عقارب تقتل بصمت ((لن أتخلى أبداً ))

البارت الخامس عشر

السلام عليكم

عقارب تقتل بصمت ((لن أتخلى أبداً))

بقلمي (سقين الشمري)

لا يسمح او يحلل نشر القصة بدون ذكر اسمي

...............

بعدها ما حسيت بشي ما اعرف حسيت ضربة براسي ودخت حيل بعدها سمعت صوت علي رغم دايخة بس عيوني مفتوحة بس لا ارمش ولا احرك عيوني وما اكدر احجي مثل الميت عبالك بس اسمعة

يصيح ويعيط نور فدوة نور شبيج لا تعذبيني والله ما سويت شي يا ربي والله تعبت حسيت بمي صار على وجهي

علي منومني بحضنة ويغسل بوجهي وحوراء وعمتي فوك راسي يبجن وعمتي تقرة على راسي

من شافوني حركت عيني علي حضني كل قوتة وعمتي عاطت بي كلتلة كلة من وراك

وهو يكوللها يمة ما تحبني تكرهني هذا الي سويتة كلة وتكلي اكرهك تكلي لو ماخذة عماد احسن منك ليش يمة ليش

وراها ما اعرف بس حسيت رعشة بجسمي صارت يعني مثل الي انشمرت وسنوني كامت تصك وارجف جسمي كلة يرجف

وبعدها فقدت رحت بغير عالم وهالمرة فقدت الوعي مو مثل قبل شوي ما حسيت غير اني بالمستشفى وبس لابسة شال

باوعت ايدية بيها كانونات ثنين وحدة بيها مغذي والثانية ديضربون بيها ابر بس نفس حالتي رغم صحيت بس نفس وضعي فرق بس انو كعدت

كمت اغفى واكعد الدكتور كايل الهم اذا ضل هيج وضعها الصبح ندخلها رنين لان صايرة عدها شمرة وقوية

سوو الي كم تحليل وكله نضيف ما بي شي بس حالتي سائت ما تحسنت وبالمستشفى انشمرت اكثر من مرة كل شوي انشمر

بس شنو احس روحي تطلع الله لا يراويها لبشر كون ابد بدو يخلون كل نص ساعة تنفس اصطناعي لان حالتي ساءت كلش هذا كلة وماكو نتيجة

غفيت وما دريت بعدها شكو وسلمت امري لربي هو الي يختار الي الصح وهو اعرف بحياتي

.................

علي : ادري كلكم راح تكرهوني بس الشي الي صار كلة وروح ابوية مو بيدي خارج إرادتي عمري ما مديت ايدي على مرة

واكره الي يسوي هذا الشي اعتبرة مو رجال ونور استفزتني كلش حاربت الكل علمودها سويت شي محد يتوقعه ابد

الي كلتة الكم ودريتو بي سويتة علمود اخذها هذا لا شيء ما حجيت كلشي غلطت وجاوزت على عمامي كلها كالت

ادبسز ساقط ما مربة لان سويت هيج وتبرو مني هذا كلة وكلت ميخالف كلشي يهون لعيونها ولخاطرها بس تصير الي

بالدوام اروح وهية متفاركني ولا تروح من بالي حتى جماعتي كامو يضحكون علية ويصيحون الضابط علي وكع بالعشك