عقارب تقتل بصمت ((لن أتخلى أبداً ))

البارت الثالث

السلام عليكم

عقارب تقتل بصمت ((لن أتخلى أبداً ))

بقلمي (سقين الشمري)

لا يسمح او يحلل نشر القصه بدون ذكر اسمي

......................

صديقاتي ضلن يسألن شكو وشكو كتلهن ماكو شي واستأذنت وكمت افتر وحدي وحايره شنو راح اكول لأبويه

صح هو جاوز بس هو ابن عمي وأكبر مني شلون هيج غلطت عليه هسه شراح يكول عليه

اوي ديله وهسه مينه عليه اني وشكد مهتمة بس هو اني شكولاته ما شايفتها ويطبة مرض ليش يجاوز اني عندي كلشي ولا ينسب ابويه

خلص الدوام وصار لازم ارجع للبيت شراح يسوي بيه اليوم ابويه والشي الأكبر منة وخايفه من عنده لا يروح يبطلني من الكليه والله ما عنده مانع

اجه الخط ورجعت للبيت اول ما طبيت من المطبخ سئلت امي بصوت ناصي على ابويه وين كالت دينتضرج بالصاله روحيله

بلعت ريكي وسميت بسم الله وطبيت اول ما دخلت باوعت عليه راسا خزرني سلمت ما رد انداريت كلت خلي ابدل ملابسي واجي

عاط بيه كال وين رايحة كتله أبدل ملابسي واجي كال دتعاي يمي وكوليلي شنو معنى تصرفج مال اليوم الي سويتي وية ابن عمج

سكتت ودنكت راسي ما حجيت شي

عاط بية كال اني مو احجي وياج احجي الي شنو هالاستهتار من شوكت تعلمتي تجاوزين هيج لو هاي الكليه طلعت عينج

اني تالي عمري يخابرني ابن اخوية ويكلي مع الأسف عليك عمي ما عرفت تربي بتك عدل شتريدين اسوي بيج هسة بس كوليلي

شلون تكولين اله اجفص نجماتك بحذائي صغير هو وتجاوزين عليه ما خلفله عالولد جاي يشوف شكولج ويوصي عليج بالكليه طايحة الحظ

ألدمعه صارت بطارف عيني كلش انقهرت هو اني من غير شي اكرهم كلهم وهسه اكلت طن رزالة من ورة هذا الحقير واني حتى شكولة ما شايفتها

كرهتهم كلهم بالزايد وقاطات بعد اخر عيطة عاطها بية ابويه وكعت دمعتي وتالي حجيت وكتلة

ينجب وياكل تبن يحجي عليك وعلى تربيتي والله اشوفه شي ميعجبة ولتكول ابن عمج انته ادري اني ليش هيج كتلة لو لا

كلك بالله لو لا لو بس فالح راسا دك عليك وكلك بتك ما مربايه وغلطت عليه ما كلك اول ما فتحت الخط بوجها كتلها بت الكلب وغلط عليك

وانته تدريني اتخبل ولا واحد يجاوز عليك و فوكاها ابن اخوك مو كدامك مرة خالي غلط عليك

تعاركت ويا وضليت سنه كاملة ما اطب لبيت جدي من ورة خالي لان غلط عليك مو لو مو مو

مو عاد هسه جايني هذا يغلط عليك وفوكاها يكولك ما عرفت تربي مو خلي اشوفه اذا تفلت بنص وجهه وعلمتة التربيه شلون فلا يطلع اسمي نور