عقارب تقتل بصمت ((لن أتخلى أبداً ))

البارت الحادي عشر

السلام عليكم

عقارب تقتل بصمت ((لن أتخلى أبداً))

بقلمي ( سقين الشمري )

لا يسمح او يحلل نشر القصة بدون ذكر اسمي

.............

كاعده وافكر وما اشوف كدامي غير أستاذ من الأساتذة الي بالكلية بس ميدرسني يعني ميدخل النة محاضرة

كلي اكدر اكعد يمج ضليت صافنة بوجهه وما جاوبتة لان عيب فشلة شيكولون الطلاب يعني

رد كال اني بكد ابوج لتخافين والكلية تعرفني اني شنو يعني ما تجيج الحجاية ابد

كتلة لا أستاذ مو هذا قصدي اسفة كلت بكلبي عزة فشلة والله ضحك كال هسه نكعد لو لا

كتلة ااااتفضل أستاذ بس كلت بكلبي خير شيريد ؟؟؟

حجة وكال الي اكثر من ساعة اشوفج كاعدة هنا وحدج ومبين بيج شي واكو شي شاغل بالج

حجيت بكلبي وكلت عزة هذا شمدري

الأستاذ : معرفتينة عليج

نور : اسمي نور

الأستاذ : تشرفنا واني اسمي ابراهيم

نور : عاشت الاسامي تشرفنا أستاذ

أستاذ إبراهيم : الي الشرف

عادي تحجين لو لا اشوفج مهمومة قبل كلشي ترة من اجيت مو قصة فضول ولا شي ثاني بس اني ماخذ شهادة بعلم النفس هم

نور : ها حلو

أستاذ إبراهيم : اَي تحبين تحجين شوي علمود لتضلين تكبتين بداخلج وهم اذا الله قدرني انطيج نصيحة زينة

نور: والله أستاذ ما ادري شنو اكولك بس هو اكو مشكلة انوب ضليت مترددة احجي الة لو لا بس مبين رجال ادمي من شيباتة والوقار البي

أستاذ إبراهيم : انتي هسه ما اشوفج شخص وصادفتة او طالبة واحجي وياها او نكول مريض انتي هسه بنتي تحجيلي واسمعها اني

نور: تسلم أستاذ انشالله نفس ابوية الله يحفضك

أستاذ إبراهيم : اَي هسه احجي

نور: حجيت السالفة والمشكلة كلها للأستاذ احجي واباوع عليه يتمعن بالسالفة ويدقق من كملتها يلة حجة ونطاني رأية

أستاذ إبراهيم : شوفي اول شي الغلط منج انتي لان انتي متسرعة بقراراتج مبينة وثاني شي بهاي الحالة لعد انتي ما عندج ثقة بي( يقصد علي )

وترة الثقة أساس العلاقة والحب وحتى الزواج والارتباط عامة الغلط منج ومن دام انتي حجيتيها بنفسج وتعرفين بت عمتج مو زينة شلون تصدكين بيها

وبعدين الي حجيتي كلة يدل على حبة الج والولد شاريج لو مو يريدج صدك جان ما سوة هذا الشي بيوم العقد مالتج على شخص غيرة