عقارب تقتل بصمت ((لن أتخلى أبداً ))

البارت الثامن عشر

السلام عليكم

عقارب تقتل بصمت (( لن أتخلى أبداً ))

بقلمي ( سقين الشمري )

لا يسمح او يحلل نشر القصة بدون ذكر اسمي

.............

ضليت ساكتة محجيت وزهراء نامت بحضني بس كل شوي تفز على صوت عياطة محجيت اتجاهلتة

ضرب بايدة عالستيرن وكال مو احجي وياج تالي من صدك متحملت وعطت بي

وكتلة بعصبية جاي تعيط وتحجي علية اسال روحك شوف نفسك شلون استخفيت وية صديقاتي شو لعد ما حجيت لو انتة حلال واني حرام

علي : هههههه غيرانة علية وضجتي لان حجيت وضحكت وية صديقاتج

نور : مو مرة الي متغار على زوجها

علي : اَي وشتريدني اصير بلا احساس

نور: مو تصير بلا احساس بس انتة غيرتك مفضوحة غيرتك ما تنوصف

علي : بعصبية لا اشد كرون احسن الي مو ست الحسن

نور: لو ما جاية للحفلة هواي احسن اوووووووف يعني اني هذا اليوم منتضرتة وفرحت من اجة تالي طلعتة من خشمي

كمت احجي واعيط وأصيح تالي من شافني هيج وزهراء فزت تبجي وعمتي تحجي علينة وتكول اسكتو تالي سكت

وصلنة للبيت وبدلت لزهراء ونومتها بفراشها وبدلت ونزلت اسوي عشة ومحجيت ويا

بليل هو طلع واني صعدت نمت من وكت هم نعسانة وهم زعلانة وهم ما اريد احجي ويا وادري بي اذا اجى ميعوفني

وراها ثاني يوم راضاني واعتذر اتعلمت علية وعلى غيرتة الي متنطاق وتبزع وتكره اكبر واحد بروحة

خلصت الكلية ونجحت وكعدت بالبيت صار عندي ملل لان طلعة ماكو وكلية ماكو وعلي رجع فتح وياي موضوع الطفل

وكال انتي كلتي بس اخلص كلية وهسه خلصتي وفعلا اني ضجت وخليت الفكرة بالي بس كلت خاف تطلع التعيينات

تالي اخر شي قررت اسوي طفل وفعلا صرت حامل بس صار شي خفت منة ومجنت متوقعتة

علي بدى يتغير شوي شوي صار عصبي ويحب يتعارك وبس يخلق مشاكل واني بطبعي كلش اتأثر وانقهر

يوم من الايام جنت تعبانة ودارضع زوزة ممة واجى هو يصيح نور نور كتلة اَي جاية

رحت علية كلي حضري الي البدلات اكويهن باجر عندي واجب كتلة كلهن مكويات وجاهزات

صعد شافهن وكلب بيهن وطلع صاير يدور حجة على كلشي يريد بس يسوي مشكلة

ثاني يوم اخذ البدلات يريد يخليهم بالسيارة لبس وحدة منهم كال شنو هذا الكوي بدى يغلط ويسب اشكال وأنواع