جوان_الشيخ_جاسر

البارت التاسع عشر

جــوان الـشـيـخ جــاسـر

للكاتبة mropanda

الـبـارت الـتـاسـع عـشـر♥️.

صحت بعالي صوتي و اني ارجف شعور حقير و يوجع الخاينه و الكذب و الطعن بالظهر كلهن حسيت بيهن بلحظه وحده و من منو منه هو الي كسرني و جبرني ع كلشي ويا اخذ مني حياتي هانّي كدام الي يسوى و الي ما يسوى

جوان : شديييصصصيييرر
جاسر : لحظه افهمج
جوان : شتفهمني ولككك شتتتفففهههمننننييي
جاسر : صوتج بس اكعدي احجيلج
جوان : الله ياخذك من بين الزلم

شفته اجه يتقرب يريد يلزمني و بوجهه علامة حيرة و خوف و عيونه مركزهه عليه و كلهه اسف بس ماكو شي يشفع اله شفته بعيوني و لو ترهم حتى عيوني اجذبهه كلهم مشتركين ويا كلهم يعرفون و استغبوني مثل الغبيه بينهم هزيت راسي بلا و ركضت لجوه مثل الي ملك الموت يركض ورا لكيت عماتي ع الدرج و وحده تنلطم بالثانيه و جاسر لحك بيه مثل اليتيم الي امه راح تضيع منه يركض ورايه و يصيح عليهن خاف اطلع وصلت للهول الصغير جانت الحجيه واكفه ع حيلها ما حجت شي بس هزت راسها مراضيه و الظاهر عرفت بحسين يدري و خابرت خالو علي نزل جاسر و دخل للهول عماتي ورا اني جريت الحجيه و فتحت الباب دا اطلع و هو يجر بيه ما راضي و يكول بس افهمج و يصير الي تريدي و اني راسي و الف سيف دخلت للهول هي و علاماته ع رگبتها كرهته و كرهت كلشي منه

شهد : ها حبيبة ناسيه شي
جاسر : كضي لسانج لا اكصه الج و دخلي جوه
شهد : غير جيت اشوف جوان شتريد منك
جوان : هه ما رايده شي لا منه و لا منج بس حبيت اكلج تره عيب عليج تاخذين فضالة الناس

هو سمع هيج لو نجن راد يهجم عليه و الحجيه عاطت بي و وكفت كدامي و اني اباوعله بتحدي و دموعي بعيني و هو بين الي نظراته تحجي تعب و الم و اسف و بين العصبي يريد يوصل الي و الحجيه مترضى شويه و دخل زين كال خالج علي بالباب

جاسر : صيحله يجي
فيروز : ما النه كعده ويه واحد مثلك
جاسر : حجيه لا انتي و الدنيه عليه اكسري الشر و جريهه لجوه خلي احجي كلمتين وياكم
فيروز : هاي الي دتحجي عليهه عندهه بيت و عندهه اهل و لو تريد تبرر شي تفضل لبيته و احجي اما لبيتك فـهذا الله فوكاي ما اعتب بابه بعد مكدرتك على هاي اليتيمه ما تكدر لنسواينك مو ترسن بيتك و متستر عليهن
شهد : ع كيفج خاله منو نساوينه قصدج اني
فيروز : الجوه ابطه معزه يمئمئ
جاسر : فوتي حجيه و اني
فيروز : لهنا و كافي لا انته و لا غيرك و يلا امشي بنيتي

مشيت و اني اجر بروحي جر روحي شايطه بلعومي تجرح من الغصه لزم ايدي ميريدني اروح راد يحضني دفعته حيل ما طايقته و هو حالته مو احسن من حالتي اجه خالو علي دخل و هو ما مفتهم شكو دخل حسين ويا جاي

حسين : ها
جاسر : كللهه بس خلي الغي و افهمهه الموضوع
فيروز : و اني كتلك عندهه بيت و اهل تجي انته و اهلك تحجون
حسين : يوم بداعتي لتحجين هيج انتو ما مفتهمين شي
جاسر : بس خلي افهمكم
علي : شنو سالفتكم يابه
فيروز : اسأل اخوك