The Paramount Code (The Odd Ones, Book 1)

001. Scientia Est Potentia

Hindi alam ni Jacob kung bakit hindi niya maialis ang tingin sa official seal ng Faircastle High School na nakasabit sa pader sa loob ng opisina ng head administrator. Gawa iyon sa tanso at kasinlaki ng isang bilugang wall clock. It has an image of the phoenix and the Latin phrase, "scientia est potentia" etched on it.

Nang maalis ni Jacob ang atensyon sa official seal, ibinaling niya naman ang tingin sa ina na nakaupo sa tabi niya. Kitang-kita niya ang determinasyon nito na kumbinsihin ang head administrator na payagan siyang mag-take ng entrance exam.

Napabuntong-hininga ang school administrator, na mukhang nasa mid-30s na nito, nang makita ang grades niya sa pinanggalingan niyang school. Sa probinsiya kasi siya nag-aral hanggang sa tumuntong siya ng Grade 11. Pero ngayong Grade 12 na siya ay inilipat na siya ng ina sa Maynila.

"Ms. Vergara, I'm afraid your son's grades in his former school did not reach the average rating needed for him to be allowed to take the entrance exam... Pasensya na talaga."

Pilit na pinigilan ni Jacob ang pagsilay ng ngiti sa mukha niya. Hindi niya naman kasi gustong mag-aral sa Faircastle High School, pero hindi niya talaga alam kung bakit tila kumbinsido ang nanay niyang si Julia na ipinanganak siya para mag-aral sa eskwelahan na iyon.

Pero kahit ganoon ay hindi niya magawang mainis sa desisyon na iyon ng ina. After all, Faircastle High School is known for its unique educational system and as a home for lots of gifted students and a set of successful alumni.

Matapos mamatay ang tatay niya bago pa siya ipanganak, tanging ang nanay at lola niya na lamang ang nagtulungan para palakihin siya. Silang dalawa ang itinuring niyang mga magulang, na hindi naman nagkulang sa pagmamahal at pag-aasikaso sa kanya.

Lumaki siya sa probinsiya kung saan siya pinalaki ng lola niya, habang ang nanay niya naman ay nagtatrabaho sa Maynila at nagpapadala ng pera upang meron silang pantustos. Ganoon ang naging sistema ng buhay ni Jacob, pero nagbago ang lahat ilang buwan pa lamang ang nakakaraan dahil sa pamamayapa ng kanyang lola dahil sa kumplikasyon dulot ng pneumonia.

Now that she is gone, no one is available to take care of him, so his mother decided to take him with her to the city and enrol him at Faircastle High School. Ilang bloke lamang ang layo nito sa bangko kung saan nagtatrabaho ang nanay niya kaya kahit pa kailangan niyang manatili sa school dormitory, malapit pa rin si Jacob sa inang si Julia.

Habang pinagmamasdan ni Jacob ang ina, napagtanto niyang hindi ito basta susuko sa harap ng head administrator. Kahit hindi niya ito nakakasama palagi, alam niya ang ugali nito, His mother is not going to take a 'no' for an answer. Ang pagiging matigas ang ulo at determinado ang ilan sa mga ugali na namana niya sa nanay niya, ayon na rin sa namayapa niyang lola.

Dahil sa ipinapakitang pagtanggi ng head administrator, napansin ni Jacob na nagbago na ang ekspresyon sa mukha ng nanay niya. He knew what is coming, so he swallowed loudly, and tried to hide his embarrassment as his mother started blabbering nonsense while trying her best to convince the stern-looking head administrator.

"0.5 points lang yun, Miss Mariano..." saad ng nanay niya na halatang umaarte, "Ma'am, gusto kong ibigay ang lahat sa anak ko... At alam kong ang eskwelahan niyo lang ang makapagbibigay sa kanya ng kalidad na edukasyon. I can assure you that he's a bright child. Mabilis po siyang matuto, at magaling sumunod sa instructions. Pwede niyo pong tanungin 'yung mga dati niyang teachers for reference –"

"Ms. Vergara, we have a very strict ruling here at Faircastle. We cannot –"

"Kung hindi man umabot sa required grade ang average ng anak ko, hindi ibig sabihin nun na hindi niya kayang ipasa ang entrance examination ninyo." Matalim ang titig na ibinibigay ng ina ni Jacob sa babaeng kaharap, at may kakaibang tunog ng pagbabanta sa paraan ng pagsasalita nito.