
جوان : و هسه شلون،،،،...رفعت راسي و الدمعه بعيني و ادحكله و هو دحكلي بطرف عينه عود ما همه الوضع
حسين : انتي لا كل ما سويتي مكسوره جيتي و كلتي هسه شلون كتلج ما احرّك منكم ورقه هلمره انتو تصافوا يولي تعبت منكم مخلفكم و ناسيكم
جوان : احلف مراح تتدخل و الموضوع ما همك
حسين : مو ميهمني بس من يدخل طرف ثالث بين اثنين و خصوصاً لو عشاك يصير مكروه
جوان : بس اني ما اكرهك
حسين : طبعا غير حاير اركع الج جفصاتج،،،...رجعت ابجي مرا ثانيه و زدت بالبجي
حسين : كافي يابه
جوان : معليك يلا اطلع و سد الباب وراك
حسين : يخايبه هاي جزاتي فوك مجاي اعقلج الا شو اسكتي فضحتينه مو مال حب انتي
جوان : جاسر جان يكولها،،..تذكرت من كلي جاسر انتي مو مال حب فضحتينا زدت بالبجي و اشهك فدنوب دموعي عشره عشره
حسين : اهههووو يهل سالفه الما تخلص البس امي لبس ضابط و عود تعاي كولي جاسر جان يلبس هيج
جوان : يلا كوم منا كوم
حسين : وين اروح غير بيتي و كل مكان الي
جوان : ما ما معليه كوم من يمي،،،...كمت ابجي و اعيط عليه اعرف ما اله ذنب بس شسوي الله ذب عليه بجي و اشتياق لجاسر فضيع
حسين : كايم طالع بس اسكتي كافي،،،..مسمعت بقيت ابجي نفخ بنفاذ صبر و يمسح ع لحيته و يروح و يرجع بالغرفه تالي عاط بيه بعلو صوته فززني اول مرا يصيح عليه
حسين : ول و محمد لو ما سكتي اشمرج بالبزل،،،...طلع و هف الباب وراه بقيت بصدمه و صافنه ع الباب و دموعي ينزلن وحدهن كمت مسحت دموعي و فتحت الباب ع كيفي شويه شويه مديت راسي شفت حسين و الحجيه گاعدين بالهول و صايرين كدامي باوعت ع حسين
جوان : ع عادي اطلع؟
حسين : مو شيب ابويه احترك و اني اكلج اطلعي
فيروز : ابوك شعليه
حسين : يمه هذا يسموه كناية
جوان : كنايه؟
حسين : شغلات متفتهميهن،،،...عيبت عليه و ركضت للحمام غسلت و رتبت نفسي اني مو مال ترتيب عبارة عن مومياء رحت كعدت يمهم شويه و دخلو جود و خاله و جايبين كيك و ترايڤل و خلو كدامنا
جود : جواني دحكي خليت الج كيكي بالترايبول انتي تحبي اني رتبته
جوان : هههههه اي احب الكيكي بالترايبول
حسين : ول يابه شنو هاي اللغه لازم يخترعولك قاموس
جود : قاموس شنو يعني
حسين : يعني جاموس بس بلغه ذيج الصفحه
جود : هههااا
جوان : ديكول خليت كيوي بالترايڤل،،،،...اكلنا بس اني شخلي بحلگي مر يمكن بس لگمتين و كمت ما الي نفس خاله و الحجيه بقوا يسولفون جود راح ويا حسين ينامون ساعه ٤ بالشتا و حسين ميريد يطلع يكول بارده جر جود و راحوا بغرفته ينامون بقيت وحدي بغرفة الحجيه الوب عليه اريد احاجي و ما اريد احاجي خاف يزكح بيه و اني صايره جني هاي الطكطاكية الي بس تشمرها تنفجر لا حول و لا قوة الله بالله ما اتصلت و لا هو مر اليوم و اكو خنگة بصدري اريد ابجي بعد و حسين كل ما يحس بيه ابجي يجي يكفخني وصلت مرحله من اريد ابجي التفت وراية خاف يجي يكفخني،،،. كعدت الصبح كمت ما الي نفس بشي ابد امشي خطوتين و اصفن يمكن حتى بيوم اجيت لهنا من انكتلت و انكسرت ايدي ما وصلت بيه هيج الكآبه يمكن لان اعرف هاي المره الغلط مني و اعرف اني ما رحت اعتذرت منه غسلت و كملت رحت سويت ريوك الهم رتبت الهم الهول حتى يكعدون كملته كعدتهم و خليته كدامهم
فيروز : شو متاكين يمه
جوان : ما الي نفس حجيه راح اطلع اشتم هوا،،،...محد عارض كلهم منتبهين ع حالتي شلون صايره طلعت برا بس كل هوا اتنفسه احسه يختنك بصدري اشتاقيتله حيل شسوي هسه اكيد معصب مني كملو رحت نظفت البيت طلعت حركت گلبي بي لمعته حتى السطح صعدت اله بس حتى اشغل نفسي بس ماكو فائدة متربع بگلبي و عقلي نزلت گبل للحمام سبحت و گبل نمت بعد محد گعدني حتى ع الغدا مكعدوني حسيت الساعه بـ٩ بليل كعدت كلهم نايمين بس حسين و هم محاول يحجي ويايه كمت سويت اكل الي بدون لا غدا و لا ريوك و لا شي احس كمت ادوخ سويت بيض و طماطه وصلت للجاي دا اسوي لعبت نفسي من الاكل ما اريد كمت خليته بالثلاجه و رجعت لفراشي،،،...هذا روتين حياتي صار اسبوع لا اجه و لا سأل و لا دز احد غريبه صح بس اكيد لان الغلط مني الحجيه و حسين بعد ما اتدخلو بيه ملو ع كد ما يحجون ع الاكل و ليش متاكلين و هسه تتخربطين و اني عبالك حايط و بيوم كعدت بـ٧ الصبح ما اكدر اكوم احس راسي صاير طبل هلكد الوجع و صخونه عاليه بحيث بطانيتين و لسه بردانه و بس اون
فيروز : ها يولي شبيج
جوان : ما ادري حجيه
فيروز : كله من وره عنادج كومي يمه كومي
جوان : ما اكدر اعين نفسي
فيروز : اروح اصيح حسين،،،...راحت الحجيه صاحته اجه شالني رحت للحمام بس كتلني البرد و احس صخونه كتلت عظامي حتى حسين شهك من حرارتي گال فوتي اسبحي و رايح اجيب دوا من الصيدليه دخلت للحمام لگيت الدورة جايتني يا كاع انشگي و بلعيني منا صخام الصخونه و البرد و الفلاونزا و منا صخام راسي لان گاطعه الاكل صار اسبوع و منا صخام جاسر و هسه كملت،،..كاسرت المي نزعت ملابسي و بقيت جوا المي ابجي و صوت شهكاتي يعلى كل شويه
فيروز : يمه خوما بيج شي خوفتيني عليج
جوان : ل لا ححججيه م مابيه ش شي
فيروز : كوم يمه جودي جيب لاخيتك ملابس
جود : و اني شمعلفني
فيروز : هههههههه شمعلفك مو دكوم ويايه نجيب الها ملابس ما بيه انه،،،...شسوي و لو زحمه و عيب بس بعد لازم اكلها تجيبلي وياها من تجيب ملابسي و اني كتلني البرد جوا بالحمام و صخونتي فدنوب صارت هلكد ما بجيت فتشجعت و كتلها بصوت ناصي
جوان : حجيه و لو زحمه بس جيبيلي وياج هذني مال الدوره
فيروز : يا خايبة و انه شمعرفني شنو ذن
جوان : حجيه بس تفتحين كنتوري تلقائياً راح تلكين شي غريب جيبي و تعاي،،،...و الله صدك خطيه راحت جابته و جابتلي تراكسود جديد و من طلعت لكيتها عالگه الصوبه هي و جود و مخليلي بطانيه يمها و اول ما اجيت يمهم جود انطاني جواريب كال حتى تدفين بستهم اثنينهم الله لا يحرمني منهم يارب حيل تعبو ويايه مشطت شعري و خليت معطر و سوالف العطر الي عندي بيهن هوس اموت ع الريحه الطيبه حتى و اني مريضه افكر بيهن كملت و اني كوه اعين نفسي كوه امشي رحت كعدت يم الصوبه تلفلفت بالبطانيه و لبست الجواريب اجه حسين
حسين : ها شلون صرتي
جوان : زينه الحمدلله
حسين : هاي جبتلج دوا حجيتله حالتج و هيج انطاني
جوان : تمام تسلم
حسين : انجبي
جوان : متصيرلك جاره
حسين : الا شبيج لازمه بطنج
فيروز : جا غير عليهه الدوره،،،...يا الله فشله ورا فشله عضيت شفتي بخجل و دنكت راسي بس هو راعى مشاعري و سوه روحه ممهتم
حسين : ها تمام هو الصيدلاني كال لان ماكو اكل هيج تعبت و الجو ميساعد و انتي اصلا فلاونزا
جوان : اي صحيح،،،..راح يبدل و سد الباب كمت احجي ويا الحجيه بصوت ناصي
جوان : حجيه الله يسامحج اكو واحد يحجيها كدام ولد هاي السالفه
فيروز : ياا يمه و انه شمدريني
جوان : بقيت بنص هدومي حجيه،،،..كمت رحت بالغرفه الحجيه كالت هسه حسين يسوي شوربه بلكي تدفين بس اني عاندت ما اريد اكل احس نفس ما الي اريد بس اشوف عيونه و اكله احبك و مشتاقتلك جان من اتمرض يبقى يم راسي و يكعد يتأمر عليهم يكلهم مرتي تعبانه شكد مجنت حاسه بنعمته رحت بالغرفه و الغرفه باردة تغير الجو عليه من الصوبه و الحرارة للبرد انوب الصخونه انچلبت عليه مددت و خليت فوكايه ٣ بطانيات بس اريد ادفى بقيت اون اجه حسين تخبل كام يعيط عليه و اني عيوني يقفلن من وحدهن عاد غفيت و اني اون مقبلت اكل نمت بس مو هوايه تقريبا ساعه و كعدت من الوجع و البرد الي بعظامي و صخونه ما فكتني ابد فتحت عيوني شويه شويه و الكاه كدامي عبالي حلم ابتسمت و اني اكله احبك و الله جاسر لتعوفني مشتاقتلك ما اريد اكعد و ما الكاك
جاسر : دكعدي يولي هنا انه وين اروح اذا انتي رابطتني بيج
————————————————————————
هاي ختمت بجسوري ابو الحقوق بعد؟😂،،،بنات حيل حيل شكرا ع دعمكم الي و الله حيل فرحانه بيكم و حيل افرح من تطالبوني ببارت بس الله شاهد معندي وكت