عقارب تقتل بصمت ((لن أتخلى أبداً ))

البارت الثاني

السلام عليكم

عقارب تقتل بصمت ((لن أتخلى أبداً ))

بقلمي (سقين الشمري)

لا يسمح او يحلل نشر القصه بدون ذكر اسمي

..................

اندكت الباب وطلعت امي فتحتها شوي وطبت علينه احنه جنه كاعدين بالصاله كالت هاي ام اساور جتي كومن سلمن وجيبن ضيافه

تفاجأت شعجب جاية شعدها طبينه سلمنه والمره تباوع عليه من نضرتها ما ارتاحيت لجيتها لان تقريبا عرفت على شنو جايه

قدمنه الضيافة وطلعنه اني رحت للغرفه اكمل دراسه بس بالي يمهن ما عرفت حتى اركز لان ناغزني كلبي من جيه ام اساور

وفعلا بعد ما طلعت اجتي امي للغرفه وكالت تدرين على شنو جايه ام اساور جانت نتضراتها تكلي تدرين او عندج شي

كتلها لا والله على شنو ؟

الام (فاطمة): جايه تخطبج لابنها سراج ...

نور: انصدمت كدام امي ولو اني عرفت من جيتها والله كلت كتلها وانتي شكتيلها

الام(فاطمة): اشوفج راسا سئلتي شعندج

نور: يمة شبيج هو هذا حجي بله ادري بيج شكاعده تكولين بس ماكو ومو صحيح الي بالج بس خفت خاف وافقتي لا اكثر ولا اقل

الام (فاطمة): لا موافقت يعني شلون اوافق من كيفي غير اسال ابوج اخوتج
ونشوفج انتي يله لو هيه بساع

نور : اَي هم صدك والله وكع كلبي بس ماما فدوة عليج الله لتكولين لبابا وخواني اتركي السالفه ورجعيلها جواب كوليها ما موافقين

الام (فاطمة): يا شبيج ليش وشكو بيها خوش ولد وبعدين موضف وكلها تتمناه وفوكاها عايش بالخارج

نور: دخيلج يمة ما اريد اتركي وابويه اذا سمع هسه هم يكول تعاي وافقي واتركي الدراسه كافي مو والله كلبي خلص هيج متعاجزين من لكمتي

الام (فاطمة) : يا شبيج لج ثولة هو وين يتفوت وحتى دراسه كايل اخليها تكمل وشتريد اني حاضر بس خلي توافق يعني الولد شاريج

نور: ماما كتلج ما اريد وفدوة لتلحين وأمانه عليج لتكولين لبابا لا يروح يوافق

سكتت امي شوي وردت كالت بكيفج هاي حياتج منجبرج احنه بس لازم اكول لابوج واني أقنعه ميوافق اذا قبل ميصير لا يروح يسمع لو احد يكلة ميكول شلون ما كتلي

ارتاحيت شوي الحمدلله بس كلت لا يروح يوافق رغم هذا وماما صدكت اني ما عندي شي ويا من شافتني هيج كلت وما ردته

ثاني يوم من طلعنه وهم جان واكف ينتضر مهتميت اله ولا باوعت كلت لاساور وتالي يعني شلون