جــوان الـشـيـخ جــاسـر
للكاتبة mropanda
راحو امير و زيد لـأسيل حتى يجيبوها و بقوا زين و علي و جاسر..
علي:خويه شسالفتك
زين:عوفه عوفه بباله الف حسبه
جاسر:ما ببالي الا هي"يحجي و هو مليان عصبيه و يشمر بأيديه و يروح و يرجع اخذ الدرب روحه برجعه"
زين:ليش معر....
جاسر قطع كلامه و كال
جاسر:ما اعرف ليش تسوي هيج لا هي تحبني و لا هي متحبني تشرد مني من اقل حجايه و اركض وراها و احسها بارده تجاهي
علي:فاهيه فاهيه
جاسر:انجب انته اللاخ
زين:يابه دسمعوني
جاسر و علي: و انته متحجي منو لازمك
زين رفع حاجبه و كال:جاسر البنيه حامل
جاسر:منين حامل هي خلتني اتقر..لحظه منو حامل
زين:مريم حامل منك
جاسر بصدمه:مستحيللل
و راح على زين خنگه من ياخة دشداشته
جاسر:دا اكلك مستحيل حامل اني اعرف شمسوي
زين و هو يرفع ايد جاسر ويصيح بي:لعد منين اجه هل طفل هااا؟
جاسر:شمدريني الف واحد عندها
زين:جاسر لتغشم نفسك من سنتين انته خليتها كأنو جاريه عندك كل متضوج تروح الها
علي:زين مو هيج الحجي افتهم من ابن عمك
زين:اني حجيت ويا بالحسنى و هو ميسمع
جاسر بعده بنفس الصدمه:زين مستحيل دا اكلك و بعدين ليش مكلت من قبل
زين:و الله علمي علمك هسه من طلعو الولد اجتني رساله من حسن الي انته مخلي حارس عليها يكول الصبح تعبت و ماخذها للمستشفى و النتيجه هاي..
جاسر بقى يضرب براسه و يصيح:مو ابني مو ابني و الله
زين:الله كريم ابن العم يصبح الصبح و نشوف
علي:انتو تخيلو اذا هل حجي صح و انتو ما قبلتو بالطفل شلون راح تفضحكم بين العشيره! جاسر اتوقع اذا ردت تلكى حل لازم تتزوجها...
————————————————
نرجع لجوان الي حبست نفسها بغرفتها و بقت تبجي چان مكانها المفضل من تبجي تكعد يم شباك غرفتها هو شباك چبير يوصل للكاع و لانو هم كاعدين ببساتين و زرع فـلسما تكون صافيه و تجنن..جوان بقت تباوع للگمر و عيونها موكفت دموع قطع هل صمت صوت ساره و غزل
ساره:لج غزل كأنو اكو صخل حارن نهاية الغرفه
غزل:خيه يمكن اي اشوف اشوف يااا ولج هاي جوان
جوان:سوالفجن متمشي عليه و طلعن من الغرفه اريد ابقى وحدي
غزل:لج سرو كأنو سمعت صوت فار و غمزت لساره
ساره تتصنع الخوف:هاا ايي اييي يممممه من جوا الچربايه يمكن
جوان اندارت و الدموع و الخوف متملكيها:وووييينهااا
ساره:جوج ولجج ككككووومممي من مكانج لا تجيج
جوان سوت الغرفه خطوتين و نزلت تركض و تصيح
جوان:يمممممههه الحححككي
زهرة:يمه شبيج ولج
جوان:يمممه يمممه
*طبعا جوان عندها فوبيا من الفار و الطيور من جانت صغيره*
زهرة لزمت وجه جوان بين ايديها و كالت
زهرة:بسم الله يمه شبيج عمري انتي
جوان تحجي و ترجف و دموعها موكفن:يمهههه يمممهه
الولد اجوي يركضون و عماتها و نسوان عمامها التمن
علي:شكو جوان
زين:خايبه شبيج منو وياج
جاسر بخوف مبين على وجهه:جوان خو مبيج شي شكو؟
زهرة:يمه دحجي مو وكفتي گلبي
جوان بنفس الخوف و الارتباك:يمه فاره فاااارررههه ساره شافت فاره بغرفتي
جاسر:اطيح حظج هسه!
علي و زين و الكل خربوا من الضحك
زهرة و هي كوه لازمه ضحكتها لان تعرف جوان تتحسس من هيج سوالف:يمه وكعتي كلبي عبالي شي صارلج هسه يجي ابوج و يكتلها تعاي يمي
جوان:بس و الله و الله يمه ساره و غزل شافوها
ساره و غزل نزلن سويه و هن خربانات ضحك
ساره: لج جوان مشفتي نفسج شلون طفرتي حسيت الا شويه حتوكعين و تتكسرين
غزل:اييي هل الدرج شكبره شلون طفرتي
جوان:يعني جانت جذبه؟
اسيا:بله بربجن ملكيتن غير هل مسكينه تلعبن عليها
غزل:عمه هي جانت كاعده تبجي جنها مطلقه نحاجيها و مترد تالي اتفقنا عليها و هم صارت اني وياها سد بسد
زين:الله يطيح حظجن على هيج لعب لو صاير شي بالبنيه
جوان و هي كوه تاخذ نفس و مخليه ايدها على صدرها:الا اطلعها من عيونجن و راحت تشرب مي
جاسر:اخر و اول مرا تسون هل سوايه فهمتن و اذا تكررت بس الله يدري شسوي بيجن
علي و زين:هوب هوب
علي:جنك رحت على الترابي
جاسر:وخر من يمي
صار العشا و الكل التم على الاكل و يضحكون و بقوا يحجون بسالفة جوان و الكل خربان ضحك...
عيدان:الله يديم هل نعمة و يديم جمعتكم يمي يارب
نهر:امين امين
ابراهيم:بويه باجر جمعه شنو رأيك ننزل للحلال نشوفه و منها نعيد ايامنا
عيدان:خوش فكره وليدي ناخذ اخوانك و نطلع
امير:و الولد
عيدان:انتو للشغل عايفكم
امير:هي هاي شغلتنا بالحياة لا للونسه نعم للشغل
الكل ضحك عليه...شالو الاكل و سووا جاي طبعا الزلم بالصاله و البنات بالمطبخ علمود السوالف و يسوون جاي
جوان:عمه اسيا فدوة من تسوين حاي صبيلي
اسيا:يعيون عمتج تأمرين
ساره:عمه تعرفين اوادمج وين
اسيا:اهههووو بدينا
اسيل:شسويتوا اليوم
بعدهن البنات هستوهن ديحجن و سمعوا صوت صياح من غرفه ام جوان
جوان ركضت و صاحت:عمه امييي
الكل صعد ورا جوان لكو زهرة مدده بحضن ابوها لجوان و دموعه تصب و هو يحجي بتلكؤ:صعدت اريد اكعدها و العب ويا جود لكيتها ما بيها نفس و جود يمها يصرخ...جوان هنا حست الدنيا سودت بعينها بعدت متشوف شي و لا تحس شدتسوي غير خطواتها الي تقترب من جثه امها و هي تشهك و تحجي بهدوء:ماما اكعدي جيت اني
زهره:
جوان بنفس الهدوء:يمه حبيبتي اكعدي
زهره:
جوان بدا صبرها يقل بدت تحس بصوت يشبه الطنه بأذنها و كأنو العالم اعلن عليها انو تنطفي هل حياة بالنسبه الها:هااا متكعدين مو .... جوان كامت و لكت مزهريه بصفها اخذتها و كسرتها
و بدت تحاجي امها:مو جنتي تخافين عليه من الجرح هاا "طبعا جوان تحجي بحاله هستيريه و صوتها يرجف" جاوبيني مو تخافين عليه هاج شوفي جرحت نفسي يلا اكعدي و كوليلي مرحتي و عفتيني
جاسر ركض الها و شالها من خصرها
جوان و هي تصرخ:ليييشششش رحتي لييش بعد وكت باعي باعي ابنج لسه مكمل الـخمس سنوات وين رحتي يممه و اني و اني الطفلة الي ابد متكبر وين اروح.. الكل جان ممتقبل الصدمه الكل جان بحاله صدمه و بس يبجون و من ضمنهم جاسر الي برغم ما لزم جوان بكل قوته علمود متسوي بروحها شي هو هم بقت عينه على زهره شلون هيج شصار بيها معقوله مرضها كتلها شلون و ليش
اسيا ركضت اخذت جود الي بس يبجي و نزلت ويا جوا و دموعها موكفن...شالو الجثه من حضن احمد الي جان فاقد لكولشي و جوان متختلف عن حالته بشي..
————-
علي و زين و امير و زيد اخذوا الجثه للمستشفى بالاسعاف .. محد جان يفتهم شكو الدنيا كأنو اظلمت بعيون الكل...جوان بلموت فلتت من ايد جاسر و نزلت ركض ورا امها و بالاحرى ورا سيارة الاسعاف جانت تركض و هي يأسه من الحياة شنو بعد الام؟ شنو حياتنا بعدها؟ شراح يصير؟ جود شلون منو يهتم بي مثل امي؟ كعدها من شرودها مصطفى الي لزمها جانت بس لابسه دشداشه و الشال نازل على كتفها و شعرها الي مثل الحرير نازل على وجهها و كتفها منظرها بكل معنى الكلمة يجنن و حزين و يفطر الگلب( شغلو ميوزك حزين و تخيلوها سلو موشن😂)...طلع الصبح و المستشفى انطت التقرير و جان مكتوب بي انو مرضها وصل لگلبها و موكف نبض الگلب ماتت الفرحه بالنسبه لجوان و ابوها و اخوها طول ايام الفاتحه جوان تبجي و تندب حظها و بختها كطعت الاكل حتى متدري جود وين بنات عمها يحاولن وياها ماكو متنطي لاحد مجال حتى بيبيتها و جدها مكدروا الها خلصت الفاتحه و بيوم الثالث جوان نزلت من غرفتها عطشانة و دنيا ليل سمعت ابوها يحجي ويا نهر و عيدان
احمد:بوية اني رايح مالي كعده هنا بعد زهرة حياتي و راحت شنو ظلتي
نهر:صلِ على النبي شدتحجي انته حكم ربك هذا و جوان و جود يا يمه منو الهم مو كافي امهم راحت؟!
عيدان:بويه انته اكثر واحد تعرف معزة جوان و جود شكبرها عندي اعز من كل احفادي بس يبويه حتى اذا اني صرت الهم من بعدك مستحيل املي فراغك انته و امهم ع الاقل اذا انته موجود ميحسون بغربه
احمد:بوية اني قررت و قراري نهائي
جوان:تهون عليك تعوفنا
نهر:يمه بنيتي شنزلج بنص الليل
جوان:نزلت اشرب مي و الحمدلله نزلت جان الوالد العزيز طفر و راح و احنا نايمين على اذنا
احمد:جوان بنتي لتصعبيها عليها الله يخليج
جوان:اصعبها عليك؟؟؟اني امي دفنتها من يومين شدتحجي انته جربت هل شعور؟ لا مجربت تريد اصعبها عليك!ذاك ابنك الي لسه مكمل سنته الخامسه امه ماتت لسه ميدري الله وين مخلي و تريد تعوفه هسه انته؟
احمد و كام يصيح:اذا انتي دفنتي امج اني دفنت روحي اني دفنت عشرة عمري و شريكة حياتي اني دفنت المرا الي اعشكها
جوان:و عفيه عليك راح تخون امانتها و هي لسه ترابها ما نشف
عيدان:بوية مو هيج الحجي اكعدوا نحجي
جاسر:شكو عليمن الصياح
اسيا:عمة جوان شبيج
جوان:عمة الظاهر اخوج يريد يهج
احمد:جوان احترمي نفسج
جوان:ليش احترمها مو اثنينا نفس الالم؟انته راح تروح و تنسحب من ورا هل الالم ايي؟و اني ما الي حقك احجي!لا الي حق و نص مثل ما انته خليت من هل الالم مبرر لسوايتك اني هم خليته مبرر لكلامي
احمد:جوان كافي و ضربها راشدي
نهر:انكسرت ايدك قبل لتمدها البنيه محجت غير حقها و ان جان بي قلة ادب جان اني وكفتها
جاسر و هو معصب و عروك رگبته طفرن:عمي انته شسويييييتتتت
احمد: ما انولد لسه الي يطول لسانه عليه
عيدان:حسافه ربيتك و الله اطلع من بيتي و وجهك ما اشوفه بعد و بيوم جنازتي تحرم عليك تحضر
نهر:عيدان بويه مو هيج
عيدان:هيج و نص و اريد اشوف زلمة يكسر كلمتي
اسيا:يمه راح اخذ جوان لغرفتها بعد اذنج
نهر:يمه اخذيها البنيه وكعت من طولها
اسيا اخذت جوان و صعدت..
———————————
غزل كعدت ع صوت صياح خفت انزل خاف الگى مصيبة ثانيه ركضت لغرفة ساره و مينا
غزل:ساره صخيمه لج اكعدي
سارة و هي تفرك عينها:شكو شكو منو مات
غزل:كبر لهل حلك ماكو غير الموت
مينا:نصن صوتتجن بليز
غزل:عاد انتي بليز اسكتي و انخمدي
سارة:خاب غزل شبيج
غزل:ها ولج كعدت ع صياح خفت انزل كلت اجيج بس شو هسه ماكو صوت
ساره:امشي نشوف شكو
هستونا فتحنا الباب شفنا عمتي سانده جوان و تمشي بالكوه و هي تأشر النا انو نفوت جوا...
ساره:غزل صخيمه اككيد صاير شي
غزل:كتلج كتلج
——————————-
عيدان:جاسر ابني اخذ عمك وصله للباب
احمد:هيج صارت بويه
عيدان:جرب شعور جهالك من راح تعوفهم
احمد:هاهيه بوية هاي حجايه ما منها ثانيه و طلع
جاسر بعده بنفس العصبيه:لترجع بعد عمي
احمد:انتهت وياكم عائلة الشيخ عيدان
و طلع و هو يجر بالجنط ورا
———————
زين جان نايم كعد جان الدنيا صبح و الجو جان يخبل بس تعرفون من انتو فقدتوا شخص عزيز عليكم و بالاخص جان وياكم بنفس البيت تحسون لو كل جمال الدنيا محلو .. اجتي رساله ع جهازه من حسن "خويه زين مريم تخبلت تكول لو يجون يسوون حل الي لو افضحكم بين الوادم"
زين:لا حول و لا قوة الا بالله منين اجت هل بلوه ... دز رساله لحسن"اشوف جاسر و اردلك خبر لتخليها تطلع من البيت و اذا تحتاج وياك احد اطلب بس متخليها تطلع برا البيت"
كام زين و راح لجاسر دك ع باب غرفته
مرا مرتين فتح باب الغرفه هم ماكو..راح ع غرفة علي كعده و كله:كوم ورانا مصيبه
علي:خير صباح الخير
زين:دكوم يا خير تعلم حبيبي كونك من هاي العائلة يعني متشوف خير
علي:اهو بدت العداده
زين:كوم لا اكفخك هسه
علي:بس اسبح و انزل
————————————
زين بقى يدور ع جاسر بدربه شاف اسيا و جوان و امه و وديان طبعا جوان كاعده و بحضنها جود ديلعب و هي صافنه بغير عالم و اسيا و اسيل و وديان ديسون الريوك
زين:صباح الخير
اسيا:يبعد عمتك صباح النور
وديان:هلا زيوني
اسيل:صباح النور يمه
جوان:
زين وخر الابتسامه من وجهه و تقرب من جوان
زين:شلونها الحلوه
جوان:
اسيا:عمه جواني ابن عمج ديحاجيج
جوان:هااا هلا زين
زين:هلا بيج خيتي و باسها من راسها و طلع...شاف جاسر جامع غزل و ساره و مينا و نفس و البنات ديتفق وياهن
زين:شديسوي هل خبل
علي:هو هم ضرب راسه اعذره
زين:انته منين طلعت
علي: من العدم نياهاهاهاها(ضحكه شريرة عود😂)
جاسر:شكو واكفين تعالو
زين:جينا جينا
زين و علي ديكعدون ع التخم الي بالحديقه و جاسر هم كعد
جاسر:مثل مكلت
غزل:هو اني شفهمت
زين:شسالفه
غزل:شمدريني غير مكعدنا من الصبح يثرد براسنا بصل
ساره بهمس:عزا بعينج ولج لسانج
زين:و انته شكو مكعد هل جمال من الصبح حضرت الشيخ
جاسر:زين تذكرتوا و الله اني شيخ الا شويه ست غزل تسحلني
غزل:العفو شكلنا يا
علي:غزل باعي للوراج شلون حبابه
غزل:باوعت باوعت بايكه طن هوا
نفس:خاب حروح اني
جاسر:شويه ادب الا اكول روحن يلا تروحن
مينا:ديلا كول
جاسر:ها يلا روحن
زين:غزل و ساره ابقن
غزل و ساره كامن يبلعمن اكيد اكو شي
غزل بإرتباك:خ خير شكو
زين:اكعدوا ورانا عزا لاخ
ساره لطمت ع خدها:يمممه منو ماتت
علي:هاهيه لكينا الك مُله و وحده بصفها تلطم
غزل:هاي علمن وحده بصفها تلطم
ساره:منو هاي المُله
علي:خلص زين اذا اكو احد متوفي ان شاء الله اني وياك و جاسر نتگابل و نجول بنص الديوان
غزل و ساره:😂😂😂😂😂😂
زين:يابه حسن دز رساله الصبح
علي:اهوو هم الغراب شبي
ساره:منو هذا
علي:مدخلج الج الصافي
ساره تباوع بحقد:فهمت علساس كاتله نفسي
زين:المهم هاي مريم تخبلت و تريد حل
غزل:تحب عليه؟ لك زين من اني ببطن امي احبك و تالي هيج تسوي بيه الله لا ينطيك
زين:ببطن خالتي شنو يولي مو اني
غزل:منو لعد؟
جاسر بصياح: اني اني كافي شكد تلغن
زين:يابه البنيه حامل و تريد حل لو تروح تفضحنا يم السلف
ساره:عزا بعيني طفل حرام
غزل:خرا بحظي نهايته العائله اطفال شوراع اخ يمه راسي
جاسر:زين الف مرا عدتها الطفل مو ابني
ساره:و انته منين تعرف هاي البنيه
زين حجى كولشي الهن من الالف للياء
غزل:خويه لازم تتزوجها
ساره:شبيج تخبلتي و جوام و حالتها
جاسر:هالبنيه متستاهل كل الي ديصير الله يخليجن لتجيبن طاري الها
علي:عوف سوالف الحب لو تحبها متخونها
جاسر كام و هو يصيح بعصبية:لك انته شبيك هاي روحي من الدنيا البنيه الي اعشكها لك شلون تحجي هيج
ساره:هو قابل مجذب انته كل همك الصياح و العرك لحد هسه بس تصيح و تنطي اوامر انته لسه مرحت حاجيت جوان تعرف لو لا؟ اي حب هذا
جاسر:گلبي ينكسر عليها و اني مكدر اسوي شي و منا سالفه هاي ال...
غزل:تزوجها لهاي البنيه بس حاليا لبين منفتهم السالفه
زين:واني اكول هيج قبل لننفضح اتزوجها و من نعرف السالفه عود ساعتها نطلكها و هذا وعد مني
جاسر:انتو دتستوعبون انو جوان راح تموت للمرا الثانيه افضل اني اموت و لا هي
ساره:مرات لازم نتحمل نتيجه افعالنا
غزل التفت لورا
غزل بصدمه:ج جوان...
——————————————
اذا عجبتكم كتبولي حتى اكمل♥️🍓
أنت تقرأ
جوان_الشيخ_جاسر
Literatura Feminina🍯كـبار الـعـائـلـة و الـي هـم الـشـيـخ و الـشـيخـه يعني الجد و الجده "عــيــدان" و " نَــهــر" قصة منقولة للكاتبة mropanda
