جوان_الشيخ_جاسر

البارت الرابع عشر

جــوان الـشـيـخ جــاسـر

للكاتبة mropanda

الـبـارت الـرابـع عـشـر♥️.

دخلنا للغرفه و احنا ميتين خوف گوه نتنفس و وحده تباوع بوجه الثانيه ساره تحاول تفهم شبينا و احنا رايحين بغير عالم يمكن لو اني وحدي شايفه هذا المنظر جان دخلوني انعاش همزين اخذت غزل ويايه سمعنا عمه اسراء تعيط بس مو ع جاسر ع شهد و شهد بس تبجي
اسراء : شنو هذا لبببسسسججج
شهد : خ خخاله و الله هو هو هيج سوا،،،...اني سمعت حجيت هيج لو دين مبقى براسي شياطين الدنيا تكمز كدامي ردت اطلع و البنات مقبلن جرني
اسراء : اممي انتي بيا حال و تتهمين العالم ولج لو اهلج شايفيج هيج جان شكالو علينه
شهد : خ خخلي يشووففوننيي خخااله جاسر سوه بيه هيجج و الله انتي شبيج متصدكين
اسراء : ولج شكبرج شكدج مو دتدرسين دكتورا ما اعرف دكثورا و علساس مثقفه امي هاي الدروب عوفيهه،،...عمتي تعيط بيها و ترزل و هاي قافلة تكلها هو سوه بيه هيج هو اصلا ما كلف نفسه و حاول يبرر دخل لغرفته و هف الباب ورا و هاي بقت تتگاون ويا عمتي ع صوت صياحهم اجه عمي ابراهيم و شهد ما استحت منه ابد بقت مُصره ع رأيها يمكن اني لو ما سامعه بأذني شجانت تسوي ويا جاسر جان صدكتها و الله هلكد ما بجت و تكلهم هو السبب اكثر من مرا حاولت اطلع بس البنات مقبلو بعدين صار سكوت و محد حجه بعد اني بقيت الليل كله كاعده منمت ابد افتر بالغرفه مثل المتزوهره فكرت اكثر من مره اروحله بس هو اصلاً عصبي انوب اروحله غير تبزل براسي يا الله صبرك ع هاي المصيبه للـ٦ و اني گاعده عيني مشافت نوم ورا خميس دقايق حسيت باب غرفته انفتحت كمت ع حيلي طلعت شفته دخل للحمام بقيت انتظره طلع متحملت من شفته بجيت هو عيونه يجدحن نار الظاهر هم منايم
جاسر : شبيج تبجين
جوان : شنو راح تسوي بسالفة شهد
جاسر : حالهه حال الچلب متفرق شي
جوان : بس هي تكول انته سويت هيج
جاسر : و تصدكين بيهه؟،،،..هزيت راسي بمعنى لا و دموعي شلال حيل احس بغصه بـبلعومي شعور بداخلي يكتل غيره و عصبيه و احس نار بجسمي
جاسر : عليمن هل بچي يا يابه تعاي هينا تعاي و معليج بهاي السوالف انتي عليج بس تضحكين الي حته روحي ترد الي باقي السوالف عليه انه عوفي البجي و الحزن اليه،،...جرني و حضني و اني ما صدكت دفنت راسي بصدرة و بقيت اشهك اخذني لغرفته كال
: مراح اداوم اليوم خابرني صديقي كال ياخذ مكاني كاعد ع گلبج اليوم
جوان : عادي اصلا اني ما جنت اريد تداوم
جاسر : هااا و الله عمي امي داعيتلي بالمغرب
جوان : اريد انام للصبح ما نايمه
جاسر : ليش
جوان : علساس متدري بالله ابعد مني اروح انام
جاسر : ها اخذتي امان
جوان : م موو ههـ....،،،بعدني ممكمله كلامي جرني للسرير و كال اريد انام اريد تحضنيني،،نام بحضني و اني بقيت امشي ايد ع شعره و هو ثگلت انفاسه حسيت غفى و اني هم غفيت جو الغرفه يساعد ع النومه منا هي چبيره و مرتبه ما بيها و لا ترابه و فاتح صوبه كهربائيه يكره النفطيه عكسي و الضوا خفيف يادوب صاير ضوا الشمس هم خفيف لان البردات ثخان غفينا و محسينا بالوقت،،،..بعدها كعدت ع صوت باب غرفته و الضرب عليه عبالك جايين مكافحه انرعبت من صوت الباب و هو و لا يمه عبالك متعود ع هيج اصوات كمت اريد اكعده و هو لازك ميرضى يرفع راسه انوب قفصي الصدري انهد هلكد من اني احاول اكوم و هو معاند ميرضى يكعد و ذاب كل ثگله عليه و صوت الباب يزيد مينقص
جوان : جاسر حباب اكعد اسمع الباب حتنكسر
جاسر : مو حباب اني
جوان : فدوه جاسر اطلع شوف شبيهم
جاسر : مرض ميطبهم كلشي ما بيهم عوفيني غافي بالجنه
جوان : يا جنه هايه،،..رفع راسه و صار گبالي حيل بيناتنا بس سانتيم انفاسه اختلطت ويا انفاسي گلبي صار طبل من الدك حتى هو يمكن سمعه اباوع ع صدره يصعد و ينزل عبالك عنده سباق تخربطت احوالي،،زاد صوت الضرب بالباب كام من يمي يسب و يلعن و يتعارك ويا الهوه قبل لا يطلع كال اذا نزلتي اشعل شيب اهلج هزيت راسي اي و طلع و عافني كمت ورا ردت افتح الباب قافلها استغفر الله اني شيصبرني و هاي الحيه جوه الا اجرهه من عطوبهه يلا ارتاح هسه ليييششش قفلها انوب جهازي مو هنا بقيت قريبه من الباب و بس اسمع صوت صايح و عياط و جاسر كل حجيه بهدوء و الي صدمني عمه اسراء وكفت ويا جاسر بالرغم ما هي مجانت موجوده ببدايه الموقف يمكن هي تعرف شنو شهد شلون ورطه الكل يعرفهه الا اني مثل الاطرش بالزفه كل هاي السنين احبج و احبج تالي يطلع صاير جنه مصفى الدوره كل البنات ع ايده ادري شوكت لحكت تحب شوكت لحكت تسوي هاي و انته من دوامك للبيت الا من صدك اني عوبه و لسه باقيه هينا،،بقوا واحد يعيط ع الثاني و عمه اسراء و جاسر ما غيروا موقفهم شويه سمعنا صوت رمي برا البيت تكول انفتحت جبهه حربيه انوب اني منا جبانه و سمعت الرمي رحت جوه الميز البعيد من الشباك لميت رجليه لصدري و ايدي ع اذاناتي و دافنه وجهي برجليه لا اريد اشوف و لا اريد اسمع گلبي احسه صار برجليه من الخوف شكد ما اوصف الخوفه الي لزمتني اجذب صوت الرصاص يفزز و يخوف حيل جسمي كله اختض ياربي اني شجابني هنا مو جنت هناك مرتاحه شويه و حسيت دتنفتح الباب گلبي فز بس اني بقيت كاعده دخل جاسر و هو كتله من العصبيه حتى مشافني جر سلاحه من الكنتور و بدل ملابسه لبس دشداشه عربيه بيضه و لف الغترة ع راسه لو ما هذا الموقف جان معت يمه من جماله و هيبته شويه و دخلت امه ولد عمامي امه تهدي بي و ولد عمامي يكلوله جاهزين و عمه وديان بينهم صايرة تروح لجاسر و ترجع للولد
وديان : ولك يمه لا تسويهه دم
جاسر : يوم على بختج اني الي اسويهه دم لو همَ
وديان : ولك يمه همَ عايلين بيك و اخافن تحرمني هلدنيه من شوفتك
جاسر : يمه مو انه الي اسكت على الي يدوس بيه و يعيل بيه كدام الوادم و لا انه الي دنكت راسي بيوم و تختلت مثل النسوان من الموت الا و حك ربج ما ياخذ النفس غير الي حطه
زين : خويه مشينه،،،...و هو ديطلع لمحني جوه الميز و بس عيوني يجرن كال الهم انزلو جاي وراكم بقت بس عمه وديان يمنه
جاسر : شو طلعي يمي دشوف هل خوف من شنو
جوان : الله الله يخليك جاسر عوفهم فدوه اروحلك
جاسر : دطلعي من جوه هل غضب و تعاي يمي،،،..زحفت لخارج الميز و اني جسمي يختض كل ما رموا رصاص وصلت يمه رفعني من الكاع و صرنا طول بطول
جاسر : ول يابه تخافين و اني راسي يشم الهوه
جوان : جاسر عوفهم فدوه عوفهم وحدهم يسكتون
جاسر : ول و محمد لو حبابتلج مره جان كعدت هينا و عفتهم ياكلون بلحمي دحكي يول انتي حابه رجال لو مرا!
جوان : اكيد رجال
جاسر : عجل اكو رجال يرضى يطعنون بعرضه و جايين عليه هداده؟
جوان : بـس
جاسر : لا بس و لا غيره انتي بس ابقي ادعيلي و الباقي يم الله يلا اودعناكم،،...عافنه و طلع اباوعله من ورا طوله و ظهره شلون يمشي بشهامه و هيبة عيني ما تشبع منه نزل الدرج و راح و اني و عمه بقينا انلوب عليه هي تبجي و اني ابجي و خطيه معافتني كلتلي
: امشي يمنه جوه لا تكعدين وحدج اعرفج جبانه يمه
جوان : عمه منو ذوله
وديان : ييمه ذوله الما يخافون الله ذوله دحكي اخوي واكف بره يريد يخلي الشاجور براس ابني علمود شنو؟ علمود بنته الي عمتهه الغيره و الحقد
جوان : عمه جنتي تدرين؟
وديان : يمه ماكو ام متدري اولادهه شيسوون و ويه منو و اني ييمه من البدايه اكله ابعد عنهه بس هي من صغرهه حيه تعرف شلون تلوف اله بستين درب و درب و هو جان مراهق ما اكلج مو عاقل لا جان يدري هي شنو بس ما جان يسمع مني كلمه بعدهه كبرتي انتي و كبر هو و صار يتعلق بيج و يتحكم و يغار بس ما جان يدري بنفسه يحبج جان عباله هيج شعور و رايح و يوم بعد يوم يحبج و اكثر شي حبه بيج رفضج اله ما جنتي سهله ويا
جوان : زين عمه ليش كلتيلهه تجي مو جان هسه فرحانين بعرس غزل بدونهه
وديان : يمه كل الي ببالي كبرت و عقلت الا انه اشتم گفه ايدي امسحيهه بوجهي ييمه الا و الله انه مثلج گلبي مار على وليدي،،...حضنتها كتله لتحجين هيج انتي مثل امي عاد وراها نزلنا سويه و الرمي لسه بره و بيت اهل شهد ما خذيهه و رايحين و عمامي و احد طاب واحد طالع و الجو مخبوص خبص و ياهو الي يفوت اعصابه نار و يزكح بينا الي افتهمته يريدون يزوجوها لجاسر حتى يسترون عليها و عمامي ميرضون لان اهلها جايين هداده كدام الناس و همَ بادين بالرمي و جاسر ابد ما شفته و گلبي مو نار لا جمر جمر يلهب بداخلي احس نار بجسمي معدتي كامت تگلب مي حار و راسي لزمني صداع عجيب عفت الهوسه و رحت للحمام اول ما فتت كمت اتقيء و كل ما اتقيء احس روحي تطلع البنات اجوي يمي و يغسلون الي و اني احس ماعت روحي طبعي لمن ما انام هوايه يتخربط كل نظام جسمي و ابقى دايخه و راسي ينفخ من الوجع و منا اجتي سالفه جاسر و البجي هل شي زاد حالتي ما نقصهه اخذوني مددوني بغرفه الحجيه و اني كل بالي يمه كل ما اسمع رمي اكول طاحت بي النسوان كلهم خاتلين بالغرفه يمي لان كايلين الهن خاف الرمي يصير ع البيت مو بس ع المضيف و كلهن التمن و الله جاب بنت حماة عمه اسيا هي و جهالهه لان جانت عندها مشكلة علمود رجلها تاهمي مدري شنو مفهمت فجايه ع جدي من الصبح و جهالها ما سكتوا من الصريخ راسي احسه انفطر و معدتي رجعت تگلب رجعت اريد اروح للحمام سندتني ساره رحت تقيأت و غسلتلي اغمى عليه بأيدهه اخر شي حسيت بي صوتها و هي تكول الحكوني ما اعرف شكد بقيت مغمى عليه كعدت لكيته يمي كاعد و محد بالغرفه اول ما فتحت عيني حجه
جاسر : هاي هيج تحبيني و تخربطتي لخاطري
جوان : خو مصارلك شي
جاسر : زلمتج ذيب لتخافين،،.كمت جني مخبله ادور بي خاف متصاوب و يجذب عليه
جاسر : شبيج تدورين عبالك بيه جرب الا كولي خاف تريدين انزع تره عادي انزع مو بيناتنه
جوان : فدوه كول خو مبيك شي،،...لزم وجهي بأثنين ايديه و قرب وجهه لوجهي
جاسر : ول و محمد و حك هاي العيون الي اضيع بيهن ما بيه شي اني كتلج ميصير بيه شي الى ان اعيش ذيج الليله وياج
جوان : شكد منحرف
جاسر : جا لخاطر منو طلعت من الموت
جوان : كوم جيبلي اكل جعت
جاسر : اخذيلج راجدي بعد
جوان : جوعانه فدوه من الصبح بدون اكل دحك الساعه بـ١
جاسر : ول يابه من صدك اني هم كومي كومي ناكل
جوان : شيلني مابيه اكوم،،...كام و شالني نزلني يم الحمام جان بعدهم ممكملين الاكل كلت افوت اسبح اخذت ملابس و رحت سبحت بس صخونه لسه هاده حيلي رحت اكعد يمهم و همَ لسه يسولفون بسالفه شهد و شنو راح يسوون اني ع كد ما روحي طكت من سالفتها اريد اروح اشلهب عطوبها ع الطباخ ضجت رحت بالمطبخ اساعدهم كملنا الغدا و هم كعدوا ع الجاي يحجون عفيه سالفه ما تخلص اخر شي قرروا يجيبون عمامها لديوان جدي و يفهموهم السالفه جدي دك صدره لجاسر بأن محد يكدر يتهمه لان كلهم صدكوا بعمه اسراء من حجت و كال اني اعرف شحجي لشيخهم عمه وديان كلتله فدوه شيخ عرض بنت اخويه لا تفضحها جاهله هاي عمتها الغيره و جدي كال الها مو احنه نفضح النسوان انه اكاوم شيخهم ع الهده مالتهم و انهي سالفه جاسر بحسن نيه لتخافين،،..من كثر الحجي و الجذب كمت بعد مابيه اسمع صعدت بغرفه غزل لكيت حسين حارك الجهاز وينج ما وينج الصراحه خوفني برسائله گبل اتصلت عليه
جوان : حسون خوفتني
حسين : يا خوفتج غير الحجيه بالمستشفى و كرعت راسي تريد تشوفج
جوان : عزا العزاني شبيهه عفيه شبيهه
حسين : ما اعرف ما اعرف الدكاتره اخبارهم مطمن،،...سديته گبل ما ردت غير شوفتها ركضت للدرج و اني گلبي شايط عليها ياربي يوم واحد يوم واحد بدون مشكله حتى نعالي عفته بنص الدرج من الخوف ركضت بنص الركضه تلگاني جاسر
جاسر : خير خير شبيج طايره
جوان : الحكني الحكني جاسر فدوه الحجيه تخربطت فدوه اخذني
جاسر : اهدي اهدي بس اخذي نفس و احجي
جوان : شهدأ متكلي شهدأ دكولك الحجيه بالمسشتفى و حالتهه تعبانه حيل خابرني حسين يكول تريد تشوفج و اخبارهه متطمن،،،..ع كلامي طلعو عماتي يهدأون بيه و هذا قافل ميرضى يوديني يكول ما اخليج تفوتين مسشفى لو تتـثالث الدنيه شطت لـالله و انطفيت تهسترت حالتي ليش هيج و اني بعيده عنهه تتخربط و هذا قافل يا الله دخيلك المرا راح تموت هو بقى ع عناده و اني بس اعيط و وجهي احتقن و دموعي ما وكفن ابد شفته قافل ع السالفه رحت صعدت لغرفة غزل خابرت حسين كتله هيج و هيج كال راح ادزلج محمد يجيبج  احنه بيا حال و الافندي يغار،سديت الجهاز منه و خليت عباتي بحضني فاتت عمه عود تهدي بيه و اني قافله اريد اوصل الهم بس اريد اشوفهه ما اريدهه تموت گلبي خلصان من الموت كافي كل ما اتعلق بشخص يروح من ايدي ما مكتوبلي الضحكه ابد لشويه صعد جاسر كام يعيط عليه و يكولي سوالفج مال كسر كلمتي شوكت تبطليهه جبتي خالج عود راح يطلع بس دكلج شغله اذا طلعتي من هذا البيت اليوم ما الج رده اله و اريد رجال يرجعج،،،..كلامه جان سجينه بنص گلبي شدعوه هيج كبر الموضوع سجاجين تذبح بگلبي كتله جاسر لتخليني بين نارين و هو قافل ميرضى و كل ميسمعني احجي يزكح بيه صعدت غزل كالت خالج جوا ويكول خلي تنزل و جاسر حلف عليه ما ارجع للبيت و لو رجلي عتبت باب البيت بدون ميرضى يعني انساه اني بقيت اقنع بي و عمتي تحجي ويا و هو كل عيطه يعيط بيه تفزز گلبي ع صوت العياط صعدو امير و زين يهدأون بي تالي گال لغزل وين ملابسهه احنا بقينا صافنين زكح بيها وييييينننن مسلباتهه،، هي من الخوف اشرتله وين كام يطلع بملابسي و يخلي بالجنطه شال ملابس البيت و علاكه الحفله همزين ما انفتحت العلاكه و شاف الثوب و كام يشمرهن عليه و يكول يلااااا اخذيهن و اطلعي وجهج ما اشوفه بعد،،اندرت ع امير  و كتله انزل كول لخالو ما اروح ويا
———————————————————————-
يتبع،،..