عقارب تقتل بصمت ((لن أتخلى أبداً ))

البارت السابع والعشرين

السلام عليكم

عقارب تقتل بصمت ((لن اتخلى أبداً))

بقلمي (سقين الشمري)

لا يسمح او يحلل نشر القصة بدون ذكر اسمي

................

ابوية كلة اسكت خلي نفتهم احجي ابني المن رايد أنتة

ردت امي شبيك حاتم خلي يزوج رد عليها حاتم يوم الله يخليج يريد يزوج وحدة منعرف اصلها من فصلها

ولا نعرفها ولا تعرفنة هذا ناوي يطيرنا رد ايهاب كال لابوية جدو والله اني اختاريتها اخلاق قبل الجمال

والله بنية مؤدبة ومترباية رد علية ابوية منين تعرفها أنتة بت منو على ايهاب يقصد كلة بت فلان

ابوها اذا تعرفة من عائلة فلان وامها موظفة بالمصرف رد ابوية علية وكلة اي عرفتها ولك هذا ابوها

صاحبي منين عرفتها خوش ناس ذولة رد حاتم اصبر يابة خلي اشوفهم اسال عليهم عاد

رد أبوية ميحتاج ذولة خوش ناس اعرفهم  بس باجر اخابر اسال على بتهم اني ابوها اعرفة خوش رجال

خلص النقاش وخلص الليل ومر كم يوم وابوية سئل عالبنية وطلعت خوش بنية ذهب وتمت الخطبة

قبلها رحنة شفناها اني وامي وعلياء خوش بنية مواصفاتها كصيرة حنطاوية مو كلش بيضة

علياء مقتنعت وما رادتها بس ضليت اقنع بيها واحجي وياها ضلت دردم كتلها ما الج علاقة حتى لو امة

هو الولد يحبها ويريدها وهية خوش بنية ومؤدبة مو زين ميجيبلج وحدة بيومين تهجج خلي هو فرحان

لا تكسرين فرحتة وتكسرين كلبة ولا تقيسينها بالجمال احتمال هاي تشيلكم من تكبرون وتخاف الله بيكم

كوة قنعت بس ردت كالت اني اعلمك ايهابو على هذا الاختيار الزفت ضحكت عليها وكتلها القرد بعين امة غزال

باوعت علية صفح وكالت اسكتي انتي الثانية دازج محامي الة ضحكت وكتلها يمعودة دخلي نفرح

ردت امي وانتي ما حنيتي على ذاك المكسور ضهرة كتلها والله يمة لو تحركوني هم ما ارجع الة

ردت علية الله يصبرني عليج وعلى ابوج الي طابك وياج كتلها حتى لو رجعت اول وتالي ارد ارجعلج لا صدكين علي يتغير علي ابد ما يتغير

عصبي وما ينحمل ردت علياء بس ماكو رجال يحبج بكده رفعت راسي فوك وكلت اوووف سدو السالفة

ردت علية امي الله يطيح حضج بس اصبري ضامتلج ضميمة كتلها شنو كالت بس اصبري الج يوم تعرفين

كتلها لا تفكرين ارجع ترى كافي تضغطين علية كتلج اكرهه اموت منة اشوف عزرائيل ولا اشوفة زين