عقارب تقتل بصمت ((لن أتخلى أبداً ))

البارت التاسع

السلام عليكم

عقارب تقتل بصمت ((لن أتخلى أبداً))

بقلمي (سقين الشمري)

لا يسمح او يحلل نشر القصة بدون ذكر اسمي

............

نور : اجى علي وامة وما ادري شصار بية من سمعت اجوي همة كعدو بالاستقبال واهلي كعدو يمهم

واني ضليت اكل بأصابعي شيسوي جاي شيريد معقولة جاي يكول لابوية جانت على علاقة وياي يمة غير ابوية يذبحني

كمت انهزمت للغرفة وردت طبت علياء كالت ثولة امشي نسمع شيريدون جايين كتلها اخاف والله حتى حيل ما عندي

تالي نزلنة ورحنة نتصنت شوي وما سمعنة غير بس العياط صار لزمت كلبي وحجيت بخوف

وكلت لعلياء شكو شصار هية مستمرة تصنت عالباب اني ما بية بعد حتى حيل اوكف تالي رحت كعدت بالمطبخ

شوي وطلع علي وامة وطب ابوية وخواني يدردمون ويحجون باوعو علية وكعدو بالصالة اني من باوعو علية خرطت العافية

علياء كالت شكو خير يا ستار شنو هالصياح ؟

جاوبوها بالخبر الصاعقة انو علي مموافق عالخطوبة وهو يريد نور يكول محجوزة الي اني اريدها واني اخذها

تعذرو من عماد وكلولة ماكو قسمة ونصيب وابن عمهة الجبير يريدها واحنة نسينة نكول

واحنه نكولة ميصير احنة نطينة كلمة يكوللنه شسويلكم اني اريدها ترة والله انهي عليها  اكولة هو هم ابن عمها يكولي اني الجبيراولة منة وابن عمة الجبير

ابوية كال مقبلت وحجيت علية كتلة وين جنت لعد هسه يلة جاي يكعد يهدد اذا متنطونياها لتشوفون شراح اسوي

اني انصدمت صدمة جبيرة بالسمعتة اني حسبالي جاي يفضحني تالي طلع جاي يخطبني

امي كالت لابوية وهسه شراح تسوي لعد رد ابوية كللها خلي يولي يطبة مرض شيريد يسوي خلي يسوي

البنية نطيتها لغيرة مو من حقة يحجي بعد واذا راد يسوي شي اني عمة اكبر منة وبمثابة ابو شيريد يسوي

ضلو يتناقشون عالموضوع واني رحت بغير عالم تفكيري بوكتها ملخبط عقلي احسة صار كل جزء بمكان من كد التفكير

شوي وتسحبت للغرفة واصلا ابوية ما فتح وياي موضوع من يمة يقرر ويحجي نمت على فراشي واسمع تلفوني جوة المخدة يهتز

رفعتة والكي علي دك مكالمات ورسائل رد دك ما جاوبتة فصل الخط وقريت الرسائل كلها تهديد وتوعد الي

لان قبلت بعماد وعفتة ولان مصدكة بكلام مروة وكذا وكذا

من قريت الرسايل حتى كلبي وجعني من كد الخوف والله حرت شسوي بس ما أوافق علية