قصة
#العروس
ج الاخير
مرت فتره طويله والهدوء سيد المواقف ..بعد محد يكولي على خطوبه ولا زواج ...
حسيت براحه نفسيه وبطلت ادور على بنت الحلال ..
جنت دائما افكر ... حظي الفگر ..لو البنات تغيرن ؟!!
الناس تروح تخطب اول وحده تصير واتم بالخير ..زين ليش اني هيج ..؟
الشي الوحيد اللي جان يقهرني هي امي .. اشوفها تعبانه او وحيده ..صح عدهه صديقات وتطلع وتجي ..بس هم عمرها ديكبر وباجر عكبه تحتاج احد وياهه بالبيت ..
بس شسوي ..شي مو بيدي ..والزواج موسهل ...خاصة من صار النت والفيس ...واشوف شغلات توگف العقل ..الثقه موسهله بهالوقت..
فد يوم ..اني بالدوام خابرتني امي مخبوصه وتبجي
- شكو يمه شبيج ؟
- خالك يمه ..بالمستشفى
اني ركضت اخذت اجازه ورحت على امي للبيت واخذتها ورحنا للمستشفى
وصلنا لگيناهم كلهم هناك ..
شنو ..شبي ؟
صايره عنده اغماء مال سكري ومدخلي انعاش لان كلش متاذي ..
بقينه ننتظر ...
وامي وخالاتي ناصبات المناحه ..
ناقصهن ملايه وتكمل السبحه..
شويه وطلع الطبيب ... كال الحمد لله هسه احسن ...
حولوه الغير غرفه ..والطبيب طلب يبقى بالمستشفى الثاني يوم حتى يسووله تحاليل وسونار ..الظاهر السكر مأذي جسمه..
دخلنه شفناه ... جان تعبان ..
بس شلون تفهم فرقة حسبو اسكتو الرجال مريض ودايخ ..هاي صعبه...
مسجل ومفتوح لاينتهي ولايعطل ..
بيومها رادو احد يبات يمه بالمستشفى ...لان ابنه واحد مسافر والثاني فلاونزه قويه ونايم بالفراش .
گتلهم اني ابقى ..وامي راحت باتت يم خالتي
صح المستشفى تخنگ بس هذا واجب وخالي كلش احبه ..
الممرضات والاطباء ماقصرن ..
بالليل تخربط شويه ..
رحت ادور على طبيب او ممرض ..طلعت افتر لكيت غرفه مال اطباء ..دگيت الباب ...
فتحتها بنيه طبيبه الله يستر عليها كلش حلوه وصوتها هاديء
كتلها خالي متخربط ...
جتي ويايه ..فحصته كالت مابي شي سكره كام ينزل انطي عصير او اي شي ياكله ..
تشكرت منها ..
وتمنيت كون متروح ..
وكون خالي يتخربط فد خمس مرات
وكلساع اروح ادگ الباب وتطلعلي..
من سرحت افكر بيها ..فزيت وضحكت ع نفسي ..هاي شنو ..هاي وين رحت اني ؟
وكل شويه اسال خالي
(ها خالو خاف تخربطت ...تحس بشي )
يكولي لا بابا ماكو شي ..
شويه وخالي نام ..كلت خلي اكوم اتمشى بالممر تعبت من الكعده..
طلعت اتمشى وصلت الغرفه وراسا طلعت نفس الطبيبه من هاي الغرفه وصرنا وجه بوجه
احس گلبي تحرك راسا من شفتها..
هي بس شافتني سالتني على خالي ... كتلهه هسه احسن الحمد لله
ياالله شنو هالرقه والنزاكه والادب والحشمه والجمال ..
نيال التصيرين اله دكتوره
هي راحت ...
واني عيني عليها تتبعها بكل خطوه...
وبقيت اتمشى بالممر وهي تدخل بكل غرفه شويه ...وتطلع
وكل ماتطلع اباوع عليها باعجاب ..فعلا انعجبت بيها ..كلش حلوه وحبابه مبينه..
بس شنو الفائده ...حتى لو عجبتني وفكرت اتزوجها مستحيل راح تقبل ..اكثر الطبيبات يدورون اطباء مثلهم ...
وعلى العموم ..الله يستر عليها
رجعت للغرفه يم خالي ..
الغرفه بيها اربع مرضى ..وياهم مرافقين طبعا
وبقينه نسولف ..
شويه ودخلت الدكتوره ..
واحد من المرضى تلگاها ..هلا بدكتوره ورود ..وحسيت الفرحه بعيونه ..
هو كام يحجي ويانه ..كال هاي مو دكتوره وبس هاي الله مخلي بيدهه الخير والبركه هاي ملاك وحوريه ..
وظل يمدح بيها وهي تضحك وضحكتها تخبل ..
وافترت عالمرضى وسولفت وياهم وفحصتهم ...اباوعها عبالك حمامه ناعمه وحلوه ..
وصلت يمنه ..وهم سالته الخالي وفحصته وسالتني عليه.
الله كلش ارتاحيت اول مره بحياتي تعجبني بنيه الهالدرجه ...
بقينه بالمستشفى الثاني يوم ..
وكمل خالي فحوصاته ..
بس ظليت ادور على دكتوره ورود ومالكيتهه ..
استحيت اسال عليها لان ماعندي سبب..
واخذنا خالي وطلعنه من المستشفى ... وماشفت ورود بعد وراهه
عبالكم تزوجتها مو ؟ هههههه
لا ماتزوجت ورود ...تدرون بعدين وين صارت قسمتي؟
تتذكرون البنات اللي شفتهن يم ابو الكباب ؟! المخطوبه منهن طلعت مكامله خطوبتهه ... وسمعنا من جيرانه ام رائد انه ماتمت الخطوبه ...
احنا ماصدگنه الخبر ورحنالهم ..
وخطبت ساره وصارت من نصيبي ...بنيه حبابه وبنت اوادم ...
وخلال شهرين كملنا اجراءات الزواج ...ولگيت العروس
جانت فرحتي جبيره بزواجي لان اختاريت البنيه اللي تستاهل اامنها على بيتي وحياتي واطفالي ...
وعرفت ان الزواج قسمه اولا واختيار ثانيا..
لازم الواحد ميستعجل بموضوع الزواج حتى لايتندم بعدين ...لان الاختيار مهم..
اني هسه صارلي اربع سنين من تزوجت وعندي ولد وبنيه ومرتاح الحمد لله
هسه اعرفكم بنفسي
اسمي امير ...هسه صار عمري 31 سنه .. مكمل كلية علوم قسم بايو ..وتره اني يكولون عليه وسيم ..
وهاي قصتي وقصة العروس
اتمنى عجبتكم
هاااا شنو رايكم بالقصه ان شاءالله عجبتكم ؟
ان شاءالله التقي بيكم بقصه جديده
شيرين الصفار
