عقارب تقتل بصمت ((لن أتخلى أبداً ))

البارت الاخير

السلام عليكم

عقارب تقتل بصمت ((لن اتخلى أبداً))

بقلمي (سقين الشمري)

لا يسمح او يحلل نشر القصة بدون ذكر اسمي

..............

مرت الايام واني ما اعرف شلون اواسي علي واخذ شي من قهرة ولو اني انكس منة لان جانت ام مو عمة بالنسبة الية

علي قلل دوامة وصار مو مثل قبل يومية يروح وصار اغلب الوكت ساكت يعبر عن حزنة وقهرة بالسكوت

نطيتة فترة ما افتح الموضوع ويا كلت خلي يحزن كم يوم ويتعود واني احجي ويا واطلعه من الحزن الي هو بي

عبرت فترة وبديت احجي ويا واكلة علي ميخالف هذا امر الله وكلنة على هذا الطريق كلنة نموت ميضل واحد عايش

وبعدين بدال ما هيج قافل على نفسك اقرالها قران اتصدق الها سوي ثواب الها استغفرلها

رد علية ما اكدر نور صعبة افراكها صعب كتلة منو الي مات موتتها والله احسن موتة ماتت

واحنة كلنة ميتين منو ضامن نفسة يعيش اذا الله كال للنبي أنتة ميت وهم ميتون بعد ليش تحاجج نفسك

اطلع يم جماعتك تعلل روح يم اهلي تعلل اضل كاعد بالبيت وحابس روحك رد جيبيلي الدشداشة خلي اطلع واروح يم حاتم اتعلل

الحمدلله فك شوي واتغيرت نفسيتة لكن ما رجع نفس قبل بس هم احسن من قبل مشت الايام وصارت سنويتها لعمتي

وهم سوة علي عزيمة شكبرها شكدها وحوراء اجتي وثاني يوم رحنة ٣ سيارت ثنين كوستر والسيارة الثالثة مالتنة

علي كال انتي والجهال وياية بالسيارة ما ارتاح اذا مو بسيارتي واجى ابوية ويانة كعد بالصدر وحاتم يمي ليورة

الحمدلله علي فك شوي وتغيرت نفسيتة وعرف انو هذا حق على كل بشر وانو هايهية الحياة تمشي ومتوكف على احد

مهما كان عزيز ومهما حزنت وبجيت وزعلت لكن بالنهاية تنجبر تكمل حياتك غصب عنك لان هذا الي لازم يصير

وبيوم هو جان موجود رحت علية كتلة علي اليوم شتريد اسويلك غدة رد بكيفج مشيت داروح للمطبخ صاح تعاي تعاي

رجعت كتلة ها كلي تعاي انتي غداية ويضحك بمكر ضحكت وكتلة علي أنتة ما تشبع كلي ليش هو انتي ينشبع منج

كتلة ترى كبرت كلي ها صدك كتلة غير أنتة كل ما تكبر تحلى بعد اكثر واكثر كمز علية يريد يلزمني

واني اركض بالبيت وهو يركض وراية الا ان لزمني بالاستقبال بدى يتقرب واني اعيط علي عيب زهراء على جية اكعد عيب