عقارب تقتل بصمت ((لن أتخلى أبداً ))

البارت السابع عشر

السلام عليكم

عقارب تقتل بصمت (( لن أتخلى أبداً ))

بقلمي (سقين الشمري)

لا يسمح او يحلل نشر القصة بدون ذكر اسمي

....................

اخذت الدكتورة سونار الي وكالت ....

ماما وضعج تعبان صاير فطر بالجارة ومتقدمة يعني نازلة وهذا الشي ابد مو زين لازمج راحة وبيج بنوتة

باوعت علي ضاج لان هيج وضعي ومن كالت بية بنية كال اهم شي تمام الخلقة خلي تجي بخير وسلامة

ادري بي ضاج لان هو راد ولد طلعنة من الدكتورة وطلبلي اجازة أسبوعين من الكلية ورجعنة للبيت

عمتي كالت خير شو راجعين من وكت كتلها هيج وهيج السالفة ضلت تحجي علية وتكول مو كتلج مو زينة وأمشي روحي للدكتورة بس هم تاخذين حجي انتي كتلها والله عمة من ورة الدوام ما الحك احك شعر راسي شسوي

علي كال حتى نومة تنامين جوة بعد ماكو صعدة فوك والعصر اخذج لدكتورتج هم تكتب الج علاج وتراقب وضعج

صدك العصر رحنة وعلاج ومقويات ومثبتات وكالت لازمج راحة وتنامين على ضهرج

رجعت وصدك أسبوعين ابد ما كمت من الفراش وشغل ماكو بس مجرد من اسبح اروح للصحيات ومن اكل

الحمدلله وضعي تحسن صرت احسن من قبل بس هم ماخذة حذري ودايرة بالي على نفسي وعمتي خطية هم تساعدني وابد متخليني اشتغل

بالأشهر الأخيرة بدت تصير عركات قوية بيناتنة اني وعلي واني منا كلية ودوام ومنا حملي تعبني ومنا المشاكل جنت كلش انقهر

أضل كاعدة بالغرفة وابجي يطب يشوفني ابجي يجي يحضني ويعتذر مني ويكول ساعة شيطان والله أمداني اذا اقهرج

وصلت شهر التاسع بطني كبرت كلش اباوع على وجهي بالمراية اوف صايرة العب النفس فقر دم ووجهي اصفر رغم شكد اكل

جنت بعد عياط وصياح ورزايل من عمتي يلة اروح للدكتورة ابد ما جنت احب اراجع ولا احب اروح للدكاترة

من طبيت بالتاسع عمتي كالت امشي هواي شكد ما بيج امشي كتلها عمة ما اكدر والله ما بية

بالكلية امشي هواي ومسافات طويلة دارجع تعبانة وهلكانة يادوب اكدر الحك على شغل البيت

جنت نادارً ما انضف بالنهار رغم احنة ما عدنة شي ولا اكو الي يوصخ بس من التراب انضف فجنت انضف بليل

وبالنهار يبقى البيت نضيف ما عدنا احد واني وعلي على طول بالدوام انواب ارجع وعلي هم يطلع

فماكو احد بس عمتي وتبقى هية تطبخ الطبخ عليها وخبز عدنة خبازة تخبز النة احنة ما نخبز بهاي الفترة مروة بدت تتردد علينة واذا مو هية أمها