جوان_الشيخ_جاسر

البارت الثالث عشر

جــوان الـشـيـخ جــاسـر

للكاتبة mropanda

الـبـارت الـثـالـث عـشـر♥️.

بلعت ريگي من الخوف ما اعرف ليش من شفته خفت حيل عين يمه و عين ع ايدي شلون ترعش و اني لازمه الصينيه و هو واگف بالباب ساند نفسه الها و مكتف ايديه لصدره و عاكد حواجبه جان لابس تراك اسود و مبين عضلاته و الصدر و شعره مرتب احسن مني بالله العظيم و العطر مالته ترس المطبخ يمكن يسبح بي عفيه شيشة عطر متخلص يمممماي يجنن لو ما حواجبه العاكدهن اربعه و عشرين ساعه
جوان : ه ههاي انته ههييناا
جاسر : لا بـباب الشارع
جوان : عع عبالي ررحتت لدوامكك،،،،...دخل للمطبخ جر الكرسي و كعد ع الميز اشرلي اكعد گباله وصلت يمه و رجل اتطك برجل من الخوف
جاسر : اي يابه خلي الاكل
جوان : اصبلك جاي،،،..قبل لا اكمل كلمتي جر كوبي و اخذه مني ردت اكوم اصب عاط بيه و هو صاك ع سنونه و عيونه مركزهن عليه و مخنزر
جاسر : وييييييين
جوان : ج ججاي!،،،...ابتسم ابتسامه ما اعرف شفسرهه بس هي تعبر عن الاستهزاء و متأكده
جاسر : اكعدي و سولفي من بداية المقتل يلا حبابه بنيتي،،،....اجذب اذا اكول ما خفت من حالته هاي خليت شعري ورا اذني و ابلل شفتي اريد الكلام يطلع انربط لساني عذااااب نفسي سيادة الضابط اعلن عذابي
جوان : هه هوو هههاايي يييععننيي
جاسر : رجعنه للمربع الاول ادري النطق شنو سالفتج ويا
جوان : مموو غغيرر اننتته تتخخوف
جاسر : لازم الج عصه لو سلاح
جوان : هههاايي النظرة و الابتسامه الصفح تزيد خوفي
جاسر : خوش يلا حبيبتي احجي
جوان : يعني يا تعذبني يا تحجي هيج هو اني من غير شي مثووله
جاسر : تحجين لو اخليج تحجين بطريقتي
جوان : بيوم الي تعاركنه كتلك صارت سالفه كلتلي شنو كتلك سالفه طويله بعدين احجيلك تتذكر؟
جاسر : اي،،،..حجيتله المقتل كله و لا حرف ناقص اخاف اجفص و انسى شي و بعدين يكلي تجذبين هو بقى صافن شويه بعدين كال اشعل شيب اهلج اذا ضميتي عليه شي بعد و معليج بسوالف العركات كتله بس اني معليه عاط بيه كال الج او لا متدخلين لو بحاجيه حتى لو شماته متدخلين باجر عگبة تطلع بيج،،،كمت لميت الاكل شربت بس چاي سد نفسي ع الاكل من الصبح هسه قابل شسويت اني هو كله ضحك طلعها زقوم نظفت المطبخ و رحت يمه بالهول جان گاعد بالهول الچبير و همَ ما عندهم تخم يعني ع الكعده العربيه بالگاع متربع و چكارته بأيده و الجهاز ايفون اخر موديل بالايد الثانيه و ساعه يضحك ساعه يسوي حركات بوجهه اجذب اذا اكول ما لزمني الفضول اكوم اشوف شكو اني جنت كاعده گباله يعني مو قريبه عليه و مسويه روحي ملتهيه بالجهاز الهي روحي ما اريد اصير فضوليه بس مدام توصل السالفه يمه لااااا عاد شيصير خلي يصير كمت عود دا اريد اطلع من الهول هو كاعد يم الباب طلعت و رجعت ختلت ورا الحايط مال الباب مديت راسي و ادحك گروب بالواتس اب مكتوب (ضباط عفطيه)رغم ما مفهمت شنو معنى عفطيه او شنو السالفه بس ارتاحيت همزين مو بنيه تداركت نفسي قبل ليحس عليه رحت جبت مي و اجيت كعدت بمكاني و لزمت الفون طلع بوجهي فيديو حسوني دازه الي رايح يم صديقه عنده صخل اسود و مبكع بأبيض و حسين لازمه من اذاناته و يكول جوان اشتاقيتلج هوايه يسوي روحه عود يبوس بي اني جنت دا اشرب مي و من شفت الفيديو غصييت بي و كحيت و الضحكه شاركه حلكي من الاذان للاذان من صدك ضحكني هو باوعلي و رفع حاجبه عود يكلي شكو اني بسرعه خفيت ضحكتي و سكتت و رزلت حسين بس متت ضحك و الله، ما احس الا جاسر فوك راسي و يباوع للجهاز
جوان : يمممه خوفتني
جاسر : انطيني جهازج دشوف
جوان : خير
جاسر : لتراددين و اسمعي الكلام،،..انطيته الجهاز بالنهايه قابل شعندي دخل ع كل البرامج ملكى شي كلي ع شنو جنتي فاكه حلكج كتله دحك رسالة حسين فتح الرساله و دحك الفيديو كال هاي انتو شقاكم هيج هزيت راسي بمعنى اي عاد هو اخذه الواهس صعد بالمحادثه لكاها كلها تقليد و ضحك يا اني اقلد ع خشمه يا هو يقلد ع اذاني و كفشتي لو يقلد عليه من جاسر يضربني و كله واحد يدز للثاني ملصقات تضحك دحك عليه كال و الله عليكم شقه كتله ليش كال زعاطيط و اني عبالي حسين جبير كتله لا هو هيج يعاملني حتى بالبيت كال لتطوخين ويا،انطاني الجهاز و كام كال راح اطلع اصدقائي راح يجون عليه كومي اقفلي الباب ورايه و متفتحين الباب لاي احد كتله تمام،،،كام طلع هو و اني قفلت الباب دحكت البيت كله يلمع لمع بس باقي الغدا و اني ما اعرف اطبخ هي كلها بيضه و طماطه و كوا ادبرهن عاد رحت نمت مدريت بالناس ماتت عدلت للـ١١ حسيت ع الجهاز يدك طلعت عمتي كمت غسلت وجهي و طلعت فتحت الهم الباب و لزمتني رزاله ليش متفتحين وليش و ليش عاد اني سكتت،،..دخلن للهول و فرشن الغراض ع طول الهول هن ستة نسوان و كل وحده بيدها خمس علاليك من هاي الجبيره و انتو قيسو شكد مشترين انترس الهول غراض لو اني ابو بسطيه الا افتح بيهن محل بالعلوه
اسيا : عمه لحكينه بماي فدوه
جوان : صار عمه،،،...رحت جبت الهن مي و هن فحطانات من التعب اشرتلي عمه اسيا اكعد بينها و بين عمه اسراء رحت خليت المي ع الميز و رجعت يمهن كعدت و هن يشوفني ششترن و غزوله حيل فرحانه طايره بملابسها و حتى ساره و مينا و شاهيناز العوبه هم و عماتي مشتريات الهن ملابس للحفله يعني مرتبات مال نسوان كبار و اني بس بقيت ادحك و اكولهن بالعافيه ادحك ع الملابس هذني لو اكول لجاسر البسهن الا يخليني ادشنهن و اني بالمبكرة هههفف حلوات و الله غزوله جانت دتشوفني ملابسها و عمتي اسيا جرت علاگة چبيرة و خلتها گبالي مجان جاي بالي اي فكره عن الي بداخلها دحكت لعمه اسيا و اني بعيوني علامه استفهام كلتلي لتدحكين هيج يمه افتحي و شوفي شبيها فتحتها و جان الكى دشداشتين شتويات اثنينهن نفس الفصال حلوات و الوانهن تفتح النفس و گلابيه مغربيه لونها كريمي و تطريزها نازززك يجنن و قماشها حلو حيل كتلها عمه شلج بيهن هوايه قابل معندي ملابس كالت بنات عمج كلهن اشترن هيج و حته اكثر و الگلابيه المغربيه اكشخي بيها وره حفلة الحنه مو راح يبقون المعازيم هنا فأنتي و بنات عمج حته هم ترتاحن باللبس و هم مستوره و حلوه و من شفت الكل اشتراهه فكرت هيج و تذكرتج و كلت شنو فرقهه عنهن دحكت الها و عيوني دمعن كتلها الله لا يحرمني منج عمه بس و الله ممحتاجتهن كالت هديه مني الج لان فكيتي حزنج،،بعدين جرت علاگة غير الي كدامي كلتلي فتحي شوفي شبيهه دحكت بعلاكه بيها فستان طويل لونه ياخذ العقل شوصف جماله ما اعرف و حذاء ويا و علبة مكياج بناتيه يمكن فرحت بذني اكثر من ملابس البيت صدمتني عمه بذوقها كمت عليها و حضنتها و تبوس و تبوس عبالك مشايفه عبالك محد مشتريلي ملابس قبل بس و الله فرحتني بيها،،هي كامت تضحك و تكولي خايبه قابل شجايبه دكومي مني،و اني حاضنتها بكل قوتي تذكرت امي من جانت تجيبلي و تدللني حيل انهضمت بس ما اريد اخرب فرحتهم ابد كمت عن عمه و اني عيوني بيهن دموع عبالهم فرح بس اني ردت امي بيناتهن اتخيل لو امي شافتني بالفستان هذا جان فرحت حيل و تكولي اسويلج حرمل من الحسد بس بعد هي مو هنا،،لمينا الغراض و من رحت ضميت علاكتي بغرفه غزل و عمه اسيا كلتلي اذا ابو راس يابس ما قبل ع لبسج تعاي الي كليلي كتلها لا عمه اصلا مراح اشوفه اخاف هي غمتني و كالت فاهيه متصيرلج جاره ضحكت ع حركتها و راحت،،،للـ١ و دخل الشيخ و الشيخه جانو بفاتحه ناس قرابتهم من بعيد همَ و عمامي و جايبين وياهم غدا جاهز يدرون بالنسوان جانن بالسوك صبينا الاكل و هم نفس شلعان الگلب شيل الماعون خلي الخضره جيب المرك خلي التمن اتغدينا و كملنا وراها چاي صبيت اني و غزل ودت الهم كاعدين احنا و كلهم يسولفون بسالفه العرس و شراح يجيبون اكل و عدد الكراسي بعد هوسة العرس شويه و اندكت الباب راح امير يفتح دخلو بيت اخو عمه وديان يعني خال جاسر و ساره جانوا جايين مرا چبيره الي عرفت هي مرت اخو عمه وديان و اخوها و بنيه وياهم يطلع عمرها ٢٦ او ٢٧ سنه اول مرا بحياتي اشوفهم و اعرفهم و هاي البنيه من وجهها مو راحه من اول ما كعدت سألت ع جاسر مهتميت گلت يجوز لان بنت خاله قدمت ساره الجاي و جتي كعدت يمي و يم غزل احنا جنا عازلين نفسنا عن الكاعدين
جوان : شو هنا كعدتي خيه مو بت خالج جايتج
ساره : و خل خاله تخلخل عظامهه هل حيه هاي
غزل : يا يا ولج ليش شبيهه
جوان : جنهه سحليه
ساره : سحليه؟ الا حيه كل شويه بجلد
جوان : شكو
ساره : ميصير اكلج انتي بالذات
جوان : و الكعبه ارفسج هسه كدامهم احجي شكو
غزل : ولج مو طيحتي حظنه دحجي
ساره : انطوني اكل
غزل : سم اكو
جوان : احجي يلاا
ساره : جانوا هي و جاسر ع علاقه،،اني هنا مي بارد ثلج و وگع ع راسي اريد اجر نفس ماكو احس نار شبت بجسمي لا يلكعبه هذا الرجال ممخلي بنات العراق مصفيهن ع ايده شلون ورطه هاي موقف ما اتمنى لعدوي كاعده و تطلع الي گبالي حبيبة رجلي المستقبلي
ساره : ها ها وين صفنتييي هههيوو
جوان : هو بعد الي گلتي بقى بيه شي صاحي
غزل : هسه يا عوبه الا تحجين هنا شيصبرني و اعرف السالفه
جوان : ساره تحجين الي تعرفي لا و علي اكسر سنونج
ساره : و الله ما احجي الا نصعد فوك و نبقى وحدنه يلا
غزل : لا بربج هلكد خطره
جوان : اللهم طولج يا روح
ساره : اهدي خيه اهدي سالفه صارلها زمان مو يمج
جوان : شو دنجبي
ساره : ابشرج لعد راح يبقون اهنا ذني اليومين لان حضرت جانبهه نفسيتهه تعبانه من الامتحانات و امي كلتلهه تعاي عمه هنا يم سويرة تونسي ما اعرف منو كايل لامي سويرة حديقه حيوانات
غزل : لا بربج
جوان : يالله صبرك،،..صارت بـ٣ اجه جاسر الظاهر متغدي ببيت صديقه لان طلع بالتراك سلم علينا و سلم ع بيت خاله و هاي سليمه المعدان الا تبوسه اصرت الا تسلم عليه لا اله الله مال ارتكب بيهم جريمه كعدوا يحجون و اني و البنات ع كعدتنا و بس عيونا تراقب و تتحرك ساكتات و اني وجهي انگلب ضجت حيل من هاي الوضعيه و هاي شهيدان ماخذه راحتهه ويا و كل ضحكه تطكها ويا تكول البيت كله ينرج من الصوت عبالك كح.. استغفر الله ربي صبرررك و انوب هو منطلق و يسولف هاي لو اني جان گلي كصري حسج لا ادفنج بمكانج الا سليمه شهد ميحجي وياهه همَ بقوا يحجون و هو حتى لو حجه حجايه تافهه هي تضحك و الله من كعدوا لهسه محجو حجي بي خير بس هي فاكه حلكها هيج،،، متحملت الوضعيه كمت اريد اطلع جان مرت خالهم تحجي
فيحاء : يا هاي منهي بله غزيله معروفه هي العروس الا هاي مني،،...هنا فيوزاتي جانن عدهن اخر ذره صبر ردت اطك بس هو سبقني
جاسر : عمه هاي مرتي
شهد : و الله مرتك؟؟؟؟؟
فيحاء : يا عمه شوكت تزوجت انته
جاسر : گريب عمه گريب هو بس لو الي ببالي يصير
فيحاء : هاااا الله يريحك عمه
شهد : الا شو ذوقك نازل صاير متعرف تختار قبل جنت تستنكيهن ستنكي شو هاي زعطوطه و ما الهه شوفه،،،...اني هنا طگيت و الله ردت اچفص ببطنها شفتها سمينه متروسه و وجهه جنه چوب تشبه عبدالكريم قاسم بشبابه بس هي بيضه
جوان : اي ما بيه لزمه گلت اني شكلي و جمالي كافي ممحتاجه اسمن حتى شكلي يبين للناس
شهد : يا يا هاي عليمن هذا الحجي تقصدين اني ما بيه شكل
امير : هو شنو مابيج شكل غير جنج احلام قبل التجميل،،..همَ سمعو امير كال هيج لو الكل فحط ضحك حتى جاسر و اني متت ضحك عليه هي ضاجت حيل كامت تنفخ بضوجه عاد امها كلتلي مدام واكفه صبيلنه چاي،، تنفست بنفاذ صبر و رحت اسوي زقنبوت الهه و ل امها اني شراح يصبرني هل يومين شويه و حسيت واحد حضني من خصري و راسه برگبتي عرفته جاسر يشتم بشعري و رگبتي و كل نفس ياخذه يكول عسى هذا اخر نفس الي بالحياة
جاسر : ليش هيج صاير حلو
جوان : بله حباب ابعد مني دينتظرون الجاي و خاف واحد يفوت زحمة يشوفك هينا
جاسر : تصير احله من تعصب تدري لو لا،،..يحجي و يشتم برگبتي و يبوس خاف اني شويه ثوله الا هسه زاد الثول عاد هو شاف كمت اخبط الشكر ويا الملح كام يضحك و طلع صبيت و رحت دا انطيهم الجاي صبيت للكل مو بس الهن بعدني مواصله الهن و هن كامن يحجن عليه يا فاهيه و يا بطيئة و يا ما اعرف شنو و عماتي يردنهن عاد اني وصلت يم شهد و سويت عبالك رجلي انلوت و وكعت الجاي عليها هي كبت عبالك ثور و تهفي لنفسها و اني وكعت بالكاع عبالك رجلي من صدك انلوت لان هي من طفرت داست عليها بثگلها بين اريد ابجي و بين فرحانه جاسر عاف الكل واجه يمي شالني و اخذني لغرفته و عتفهم يساعدوها لان الجاي حار هههااي تستاهل ام عطوب كال تحبه كال،،..وصلنا لغرفته فتح الباب و شمريني ع السرير عطت من رجلي اني عبالي جنت اجذب بس و الله وجعتني من صدك الجذبه متلوك الي اببببدد لازم اچفص بحظي
جوان : اخخ ليش هيج رجلللييي
جاسر : بله جذب ليش سويتي هيج
جوان : شسويت بله؟
جاسر : وكعتي الجاي عليهه و لتنكرين اذا مشت عليهم متمشي عليه دروبج اعرفهن
جوان : خفت عليهه لازم اي طبعاً حبيبة الگلب بعد و صارلك ساعه تتمضحك وياهه خربت سالفتكم روح يلا روح شوفهه خاف احتركت الخانم
جاسر : خرا بغيرتج ولج يا حبيبة يا بطيخ دكلج ليش سويتي هيج
جوان : و انته شعليك شدخلك
جاسر : ها خوش و من يجتمعن عليج يريدن يضربجن عود تعاي يمي توسلي
جوان : يا يوم جايتك ع هيج سالفه؟
جاسر : من م..
جوان : اي اي كل مره ديلا ذلني دلني
جاسر : شو صايره حلوه شو تعاي مشتاقلج،،..اجه يمي و كعد ع رجلي الي توجعني عطت كتله و الله توجعني هو مد ايده ع رجلي يتفحص المكان كال وين و اني ااشرله بين ما وصل للمكان عطت كتله هناا كال صاير بيهه رض هسه اجيبلج باندج،و صدك راح جابه و اجه خله دهن فكس مال الم و خله الباندج و اني ملتهيه ويا ما احس اله طبك شفته ع شفتي حاولت ابعده بس هو اقوى مني كام يتفنن بالبوسه اول شي رفضت بس بعدين تجاوبت ويا اخر شي دفعته و ضربته ع راسه
جوان : اول شي حرام و ثاني شي انكطع نفسسسي ابد محلوه
جاسر : ههههههههه يلا هانت مبقى شي و تصير حلال بعدين حلوه تصير
جوان : منتبه صاير عفطي؟،،.كعد حاجبه و عصب
جاسر : شنو هاي الكلمة جواااان شو صايره ادبسزز
جوان : ههه هوو هوو يعني يعني ششفتههه و ممعرف شننو هييي
جاسر : كلمة متعرفيهه لتحجيهه بعد كضبي لسانج لا ادفنج،،...طلع و هف الباب ورا زين اني هسه شحجيت قابل شكد ثوله يا الله،،كلت خلي اكوم اطلع كمت نزلت بس ع اطراف اصابيعي مدري ليش خايفه همَ كاعدين و الثور الهايج كاعده و مبدله ملابسها كعدت يمه عناد بيها
جاسر : شكو انوب
جوان : حتصير بـ ٤ شوكت نطلع
جاسر : مو دتشوفين خطار
جوان : لا اله الا الله كوم يلا اريد اشتري مخليتني اطلع ويا عمه يلا كوم،،..دار وجهه عني و عود يسولف و يضحك كمت اضوجه كل شويه انبت اصبعي بخاصرته و اكله كوم و هو يكرص ايدي و يبتعد شويه طلعت روحه اني جذب ما اويد اطلع الحمدلله اجتني ملابس من حيث لا احتسب بس هيج الا اخلي يطلع اليوم،،..كام يحجي ويايه و هو عينه عليهم و يضحك بس هو يحجي ويايه
جاسر : راح ادفنج هنا
جوان : كوم يلا
جاسر : و علي لو اكضج الله ميخلصج مني
جوان : دكوم و كضني يلا
جاسر : عينج گويه صايره،،...استهضمت و الله يعني شنو فوك ما وعدني انوب يريد يبقى كاعد و الله شنو فشله كمت من يمهم همَ اهل اني شعليه مو يعتبروني غريبه كمت صعدت بغرفه غزل و طبكت الباب حيل كمت افتر مثل المخبل بالغرفه و افرك برگبتي عصبت حيل ليش هيج يسوي عود يستفزني لان ضاج من حجيي يعني هاي لو باقيه عليه جان محصلت فستان و رحت بدشداشه عمه اسيا و الله هو مخبل يسويها بس عناد بي و حتى لو ما قبل الا البسها بسيطه ابو الحقوق عباله انسى سوالفه بسيطه،،...بعد منزلت للمغرب طلعت اريد اتوضى حتى اصلي شردت للحمام و رجعت ركض للغرفه صليت و كملت و لفلفت نفسي بالبطانيه حتى الجهاز قفلته سويت نفسي نايمه حسيت اجتي غزل تصيحني ع الغدا بقيت ع نومتي و ملت و نزلت لهناك حسيت انفتحت الباب كال كومي مو عليه سوالفج.. اني مرديت ابد رجع عاد ..يلا يلا كدامي مثل الكرته ..الحايط يرد و اني لا،،..تالي مل مني رفع الغطى عني و اجه دخل يمي بالفراش اني نزيت گبل
جوان : هاي شبيك
جاسر : انتي شبيج نزيتي رجال دينام بأمان الله ويه مرته اكو اعتراض
جوان : من شوكت مرتك بالله
جاسر : معليج انتي يلا رجعي انطمري مو نايمه
جوان : كوم منا حتى ارجع
جاسر : عاجبتني النومه هنا،،،..هو ديحجي و دخلت عمه اسيا عود دترضيني لان طفرت منهم
اسيا : هله هله اليوم جوانه لاعبه فلك بأبنه
جوان : عمه يا فلك هذا
جاسر : اي و الله يا فلك هي منطيتني شي حرام كاضيهه جفاف عمه ابن اخوج مجفجف ترضيهه
اسيا : يا سوده عليه مجفجف و جوانه بحضنك
جاسر : يا عمه افتهمي رحمه لوالديج طاگني جفاف مو طبيعي
جوان : شهيدان بره روح الهه و عوفني انام
اسيا : و اني اكول ابن اخويه حالته تعبانه اثاري الجفاف طاكه من كل صفحه
جاسر : عاشت ايدج عمه اني حاليا استقبل اي وحده طاكهه جفاف مثلي
جوان : اي و الله دسويهه و النبي ما اتعب نفسي هن كازات و شويه نار و انته وياهه كملو شغلكم بالمكبره
جاسر : هههههههههههههه مو يطلعوج ع برنامج خط احمر
جوان : خط احمر اخضر برتقالي اهم شي تموت
اسيا : عزا العزاج يعمه جا هيج تروحين وليدي
جوان : عمه ابقي ويايه احنه الربحانين و الله
جاسر : مو جبهه بالجيش احنه
جوان : اي و انته عسكري محروم
جاسر : مو اكوم اعلمج المحروم شيسوي
جوان : و شيسوي؟،،،...بعدني ممكملة هجم عليه يريد يبوسني بس عمه كامت تكح عود استحو شويه تالي هو استحه و كام طلع عمه كلتلي كومي اكلي شويه ميصير تبقين بلا اكل،،...للـ٩ بقيت اتگلب و البنات صعدن يمي سوالف ميخلصن و حسون لا خبر و لا اخبار عاد كلت لغزل تنزل ويايه انجيب اكل جعت و البيت كلهم نايمين ينامون من وكت و الله هي ما اعترضت دنطلع و سمعنا صوت من غرفه جاسر صوت بنيه فضولي صار يقرا الف جريت غزل و رحنا نتسمع من ورا الباب
شهد : شبيك تتهرب مني
جاسر : شهد اطلعي من الغرفه لا و محمد اخلي دمج بطولج
شهد : اي و خلي اهم شي منك بوسه منك مثل ايام زمان كافيه
جاسر : اني رجال متزوج و احب مرتي كفي حقدج و اطلعي منا يلاااا
شهد : هههه ضحكتني متزوج؟ من شوكت شو دتركض وره زعطوطه بگد زرك،،،...وراها صار سكوت بعدها سمعت جاسر يسب بيها سب مصاير و الي فهمته نازعه جزء من ملابسها كام يغلط ويفشر و عصب بعدين سمعناها تعيط و تبجي و هو يضرب بيها انفتحت الباب و اني و غزل مخلين اذاناتنا و طلعت و هي تشهك و دموعها مخلوطه و يا كحلتها و اثار الضرب واضحه ع جسمها و خدها و ملابسها الي نازعتهن بيدها الي تعجبت منه باقيه بس بالستيان شلون تجرأت هيج تنزع كدامه بين ما احنا صافنين ع منظرها صعدت عمه اسراء و شافت شهد بهذا المنظر اني و غزل من المنظر الي يخوف و يقزز بنفس الوقت شردنا بالغرفه حتى نسيت اغار ع جاسر من الصدمه بعدها گب العياط
———————————————————-
يتبع،،..