جوان_الشيخ_جاسر

البارت الاخيرررر

جــوان الـشـيـخ جــاسـر

للكاتبة mropanda

الـبـارت الـعـشـريـن و الاخير"كشف الاسرار" ♥️.

‏ثُّم قبلتها كعقوبة لها على
إقترابها مني الى هذا الحّد♥️.

جوان : لا لا جاسر فدوه لتروووحح
حسين : ساعديني اشيله
جوان : تمام

جنت ابجي عليه برغم كل الي سوا بيه كل اذيته الي بس ما كدرت اكرهه يمكن هو يضرب و يعصب و يعيط دائماً عليه و اكره هذا الشي بي بس هو هاي طبيعته مثل ما اني طبيعتي الهدوء جنت متقبلته بحلوه و بمره و بيوم الي عرفت هو متزوج شهد حسيت ابويه و امي عافوني مرا ثانيه نهى كلشي بگلبي اله طول الايام الي عشتها بعد ما عرفت هو متزوجهه عشت كأنو طير مذبوح لا بيه اعيش من دونه و لا هو قبل اعيش و اكمل حياتي و دائماً عجبني بأصراره هو و حسين حتى يحجولي الحقيقه بس واجهتهم بالرفض دائماً لانو كل الي بعقلي همَ جذبوا عليه و استغبوني و مهما كان السبب الي خلاهم يسوون هيج كان لازم يحجولي بس من شفته بهاي حالته و الدم تارس جسمه حسيت خسرته هلمره نهائياً بعد ما اشوفه يعني،،رجعو الي حتى لو يتزوج حتى لو يعيش ويا غيري بس راسه يشم الهوه خلي يغلط و يضرب و يكسر بس لتخلو نايم هيج و الله شوفته تكسر الگلب مو ذاك الجبل هذا جاسر يختلف،،طلعو خاله و الحجيه ع الصوت و بقن يعيطن و خاله صحت عليها كتلها لحكيني بعبايه و خطيه هي ركضت من سمعت صوتي جابتها و صعدت ويا حسين كعدت ورا و جاسر متمدد بحضني و ضاغطه ع جرحه و عيوني ما وكفن شلال اتذكر هيبته و طوله و من يجي و مشيته مليانه ثقه من يجبرني ع شغلات ما اريد اسويهه و يعيط بيه من يجي يتغزل بيه و اصده روحي شاطت عليه بس رجعوا الي عسى الطلقه بيه و لا بي،،حسين يمشي بسرعه جنونيه حتى نوصل للمستشفى و كل شويه نريد نسوي حادث بألف يا علي وصلنا للمستشفى و اني كل دقيقه اتحسس النبض مالته نزلنا و حسين ركض للاسعاف و جابوا سديه حتى يطلعو من السياره اخذوا المسعفين و اني و حسين نركض ورا دخلو لغرفة العمليات و سلمونا اجهزته و سبحته و الغتره لزمتهن بأيدي و روحي شايطه عليه لو هو كاعد و ويانه جان ما رضى بوگفتي هايه،حسين يروح و يجي العصبيه مبينه ع وجهه و متأكده حالته مو احسن مني جاسر صديقه حتى لو فترة قليلة عدت ع صداقتهم بس هو يحبه حيل و الدليل وگف ويا جاسر يفتر و يكول و الله لو الزمه الي سواها و الله الا اشرب من دمه،،اجهزة جاسر ما سكتت ابد و واحد من الاتصالات جانت عمه اسيا گلبي محمل منها بس لازم اكلهم جاوبت

اسيا : الحك يمعود سالفة شهد انكشفت و خالك راح يذبحهه

بقيت متصنمه شكو شنو منو ما ادري شحجي و هي بقت تحجي و تكله الحك عليهه امهه راح تنجلط و حسين واكف كدامي يدحك ع وجهي ميدري شكو سديت الخط و اني مشاعري متضاربه خوف ع جاسر و حقد ع الي سمعته ما اعرف شوصف شعوري اجه حسين

حسين : شكو
جوان : احجيلي سالفه جاسر و شهد بالتفصيل
حسين : اسمعي منه احسن
جوان : انتو شنو تضحكون عليه جاهل اني؟؟صارلكم اسبوعين تلحون عليه اسمع و هسه من كتلك احجي تكول هيج
حسين : اي نلح عليج لان جاسر جان يريد يحجيلج بلسانه و...
جوان : اثنينكم نفس الشي حسين اثنينكم جذبتو احجي شنو سالفه جاسر لا وداعت امي اهج منكم
حسين : يا يابه بس اهدأي