عقارب تقتل بصمت ((لن أتخلى أبداً ))

البارت الخامس والعشرون

السلام عليكم

عقارب تقتل بصمت ((لن اتخلى أبداً))

بقلمي (سقين الشمري)

لا يسمح او يحلل نشر القصة بدون ذكر اسمي

.........................

نور : مرت الايام وعلي ميقبل يطلكني مشت فترة واجتي ازل للدوام تشوفني ورادت رقمي علمود احجي وياها

تكول انواب اريد نصايحج بشي لو احتاجج بشي وما عندي رقمج كتلها انتي عندج موبايل

ازل: لا ما عندي

نور: لعد شلون تخابريني وتحجين وياي

أزل: على تلفون بابا

نور : لا ما اكدر انطيج رقمي لعد اذا تخابريني من ابوج

ازل: لعد شلون

نور: بيبيتج عدها تلفون

أزل: اي عدها

نور: لعد انطيج رقمي بس تخابريني من رقم بيبي مو من رقم بابا لان عيب واستحي وهم ما اكدر انطي رقمي لرجال

ازل : تمام لعد انطيني رقمج وادك عليج من موبايل بيبي

نور: نطيتها رقمي وصارت من تريد شي تحتاج شي تخابرني صارت مثل بتي ووضعها تحسن كلش حتى ابوها من يجي للدوام يكولي

ويكعد يسولف ويكول هواي متغيرة ازل لو ادري من زمان جان جبتها الج وكعدتج حجيتي وياها

حجة الي كل الي دسوي ازل ومن خلال حجية عرفت مطبقة كلشي كتلها علية ويوم من الايام اجة حيدر وكال

باجر عيد ميلاد ازل وحسويلها حفلة وتريدج تجين وكلتلي راح اخابرها واعزمها واني كلت اكلج قبل لا تخابرج وتبلغج

نور: العمر كلة يا رب ويوم الي تشوفها عروس أنشالله بس اعذرني ما أكدر اجي لان اهلي ميقبلون واني اصلا بعدني  مزوجة شلون اطلع هيج ووحدي

حتى لو داطلك بس ما اكدر اعذرني اهلي ميقبلون ومن النوع الي كلش متشددين اعذرني ما اكدر اجي

حيدر : ادري واعرف وضعج وعاذرج اني ليش اجيت وكتلج قبل لا تخابرج ازل وتكولج بس والله تدرين لو تجين شكد تفرح هية واني هم افرح

نور: راسا باوعت علية من كال هيج وهو انتبه على روحة هم وكال قصدي افرح على فرحة أزل لان

ما صدكت طلعت من حالتها وتحسن وضعها وصارت تضحك وتسولف وتاكل فهذا قصدي جان لا اكثر

نور : اي حقك بس والله لو أكدراجي جان اجيت وعلى راسي عزيمتك أنتة وياها بس شسوي ما اكدر بعد اعذروني

وخابرتني أزل وكلتلي عالعزيمة واعتذرت منها وفهمتها الوضع وما أكدر احضر عيد ميلادها تفهمت وضعي وكالت بس لو تجين والله كلش افرح