جوان_الشيخ_جاسر

البارت الثالث

جــوان الـشـيـخ جــاسـر

للكاتبة mropanda

جوان بجمود: جاسر ممكن نحجي
جاسر بأرتباك: ااكيد صاير شي؟
سارة بهمس: الله يستر
غزل بصدمة: جهزي نفسج ورانا فضايحح
جوان بنفس الجمود: زين خويه جود شويه ضايج بالفترة الاخيره تعلق بيك اذا...
قاطعها زين و كأنو يعرف الي راح تكولة "حجه بصوت يبعث للامان الي جوان بالفعل مفتقدته و بأبتسامه": خلص جواني شويه و اصعد اله حتى نطلع
جاسر بعصبيه مكتومه: جواني!
زين بنفس الابتسامه بس بكلبه حس انو خلص قرا على روحه السلامه: ااءءقصد جوان
جوان بأبتسامه مصطنعه: و هسه جاسر ممكن نحجي على انفراد
جاسر من سمع صوتها جوابها بهدوء عكس تيارات الغضب الي بداخله: اي اكيد ممكن
جوان و جاسر راحو للمضيف مال بيتهم بما انو الصبح ماكو مشاكل عند الناس و الشيخ عيدان ياخذ استراحه الصبح حتى يبتعد عن التوتر قدر الامكان طبعا اكيد لان هو رجال جبير مو مثل من جان قبل بشبابه عنده القدره يكدر يتحمل مشاكل الناس و اكيد الانسان من يكبر بالعمر يكون خلكه ضيق...بعد ما راحوا للمضيف دخل جاسر بخطوات بطيئه ثابته تدل على هيبته اي هو هذا الرجال الي جوان حبته هو الرجال الوحيد الي متملك كلبها احساسها و كيانها بس جوان ترفض تعترف بهل الحب لاسباب هي بداخلها تعتقد انو من حقها ترفض هيج نوع من الحب "التملك و الجبروت و العصبيه وعادات و تقاليد اهلها" كلهن مجتمعات بالشخص الي تحبه و هاي جانت المصيبه الي جوان من وراها تحاول متوكع بحب جاسر اكثر هي رافضه هل شخص بسبب هاي الاشياء و كل ما حاولت تحجي ويا  ساره و غزل او اي احد عنهن حتى تبرر سبب رفضها لحبها لجاسر ينتهي الطريق انو هي الغلطانه  لانو بأعتقاد اهلها انو عيشة غزل و جوان و ساره و البنات الي من هل عائله هي عيشه الكل يتمناها اما بالنسبه الهن فهو عباره عن سجن تكدر تنام بي براحتك و تشرب براحتك بس ابسط حقوقك تكون مسلوبه لانو انته تولد ضمن عائله ترفض الغريب و تعودك تعشق القريب حتى لو تكرهه محد منهن تكدر تختار شريك حياتها لانو مسبقا هم مختاري الها هذا جان كل الي ببال جوان اما غزل و ساره فتعودوا على هذا النمط وكل وحدة منهن تماشت ويا الوضع و اكيد صارن يعشقن علي و زين ..
جاسر كعد بهدوء و حجه بصوت ممزوج بالعصبيه و الحب: اكعدي كبالي و سولفيلي منو وياج يا عمري
جوان اخذت نفس و بنبرة بيها حب و بجي: جاسر احجي بس كون تنصفني
جاسر كعد حواجبه و جواب بنبرة حب: شبيج جواني منو وياج
جوان بنفس النبرة بس زادت رغبتها للبجي: جاسر و الله مو بيدي و الله اني احبك حب مصاير انته صرت متملك كلشي بيه ممكن هل اعتراف يفاجئك بس احنا اثنيناتنا نعرف بمشاعر بعض فما اريد الف و ادور وياك جاسر اني اعشقك من اول ما اجيت للدنيا عيوني مشافن غيرك انته ويايه بكل مكان اكثر و اقرب الي من خيالي اي مرات ادفعك عني و ما اريد يربطنا اي شي بس يشهد الله عليه انته حب حياتي انته رجالي "احذت ايده و خلتها على كلبها" و كملت كلامها ببجي كلبي ينبض بس الك بس ارجع و اكولك مو بيدي ما اكدر اعترف بهذا الشي حتى بيني و بين نفسي
جاسر بصدمه و  ابتسامه واصله لاذنه و فرحته بحجي جوان ميبدلها بالدنيا جان ينتظر هذا الكلام من سنين نسى مشاكله نسى كلشي  ممكن يبعد تفكيره عن جوان...
جاسر بنبرة حب و ابتسامه: جا اني شنتظر منج غير هذا الحجي انتي الهوا الي اتنفسه
جوان زادت ببجيها و حجت بنبرة تكطع  الكلب: بس اني قررت اخذ جود و اروح لاهل امي ما اكدر ابقى هنا اكثر
جاسر كأنو  مي بارد و نزل على راسه انصدم من كلامها انربط لسانه ضحكته اختفت احلامه تبخرت جوان خلت السواد يحتل عالم جاسر للمرا الثانيه صنعت من رجال يحبها رجال لو تطلب الدنيا يجيبها الها بس هي بداخلها تفكر انو هي طلبت هل طلب منه بمنتهى البراءة وضنت انو هل براءة وصلت لكلب جاسر و هو لو يحبها راح يخليها تقرر الي جاي من حياتها بس هيهات هذا الطلب جوان جانت لازم تفكر الف مرا قبل لا تطلبه و تنطق بالبسمله يلا تحجي بي
جاسر بعصبيه: قصدج تديحين؟
جوان وكفت و هي تمسح دموعها بخوف: لا و الله مو هيج جاسر فدوه اروحلك اذا تحبني وافق
جاسر و هو عروك ركبته طكن من العصبيه: انتي مخبله انتي عقلج هذا "و هو يأشر لراسها" عقل هذا لو شنو يهودي انتي؟ كاتل واحد من الانبياء؟ حارك المسلمين قبل؟ ليش الله ديعاقبني هيج
جوان بخوف و حب: جاسر فدوه اروحلك لتحجي هيج لتكبر الموضوع
جاسر بنتره و هو يسحب ايدها: دللتج زايد اني انطيتج قدر و قيمه كل مرا اكول زعطوط بعدها بس الظاهر راسج كبر و صار لازم يتكسر بعد امج ماتت و ابوج راح اني راح ارجع اربيج
جوان ببجي و صياح: ديربالك تجيب طاري امي على لسانك و مو انته الي تربيني
جاسر بعصبيه اكثر من قبل: امج الي تزوجت عمي عن حب؟ و خلته يركض وراها تعلمتي منها؟لو رايحه تتعلمين من اهل امج؟
جوان بعصبيه و بجي يكطع الكلب لاول مرا محد يوكف الها لاول مرا تحس روحها حمامه مذبوحه : تروح فدوه لتراب كبرها امي اشرف من الشرف نفسه ما سوت غلط الميت متزوج عليه غير الرحمه
جاسر و هو حس هل مرا كسر جوان بحجيه بشكل مو طبيعي بس هو بنظره ماكو واحد مثل المه بهاي اللحظه: شوفي الي دتفكرين بي هذا كله اضغاث احلام تحلمين رجلج تعتب برا البيت و انهي عليج بمجرد تفتحين هذا الموضوع ويا جدي
جوان و الدمعه بعينها بس حجت بتحدي: هذا الموضوع راح ينفتح يم جدي و اخذ اخويه و اهج منكك و اليوم قبل باجر طالعه...... ما حست الا و راشدي نزل على وجهها حست مثل النار الي تطلع من خدها بعدها جاسر ضربها على خدها الثاني و هي بس تصيح و تبجي و مصدومه من الي صار..سحب جكارة و كعد بزاويه بالمضيف و خله راسه بين رجليه يتأملها من بعيد و كأنو ارتكب اثم عظيم اخر شي جان يتوقعه بعد صبره عليها طول هل سنين هو هذا القرار هي صنعت منه هذا الرجال الي بلا رحمه بالرغم مال كلبه مكسور عليها و على منظرها الي يفطر الكلب بس هي كسرت كلبه لازم تتحمل عواقب افعالها...اما جوان الي بقت بحاله جمود بمكانها الدموع تنزل من عيونها تحرك الجروح الي بخدها بس هذا و لا شي مقارنه بالجرح الي سوا جاسر بروحها جانت روحها تحترك مثل الجكارة الي يدخنها و ويا كل دخان ينفخه تتمنى لو روحها تطلع تماما مثل هل دخان.. دخل زين و هو يضحك
زين: جاسر شدتحجو.. ارتعب من منظر جوان و من شاف جاسر بهيج حاله
عيدان: يابويه شتسون بالمضيف هسه راح يج....سكتت انصدم من المنظر
زين بخوف: شصاير شبيكم جواااننن
زين جان يسأل و محد منهم يجاوب الى ان حجه عيدان
عيدان بنفاذ صبر: زين صيح عمتك اسيا و كلها تجي تاخذ البنيه
جاسر حجه و هو ينفخ الدخان بعدم اهتمام: متطلع من الديوان
عيدان بعصبيه: تكسر كلمتي يعني؟
جاسر وكف و هو يطفي جكارته بأيده و العصبيه مبينه على وجهه: مو من حدي بس جوان الي...
عيدان قاطع جاسر: و اني كلت راح تطلع ويا عمتها
دخلو اسيا و زين .... اسيا بقت تدك و تلطم على حالة جوان و تسأل بجوان بس بدون فائده
عيدان: اخذي البينه و اطلعوا
جاسر: جدي كلت متطلع برا الديوان
زين:جاسر صل على النبي
اسيا: دشوف شمسوي بوجه البنيه
عيدان بخوف: جدي جوان احجي
جوان رفعت عينها و اجتي بعين جاسر الي خزرها و كأنو يمنعها انو تحجي
رجع عيدان سألها:جدي اني الامان الج بس كولي شبيج
جوان  وخرت ايد عمتها الي جانت ساندتها و حجت بتحدي وخوف: جدي اني قررت اعيش يم اهل امي....
---------------------------
يتبع