جوان_الشيخ_جاسر

البارت السابع

جــوان الـشـيـخ جــاسـر

للكاتبة mropanda

وصلنا لبيت خالي حسين هو اصغر خوالي اكبر مني بأربع سنين بعد ما توفى جدو ابو امي خوالي قسمو الورث و جانت گاع چبيرة حيل هي گاع زراعيه تجنن و خصوصاً تطل ع الشارع حيل احب اجواءها و خاصه بالشتا الهوا يرد الروح بيها خوالي بعد ما قسموها كل واحد اخذ گاعه و فصلها عن اخو بسياج من سيم او حديد يشبه السيم و عليه چادر بس مصاير هوسه بالعكس بشكل مرتب و منطي جمالية اكثر للگاع خوالي من عشاق التصاميم و الترتيب احسهم منفتحين ع العالم اكثر من اهل بـابـا بالرغم همَ ما رادو يقسموها بس بعد نسوانهم يبقن يتعاركن خصوصاً بعد ما خوالي بنو بيوتهم بگيعانهم و صارت العركات و اكو منهم فتح مشاريع بگاعه يعني هيج هيج لازم يفصلون گاع عن گاع بوكتها امي ما رضت تاخذ حصتها و كالت زوجي ممقصر ويايه بشي و اهله منطي حقه و ممقصرين عليه و لو هو مات او اني جهالي ورثهم يوصل الهم مربع خلو گاعي لمشروع مال ايتام او انطوها لامي و همَ ما عارضوا كلامها بس كالوا الكاع احسن متروح لغريب نسجلها بأسم امنا الي هي بيبي فيروز و بالفعل تسجلت الها و كاع مـامـا جانت بصف گاع خالي حسين فهي اجتي عدله خالي حسين بعد ما بنى بيته و كملة جاب بيبي فيروز و كعدها ويا و هو يخدم بيها و هي تحب الهوا مال المزرعه تضوج بالبيت فهي و خالو حسين اعتنوا بگاع امي و كاعه و زرعوهن اشكال شجر حتى هم ساتر و هم جمال،،بيت خالي حسين بالدخول حيل بعيد عن الشارع طبعا ماكو سياج من طابوگ هو سياج من سيم او حديد و عليه جادر مرتب و ورا السياج من جهه البيت اكو اشجار مال فگس و غيره يغطن البيت بس هم تكدرون تشوفون شكو بالشارع و منو يروح ويجي،،السياج بعيد عن البيت بفد اربع خمس سيارات و ماكو طارمه مجرد ترابه و ع الجهه اليمنى اكو اقفاص مال دجاج خالو يحب يربيهن و هم بعيده عن البيت تصير بالبدايه يم السياج و بعدين يجي البيت اول شي درجات سيراميك اسود و بعدها صبه يكعدون عليها العصريات و بعدين باب استقبال و بصفها باب مطبخ...طبگ خالو علي السيارة و نزلنا اجه خالو ادهم يساعدني بيبي فيروز جانت واكفه و سانده روحها ع عكازاتها و بصفها خالو حسين
فيروز : يمه بنيتي شمسووووييييننن بيج فوتي يمه فوتي
جوان : بيبي ما بيه شي بالريش بالريش و الله
فيروز : ولج يمه يا بالريش ولج الله يكسر ايده لهل جاسر هذا ذبحتونه بي
جوان : دعوفي يا بيبي مو هياني جيتج
محمد : هي ما دام لسانها سالم هاهيه
جوان : ها خالو تعيب ع لساني
محمد : ههههه حشاج بويه فوتي ارتاحي،،،فتنا من باب المطبخ و بعد مطلعنا من المطبخ جان كدامنا مساحه شويه جبيره بعدها مناك اكو حمامات و بعدين غرفه خالو

حسين و بصفها استقبال ثاني و من جهتي الي اني بيها صاير ورايه غرفه بيبي فيروز و بصفها درج يصعد بس بيتونه و سطح،،بعدها من اندار و يصير الدرج بظهري هو و غرفه بيبي و كل الغرف يجي كبالي هذا الهول الي بابه بصف المطبخ و طبعا بدون باب يعني هذا الهول يطل ع كل البيت يعني هو بس ثلاث حيطان جبيرة و بيهن الكسره مال الباب الخارجيه،،..
حسين : عجبج البيت صح؟ شبيج صافنه جنج ابو صابر
جوان : مو علساس مجايه قبل و شايفته بس هيج صفت ع كولتك جني ابو صابر
حسين : تروحين فدوة لابو صابر دشوفي بيتي شكره يجنن جنا بس اني و امي بي هسه من جيتي طيحتي حظ راحتنا
جوان : اهههووو حجه اللغوه شو دوخر فرحان ببيته هو ابو اللسان شايف هذا بيتك؟ هذا ربع او اقل من بيت جدي هناك
حسين : صبغيهم صبغيهم لوما اجيتي لهنا شارده منهم
جوان : هههههههههههههه و الله صحيح
فيروز : شدتحجون هناك تعالو كعدوا هنا يمه الجو بارد يمه حسين سد الباب و جيب بنت اختك
حسين : اي يمه
سد الباب و رحنا كعدنا بالهول جانوا خوالي كاعدين كلهم ع التخم الي تكون قطعته جبيره و بيبي كاعده كدامهم ع التخم الي تصير قطعته مال اثنين و اني و حسين كاعدين ع القطعه الثانيه الجبيره و صاير كدامنا البيت كله
فيروز : يمه احجيلي منو مسوي هيج بيج
محمد : يمه مو وكتها دحكي البنيه وجهها شلون صاير خلي تنام و باجر استلميها
علي : اي صحيح يوم
فيروز : يااا داده خيتك و انه شحجيت كلكم كبيتو عليه قبل لا هي تحجي
جوان : ههههههههههه
حسين : اضحكي اضحكي يلعوبه لو بيج حظ ما خليتي يمد ايده عليج جان كتلتي و شردتي يمي بيج كتله و الحمزه
جوان : هسه انته كارهني حابني مدا افتهم حجيك
حسين : شوف هاي الصخله يوم عليج الله منو يذكرج كل يومية انو تخابريها خاف انتي تنسين
فيروز : اي صحيح الحق ينكال هو يذكرني من انسى ولج جوانه اخوج ما ينشبع من خدوده،،..باوعت ع جود لعبانه نفسه من الوضعيه اتذكرت هو يكره واحد يبوسه اكثر من اللازم بس جاسر لو يبقى عمره كله يبوسه متكش نفسه،،...شويه و طفر جود ليمي حضن رجليه حيل
جود : ثعبت نفثي من البوث (لعبت نفسي من البوس)
كلنا ضحكنا عليه و هو ضاج بالزايد
جود : ليث تضكحون عليني (ليش تضحكون عليه)
انوب فحطنا ضحك عليه و هو ينفخ بخدوده صار يجنن جان يضم وجهه بدشداشتي
جود : مو ثوثكم (مو صوجكم)
جوان : هههههه كوم كوم محد ديضحك
جود : ني معليني متت يحبني (اني معليه محد يحبني)
جوان : ها يولي منو ميحبك،،.شو هذا رفع وجه و بتسم بوجهي و عيونه عبالك گلوب حب
جود : انتي حبيني بث (انتي تحبيني بس)
جوان : حسين كوم خلي جود بحضني عفيه
حسين : تمام ،،كام خلا بحضني و اني لفيت ايدي الي ما بيها شي عليه و كمت ابوس بي و دموعي بعيوني
جوان : اني مو بس احبك انته روحي من الدنيا
جود : ههههيييي جواني تحبنييي ،،،كام يصفك و يضحك و خوالي و بيبي مبتسمين لحظات حيل حيل حلوة احس هنا مرتاحه اكثر من هناك
علي : يلا يابه اوصلكم كل واحد لبيته خلي العالم ترتاح
جوان : وين خالو بعد وكت
حسين : اي مو بيتج و تعزمين ام حلك
جوان : عيييييع اذا هذا بيتي و الله من اول بايه افلشة
حسين : احترمي نفسج هذا بيتج
جوان : شكلت شكلت خووو كلكم سمعتو شكال
حسين : كايم اطلع البيت يخنك صار
محمد : دكول تفشلت مو اختنكت و بعدين يا طلعه هاي الساعه بـ٢ بليل
حسين : اشوف صاحبتي شمحتاجه
علي : اوكلك خرا تريد؟
حسين : اهوو خلو نفسهم فايت انام اني،،،باوع عليه و رد حجه ،،...و انتي باجر لتسوين ريوك اني اجيب من برا و اسوي جاي
جوان : الله يخليك النا حسحوس
حسين : و غمه لهل شكل جنه طبقة گيمر
جوان : دسبني عدل عاد
فيروز : هههههههه رويسيه متصيرلكم جاره
محمد : يلا بويه اودعناكم،،،...طلعو خوالي و بيبي كالت كومي نامي راح يصبح الصبح اكيد تعبتي و لتنسين علاجج ،،،هزيت راسي بمعنى اي ،،..فات هي للغرفه و بعدها اني و جود هي مددت گبل غفت و كامت تشخر معرف شلون هيج تغفى بسرعه اما اني لگيت فراشي و فراش جود مفروش و دافي مفروش بالكاع و حسون مخلي فوك الفراش بطانيتين جديدات و فارشهن فوك الفراش بحيث الفراش جان دافي جود مدد و نام حبيبي تعب حيل من البجي و الي صار مو سهل ع الي بعمره اما اني تمددت بصف جود و جريت بطانيه غطيت بيها جود زين بعدين غطيت نفسي و بالكوه تمددت لانو ايدي تأذيني بالاضافه لانو جسمي متعرض لضرب مرتين يوم ورا يوم بدون اي فاصل حسيت عظامي طگن من الالم بس شي ع شي اهون من هناك احس هناك گلبي مخنوك خليت ايدي ع گصتي و افكر و اني متمدده و اباوع للسگف بالرغم ما گلبي هناك عايفته بس هنا مرتاحه احس اريده احس اححبه من كل گلبي كل الي صار بيه من ورا بس هم احبه و احب شعور من هو عينه عليه بكل مكان بس هو خاني و خيانته ياريت مجرد تفكير بوحده غيري هو نايم وياها و هو يحبني لعد شلون لو ميحبني بقيت افكر لحد منمت و الوجع دمرني،،فزيت بـ5 ع صوت سرير بيبي من تكوم تطلع صوت جانت دتريد تصلي صلاة الصبح و حسين بغرفته نايم غافي رجعت نمت بس