السلام عليكم
عقارب تقتل بصمت ((لن أتخلى أبداً))
بقلمي (سقين الشمري)
لا يسمح او يحلل نشر القصه بدون ذكر اسمي
..................
وبيوم كاعده بالحديقه مال الكليه واباوع كدامي
علي ابن عمي عباس ضليت صافنه بوجهة وما عرفت شنو اسوي ولا احجي
وهو واكف يباوع عليه اخر شي ضحك وكال عاد احجي سلمي كولي هلا اَي شي شبيج صافنه بس لا ضجتي لان اجيت
كمت وكفت وكتلة أسفه جنت شاردة اتفضل ابتسم وكال صباح الخير جاوبته صباح النور
علي : شلونج
نور : الحمدلله بخير تسلم
علي :خلي نكعد
نور : ما ادري بس خاف الطلاب يحجون لان ميعفرفونك هسه عبالهم عندي شي
علي : اكص لسانه الي يحجي عليج حجايه وحدة
نور: بعدنا بسم الله
علي : ههههه
نور : امشي نتمشى ونحجي ولو هسه اشكال حيحجون عليه
علي : مو كتلج اموتة الي يحجي عليج
كمنة نتمشى وحجة كال اجيت اشوفج وأوصي عليج الأساتذة وهم اجيت !!
نور : وهم اجيت على شنو ؟
علي : اجيت اعتذر عن الي صار اني اسف
نور : ابتسمت وكتلة واني هم اعتذر عن الي حجيته واعتذر لان اجاوزت عليك أسفه
علي : اعتذارج مقبول وانتي هم سامحيني
نور : سامحتك بس والله اني مو هيج وما اغلط هيج غلط بس اني عندي اعز شي ابويه وهو نقطة ضعفي واتخبل اذا احد حجة عليه
تدري خالي مره غلط عليه اتعاركت ويا واني صغيره وضليت سنه ما اطب لبيت جدي زعلانه من ورة خالي
اتخبل عليه وأموت عليه عندي النفس اليصعد وينزل ابويه كلشي ولا احد يحجي عليه اموت
علي : مممم الله يخلي الج اني ابويه مات وما شبعت منه
نور: الله يرحمه
علي : ويرحم موتاج هو عمي معتز (اسم ابويه) دوم اكول لامي عليه احسن عمامي كلهم وحتى حنين اشوفة مثل ابويه ودوم اعزة واحترمة
نور : تسلم هو هم ابوك مو بس عمك وهو هم الله شاهد يحبك كومة ويعتبرك مثل خواني لو تشوف بيوم العركة خابرني واني بعدني بالكليه شسوة بيه
أنت تقرأ
عقارب تقتل بصمت ((لن أتخلى أبداً ))
General Fictionهي فتاه ارادت التحرر من قيود العادات والتقاليد لكم حكم القدر وعاطفه القلب هي من وجهها نحو طريق الضلام طريق المتاهه الذي لا تعرف مخرجها من هذا الطريق كلما حاولت الخروج من حفره ادخلها اهل الحسد والغيرة في طريق اخر جسد تلوث وروحاً فاقت الصبر درجات عالي...
