جوان_الشيخ_جاسر

البارت التاسع

جــوان الـشـيـخ جــاسـر

للكاتبة mropanda

حسين : دفوتي فوتي انطمري،...فتنا كل واحد لغرفتة الحجية شي كلش عادي تشوخر و غافية و جود من زمان نام زين هسه اني مجاييني نوم شسوي و حسين طردني اخ يا ربي شلون..، شفت جهازي اجتني افكار حتى الشيطان لو اجني على باله يطردهن انو معقولة تخطر على بالي احاجي جاسر و هسه و بعد الي صار و الله لو شيطان جان تعوذ من نفسه على هاي الفكره مهتميت للي راح يصير اهم شي اتحارش و اعوذ بالله ابد ما احبه و لا مشتاقتله و كبريائي مشتغل بس يعني ادزله اذا رد خير على خير و اذا لا گبل امسح الرسالة و كأنو شيئاً لم يكن هههفففف يلا بسم الله لزمت الفون و دخلت گبل ع الفايبر شفته متصل من دقيقتين يعني الجهاز بأيده يمممماي گلبي عبالك طبول حرب دزيتله
جوان : هلا..گاعد؟ ،،،..باوعت للساعه بـ٩ انتظرت ما رد صارت ٩ و عشره و هو ماكو و اني ادري بي لازم الفون هو لـ١٢ يلا ينام طكت مرارتي من الانتظار صارت ٩ و نص و ماكككو ولا مسج مو مال ارجع ادزله خاف يكول كاتله روحها عليه ههههاااي علساس هو مجذب بس انو كبريائي بعد رحت مسحت المسج تنفست براحه بس احس مختنكة منه ليش هيج يسوي اخ يگلبي شتتحمل بعد،،.شويه و اجتني مسج بكل لهفه فتحت الرسالة عبالي هو عبالي راح نحجي و الصدمه جانت غزل
غزل : هلا كبد
جوان : شكو
غزل : شبيج من ورا خشمج تحجين شو عصبيه
جوان : و انتي افتهمتي كل هذا بس لان كتلج شكو؟
غزل : اهوو مو صوجج غير دا اشوف شبيج
جوان : و انتي شمدريج صايرلي شي؟
غزل : كونان اليوم مشتغل براسج يلمحققه
جوان : بسرعه احجي سالفتج اريد انام باجر ورايه طلعه
غزل : وين؟
جوان : مدخلج
غزل : اكلج اني ما اكدر اجذب عليج هذا جاسر بصفي جان كاعد و يكلي هيج احجي و هيج كولي و هسه زين صاحه مدري شعندهم برا و اخذت الفرصه و كتلج راح اسمح الرسالة يبووو رجع لتبينين انو كتلج،،،..اذا هو هلكد مهتم بيه ليش محجه ويايه ليش ديبعدني عنه ههف
غزل : شنو مدخلني لازم شي مهم
جوان : مهم ما مهم معليج انتي يلا باي
غزل : اوكفي يابه،،...طلعت گبل من المحادثه و الدمعه بعيني ليش هيج يسوي ليش حارمني منه و الله الي سوا بيه مو قليل يريد اتحمل كلشي منه و بالمقابل هو الحجايه حاسبها عليه غزل بقت ترسل و اني الفون كدامي و ما افتح و لا مسج عصبت منهم كلهم شويه و دك الجهاز بدون ما اقرا الاسم فتحت كل الي ببالي غزل لانو عادتها هاي اذا محد يجاوب عليها گبل تتصل
جوان : كتلج لتلحين وين ما اروح ما الج شغل و كافي فدوه اريد انام
جاسر : اشو غصباً ع راسج تحجين وين راح تولين،...حبست نفسي من سمعت صوته عزا يربي مع انو هي مجرد ساعات ما شفته بس هيج احس گلبي راح يطك عليه احس الغرفه بعد متلمني اريد اصرخ و اطلع الي بگلبي و اكله مشتاقتلك موت اريدك احبك صدري راح ينزرف هلكد ما گلبي يدك سريع اريد اخذ نفس ماكو يجي يوم و رئاتي الاثنين يوكفن هلكد ما احبس انفاسي كدامه
جاسر : يولي الصفنه مو الج احجي وين تولين باجر
جوان : ها ها ه هو هو يع يعني هاي هاي شسمه
جاسر : هستوج دتتعلمين النطق لو شنو سالفتج اخذي نفس عدل و احجي مثل الاوادم،،،.سحبت نفس و هدأت نفسي و رجعت اريد احجي
جوان : باجر موعد الدكتورة علمود الجبيرة مال ايدي لازم تشوفها و اذا ما بيها شي راح تفتحها
جاسر : منو ياخذج؟
جوان : انته ما همك بس هاي
جاسر : لعد انتي تهميني يعني؟
جوان : ما اعرف اهمك؟
جاسر : سؤال بسؤال لتجاوبين و احجي يلا يا مصخم راح ياخذج
جوان : حسيـ،...
جاسر : اني اخذج يلا نامي،،،..لحظه هذا سد الجهاز بوجهي لا لا من صدك سده بوجهي يارب صبرك و رضاك من صدك سده هههففف بقيت افكر بي او يمكن بينا باجر شلون راح ياخذني و اني مكايله لحسين و لا لجده زين شلون ياخذني اذا هو زعلان مني زين شلون اهووو راسي راح ينفجر من التفكير خربط احوالي هل جاسر هذا،...زين شسوي هسه دخلي اسوي مصيبه ثانيه قبل لا انام بلكي انسى الي صار رحت كعدت الحجيه من النوم و هي تشخر ندستها
جوان : حجيه حجيه،،...شو هاي گبل فزت و عيونها حمرة من النوم عبالك شافت ملك الموت
فيروز : يممممه عزرائيل جايني بركبتي ايتام عوفني عوفني يمه رحمه لوالديك
جوان : هههههههههه حجيه هاي اني جوان
فيروز : يمعزايه شتريدين مني بنص الليل
جوان : الحجي مشتاقلج و اجيت ابلغج سلامه
فيروز : وين حجيتي ويا ولج عنده فايرر هناك بالمكبره
جوان : ههههههههههههههه و الله عليج سوالف اي عنده فايبر مو فايرر و يكول اليوم شدولنا نت هناك و يعتذر لان مجان يحجي وياج ذيج الايام
فيروز : دشو وخري من يمي انتي الثانيه كوليله يجفيني خيره شره و يلا انطمري
جوان : عود انتي صدكتي عنده فايبر
فيروز : يمكن كلشي يصير
جوان : ههههههههه حجيه هسه هم حايرين بحسابهم يم الله تريدين يشدلج نت ويحجي وياج فيروز : و انه اشتم گفى ايدي غير انتي جايتني و تحجين شبيج كعدتيني هسه
جوان : ها اي جيتج اكلج لان نسيت خاله امينه جابتلي ملابس ياريت تحجين وياها ع الفلوس فشله منها،،،..شو سمعتني هيج و كامت ضربتني بعكازتها ع ظهري
فيروز : دمشي من يمي لا انعل ابوج لا ابو الخلفج امشي
جوان : ههههه مقبولة منك يا حلو المهم كوليلها لو اني اكولها
فيروز : لا اني اكلها و انطيها معليج بسوالف الكبار و يلا ديري گفاج و ولي من يمي،،،..باوعت عليها و كمت اضحك و شويه نمت و اني لسه افكر بي غفيت حسيت ع صوت الحجيه و هي تصلي الفجر و تقرا قران و حسين هم كعد هاي اول مرا اشوفه يكعد يصلي الصبح من يوم اجيت لليوم رجعت نمت لان النومه بعيني كعدت بـ٩ كلعاده جود افندي يطلع ويا الحجيه يكعدون بباب المطبخ و يتريكون ويا حسين مرحت شفتهم خلص حفظت الجدول رحت للحمام و غلست و فرشت سنوني و رتبت شعري خليت شال و طلعت بعد هاي تعليمات حسون وصلت للباب سمعت صوته اي صوته و الله هو شجابه هسه و شلون كاعد ويا حسين على نفس الصينيه و الله اكبر صدمه شفتها بحياتي  انوب هو و حسين يضحكون و لا كن البارحة تكاونوا و اثنينهم اكو كدمات ع وجوههم مدري اضحك مدري ابجي هاي شديصير
فيروز : حدري هنا يمه تعاي تريكي
حسين : ها صخيمه شو صافنه
جاسر : هي شغلتها بالحياة بس تصفن
جوان :  صباح الخير الكم هم و الله مو تعرف حياتي حيل هادئة ابد متخلي واحد يصفن بيها لهاي اني اتونس من اصفن مو من الصدمه يعني لهذا السبب
جاسر : لسانج
حسين : معليك هي تحب تغرد من الصبح
جوان : شو اليوم عليه مو اليه
حسين : بس اسكتي لتذكري و هي الامور تهدأ
جاسر : اني انسى حتى اتذكر كل ما اباوع ع وجهي اتذكر العركه تكول طگع مال متزوجين مو عركه،،..كلهم خربوا من الضحك بدون ميهتمون لجود يااا شجاهم شكد ميستحون
جوان : يا متستحون مو الطفل كدامكم
حسين : دكعدي يابه وراج دكتورة،،،....كعدت تريكت بس اني و لا حس خصوصاً و هو عينه عليه حيل تقيدت بي شكد جنت اتمنى اشوفه بس شكد من تصير بالحقيقه اتقيد جان كاعد مثل الاسد لابس دشداشه عربيه بيضه مناسبه جسمة لا عريضه و لا گصيفه و عضلاته بارزة زايدته جمال و اناقه و غتره كريمي و بيها شغل الوانه متناسقه ويا لون الغترة لافها ع راسه و نظرته حاده و من يضحك ضحكته تصير جانبيه خصوصاً من تكون مجرد تسليك بس هم حلوه و تجنن يمممماااي اروحله سبع فدوات احبهه احببببه يا ناس ،،...تقرب مني و اني سرحانه بالاكل
جاسر : اذا خلصتي لعب كومي يلا
جوان : ها اي كمت
فيروز : جود يبقى يمي و اذا ضاج يروح ويا حسين و خالتج تجي للبيت روحي يمه بلكي الله يخلصج من هاي مو اني من يمي طكت مرارتي
جوان : الله يخليج الي حجيه،،..باوعت لحسين،،..حسون جود امانتك فدوة لتخلي يروح حتى يم بيت خوالي
حسين : ليش
جوان : حسيسسيننن
حسين : اتشاقه بعيوني لتهتمين،،....رحت بدلت لبست العباية مالتي الي تشبه البشت من جوا لون قريب ع البنفسجي بس ابد مو بنفسجي لون هادئ و فاتح الفوك اسود و شريط علمود تتخصر ع الخصر و الردان عريض و بي من النهايه شغل مبين بي اللون البنفسجي الفاتح لبست ويا شال نفس اللون بس هم بي شغل و مو هوسه بالعكس مرتب و جريت عيني بالكحله و مسكارا و حمره دا اطلع اجه بوجهي جاسر
جاسر : هاي منو كلج وجهج كراسة رسم؟
جوان : عجبني اخلي
جاسر : اني معجبني
جوان : بس يعني احس هيج حلو
جاسر : لا محلو
جوان : بس هو حلو،،،...مسمع مني دفعني جوا بالغرفه و سد الباب و اتكىء عليها كال
جاسر : اليوم متطلعين
جوان : اهووو
جاسر : و وجعو هاي لو باقي ع نومتي هناك بالبيت جان هسه مفتحين مكو...هنا
جوان : كله مكياج ماكو داعي هل حجي الماصخ
جاسر : عيدي شكلتي بله مسمعت؟
جوان : هيجج مكلت شي،،..سحبت كلينكس و اريد امسح حمرتي هو بسرعه اجه يمي لزم ايدي بس بكل حنان گلبي اشتعل خرب يومه گلبي دومه ساحلني سحل تقرب مني لزم الـكلينكس و راد يمسح و هو مركز بشفتي و اني مركزه ع عيونه موقف يوكف الگلب بكل معنى الكلمة احساس يتضارب و احس نار براسي من الخجل انفاسه اختلطت ويا انفاسي و هو لسه يتقرب و اني ما الي نيه ابعده هل مرا تجرأت حيل تجرأت يمكن لما جنا بنفس البيت و دوم اشوفه ما اشتاقله و ما اتلهف عليه بس هسه لان بعيدين احس قربة جنه و بعده نار
جاسر : اذا اسوي شي بگلبي من زمان متضوجين!
جاوبته و اني عيني مغمضتها من الخجل: هو شنو؟
جاسر : استغفر الله،،،،...و جرني ببوسه غيرت كل كيان حياتي لعبت بقوانيني انهدمت كل حدودي ويا تجاوبت ويا و اني اعرف هذا الشي غلط بس احساسي و لهفتي اله غلبني هل مرا،،بقينا تقريباً ٥ دقايق بعدها ابتعد عني
جاسر : اي عفيه هسه احسن راح اللون مجان حلو
جوان : ه ها؟
جاسر : ابقي ابقي بهذا الغباء يلا امشي
جوان : بس اشوف نفسي لحظه،،،...باوعت بالمرايه الحمره ممسوحه باقي بس الكحلة و المسكارا و مع ذلك اكو لون اخخخ بوية خبلني هل رجال
جاسر : امشي فضيها وراي شغل
جوان : اي اي،،،...طلعنا سلمت عليهم و رجعت وصيت حسين ع جود ركبت ويا ردت اصعد لورا مقبل عيط عليه يكول شايفتني سايق الخلفج و تكعدين ورا عاد ادري بي مو هيج قصده يريدني اكعد يمه بس يلا مو مشكلة هو هذا الاريده طلعنا و الطريق طويل للمستشفى الراديو جان مشتغل ع الاخبار غيره طلع اغنيه مال تلاكينه و ردت بالروح اضمه
جوان : من شوكت تسمع اغاني جسور افندي
جاسر : شعليج
جوان : ها هيج صارت
جاسر : اي،،،...طلع جكارة و بقى يدخن كلعادة
جوان : امممم ليش مطلع هاي الاغنية لعد
جاسر : مو لسبب معين
جوان : ها،،،...اشرلي بعيونه بس بنوع من الاستهزاء بمعنى اي
جوان : انته دتستفزني هيج صح؟
جاسر : ما عندي شغله و عملة و كاعد اصفط ببالي شلون استفزج شبيج يابه زعطوط انتي
جوان : تمام ع راحتك،،،....بقينا بحالة صمت لخمس دقايق بعدها هو كسر الصمت
جاسر : ليش كلتي لحسين مياخذ جود لخوالج
جوان : بله انته يهمك
جاسر : الف مرا اكلج من اسألج انتي بس تجاوبين مو تسألين
جوان : هاهاهاي ضحكت زين اني اسألك ليش بستني قبل شويه؟،،،...سكت شويه و صفن ع الطريق بعدها رجع
جاسر : جاوبي ع سؤالي اول
جوان : مشاكل
جاسر : مشاكل شنو
جوان : بس هيج مو عدل صارن سؤالين الك و انته مجاوبتني ،،،،...باوعلي بنظرة جيت اطم روحي بشي مكان من الخوف خزرني خفت حيل
جوان : نسوان خوالي ميحبون امي من زمان و هن اصلا بيناتهن ممتصافيات مشفت مخلين بيناتهم سياج و اكو منهم كاعدين بعيد عن الكاع مالتهم بس حتى ميتعاركن و يتخبلن منا
جاسر : ليش اجيتي يمهم لعد
جوان : وين مجان اني عله ع گلوب الكل ع الاقل يم الحجيه و حسين مشتريه كرامتي و راحتي بعيد عن المشاكل
جاسر : بس انـ،،،..مخليته يكمل
جوان : صحيح بعيده عنك بس اني هم احترك جاسر ترا احبك انته متفتهم؟
جاسر : لعد ليش تسوين هيج
جوان : مراح تفتهمني ابد مو؟
جاسر : حاولي تكبرين عقلج و تفكرين مثلي
جوان : مدام اني مدا اكبر عقلي انته صغر عقلك ويايه
جاسر : يلا نزلي وصلنا،،،..نزلت دخلنا للعيادة و كومة مراجعين اكو و اكثرهم رياجيل هو مقبل ابقى واكفه ع طولي كال اكعدي هنا و هو وكف گبالي يعني مدا افهم دتمنعني اشوف العالم لو تمنعهم مني سكتت بس احجي يروح يكسرلي الثانية مو وكتها جوان اهدأي انتظرنا ١٠ دقايق و صاحوا اسمي دخلت الدكتورة مقبلت يفوت هي جانت صغيره بالعمر تقريباً نهاية العشرين بس سمينة و محجبه
جوان : دكتورة اطلب منج شي؟
الدكتورة : اكيد حبيبتي
جوان : فدوة و الله اخاف خلي يجي ويايه
الكتورة : منو؟
جوان : الي شفتي برا حبابه فدوه خلي يدخل و الله العظيم اذا باوع الج افكس عينه
الدكتورة : هسه انتي دطيبي ايدج و بعدين فكسي عينه،،،....باوعت الها و دموعي بس يريدن ينزلن شسالفه يربي اريده هنا و الله اخاف باوعتلي و رفعت حاجبها و ع شفتها ضحكه كأنو عرفت شكد اني محتاجته
الدكتورة : ما اخلي يدخل اذا متكولين شيصير منج ،،،...بله هاي اذا اكوللها ابن عمي و اني ويا مكضيها حبنجيات طبعا يعني حب ع الناشف بأستثناء بوسة اليوم اخخ يربي اسفه اسفه قسم بعظمتك مرا الجايه اركعه كفخه انته بس طيبلي ايدي يا ربي باوعت الها تنتظر مني جواب اذا اكولها هيج يجوز توديني لسيد تداركت الوضع و سحبت نفس بثقه
جوان : هذا رجلي
الدكتورة : هاا تمام راح اصيحله،،،...طلعت صاحته و اجه وراها اروح فدوة لهل طول يمممماااي احبه و الله
الدكتورة : و الله مريضتي كالت الا رجلي يفوت يلا تفحصيني،،...باوعلي بطرف عينه و هو يريد يبز من الضحك خرا بحححظظييي ليش هيج قسمتي ويا الدكتورات يا الله نص الدكاترة مال العراق يعرفون بقصتي من المستشفيات الي حضرته دخلني الها الى هنا و هم هاي كامت تدري بينا و هم بفضله اكيد
جاسر : اي دكتورة تعرفين اني وياها گلب ع گلب مو هيج مرتي؟ ،،،...باع هذا هو ميصدك واحد يشكي ع هيج موضوع تكول عنده حفلة لو واحد حجه ويا هيج انوب جتي هاي تحجي ويا
جوان : دكتوره استعجلي فدوه،،...بدت تفك الجبيرة و شي عادي اعتقد ايدي تكوم توجعني لان صارلي هواي ممحركتها لزمت ايده و اني اعصرها من الالم الي بيه طبعت اظافيري ع ايده و هو ابد محجه جان حيل خايف عليه و يمسح ع راسي تكول مربي جلب بس يلا لحظه رومانسيه عظيمة بتاريخنا كملت هي كالت ما بيها شي ان شاء الله و هاي راح اخلي الها هايه حتى بس تدير بالها ع ايدها و متعبها هوايه خلتلي مثل الباندج بس هو اسود و اسفنجي شويه و بي من جوا مثل عودان حديد للتقويه كالت اسبوع و انتو شيلوها عندج العافيه،،..طلعنا و اني فرحانه صح خلتلي هاي السوده بس احسن بهواي من ذيج الاسمنت
جاسر : عندج العافيه
جوان : الله يعافيك اخر الضربات ان شاء الله بعد عضلاتك ضمهن للارهابيين فدوه
جاسر : اكبر ارهابي انتي
جوان : اي رئيس عصابه اني سابقاً
جاسر : دمشي امشي ام العصابات،،،...وصلني لبيت
حسين و كال ما اكدر انزل عندي شغل راح و اني رحت للبيت لكيتهم كاعدين بالهول كلهم و حسين طالع خاله امينه سلمت عليه و تحمدتلي بالسلامه خطيه و راحت لبيتها بقينا اني و جود الحجيه
فيروز : ها يمه شلون صرتي
جوان : زينه الحمدلله اهم شي راح هذاك الاسمنت
فيروز : اي و الله الحمدلله على كل حال
جود : هثه ايدج احثن يعني؟
جوان : ههههه اي حبيبي احثن بهواي،،،...دخل  علينا حسين بسرعه راد يوكع و هو يركص و يغني
حسين : احزروا وين راح اخذكم اليوم؟،،،،..اني و جود گبل صحنا : وووووويييينننن؟،،،...ابتسم ابتسامه شريره عود يعني هو القائد و مسوي فضل علينا
حسين : انتو و الحجيه اخذكم للصيد
جوان : و اللللللههههه؟
حسين : ها ها و الله عيشو بجاهي
جوان : الله يخليك النا هههههههه
بدلت لجود و الحجيه اخذت عبايتها و طلعنا اني و جود لورا و الحجيه يم حسين بالصدر اجتني رساله
: انتيييييي وووووييييينننن!
———————————————————
يتبع،،.