جوان_الشيخ_جاسر

البارت الثامن عشر

جــوان الـشـيـخ جــاسـر

للكاتبة mropanda

الـبـارت الـثـامـن عـشـر♥️.

هي ذله گُلشي صآر بحبنآ
زله لاعنب حصدنا منكم
ولا رجعنا وعدنآ سلهَ!

طلع و احنا عينا ع الباب شبي طفر فجئه هيج اكيد صاير شي بالبيت بس شنو ياربي لو اني لو هو ماكو حل وسط خالو ادهم كال خلو براحته الرجال صارله يوم كامل ذابح روحه ويانه خلي يروح يشوف اهله بس اني رافضه كلشي ينكال شكله تحول ١٨٠ درجه جان يضحك ويانه و فجئة من الاتصال انگلب ياالله ياربي،، حسين هم مثلي بقى حاير و يتصل بي بس جاسر قفل جهازه و للـ ١ بليل اني كاعده يم حسين و حسين يتصل عليه و هو ميرد الجهاز مقفول بالي بقى يمه تالي حسين كال كومي نامي الخبر الي اليوم بفلوس باجر ببلاش و صدك كمنا نمنا بس اني بقيت اتكلب مثل السمجه المتزوهره كل بالي يمه گعدت الصبح غسلت و رحت للحمام سبحت علكت الصوبه لان بارده حيل و الدنيا مغيمة و كهرباء ماكو البيت شبه مظلم اكو ضوا بس مو قوي
فتحت ضوا من الجهاز بلشت اسوي ريوك و اني حايرة بجاسر شصاير بي و هيج راح و ما اكدر اتصل بي اعرف من يصير هيج ميتحمل احد يحجي ويا گعدوا الحجيه و حسين

فيروز : ها يمه صباح الخير
جوان : صباح الخير حجيه
فيروز : ما حصلتي خبر من جويسر
جوان : لا و الله منين احصل البارحه اني و حسين نتصل عليه و ميرد و اني مستحيل اروحله و هو هيج حالته
فيروز : ييمه الولد ما مقصر وياج بشي شو عاف شغله و اهله و اجه كضى القهر وياج قبل لا يكضي ويانه روحي يمه شوفي
جوان : حجيه و الله اخاف منه من تصـ...
فيروز : لا يصير و لا تصيرين روحي شوفي يله گدامي
حسين : يله كدامهه
جوان : انته متصدك اترزل
حسين : غير يوم عيد عندي وين لاكيهه و تترزلين كدامي
جوان : الدنيه تدور عود

كام يضحك عليه و الحجيه بس تخرز بيه عود روحي شوفي جاسر يالله شلون احاجي هذا اخذت الجهاز و رحت ورا البيت كعدت و لزمت الجهاز كدامي دخلت ع رقمه ترددت و خفت منه حيل رجع ببالي ذاك اليوم من عصب مني و كام يعيط عليه غمضت عيني حيل و تنفست شويه شجعت نفسي و دست اتصال طول ما الجهاز يرن اني اهز برجلي و اكل بشفتي يربي عبالك مو جاسر فلم رعب 5 دقايق يلا سمعت صوته الخشن و الي كطع گلبي من الخوف اعرفه حافظته ع الغيب من يعصب صوته يتغير و يحجي من ورا خشمه جاوبني بصوت عصبي فزز گلبي

جاسر : شكو شتريدين
جوان : بس بس ردت اعرف شصـ..
جاسر : ما صار شي
جوان : و وجهك انته عصـ..
جاسر : جوان لا معصب و لا صاير شي الله وياج

غلق الجهاز بوجهي يا الله و النبي صاير شي و ميريد يحجي انوب غلقه بوجهي عبالك ساقطه اشتغل عنده ليش هيج يسوي،،كمت دخلت للغرفه و اني روحي شايطه منه ساعه ادعي اله و ساعه عليه بهذلني و بهذل احوالي ما تريكت ابد ما الي نفس سد نفسي من كلشي كملت تنظيف صارت بـ1 اجه حسين جايب غدا من بره باوعت بعيونه اتوسله اريد افتهم الي صاير ميحجي ابد و كأنو ميدري بشي بس مستحيل ميدري يتصرف طبيعي حيل من لكيت ماكو امل صبيت غدا الهم و دخلت للغرفه مثل الي اعتزلت العالم احس صاير شي بس ما اعرف ليش محد يحجي مرن ٣ ايام ع نفس الحاله لا هو يجي و لا حسين يحجي و ابد محد منهم حاول يحجي ويايه و بيوم جود تمرض و جان لازم ناخذه للمستشفى حرارته ارتفعت ساعه بـ١٠ بليل كل مشاكلنا تصير بليل كمت احس الليل عدو النا وين ماكو مصيبه لازم توقيتها بليل كمت لبست عباية اسلاميه و شالي و الحجيه كالت اخذي وحده من عباياتي لبست فوكاهن و اني شايله جود و الطفل نار بين ايديه حسين فتح باب الصدر و كعدت و راح وصل الحجيه لبيت خاله امينه و رجع اخذنا لمستشفى قريبه علينا و احنا بالطريق اتصل جاسر ع حسين شفت الاسم شهكت حسين حلفلي كال ما عندي اتصال بي شلون واحد يخابر الثاني هو تردد انو يجاوب