عقارب تقتل بصمت ((لن أتخلى أبداً ))

البارت الخامس

السلام عليكم

عقارب تقتل بصمت (( لن أتخلى أبداً ))

بقلمي (سقين الشمري)

لا يسمح او يحلل نشر القصه بدون ذكر اسمي

..................

باوعت .....

علي وعيونه صايره جمر ووجهه محتقن وصاير اعصاب وكال شنو معنى الي صار بالمطبخ قبل شوي

ضليت اباوع عليه ومحجيت ضليت ساكته وهذا الشي نفرزه كلش

رد حجى وكال لتسكتين جاوبي لتسكتين مو احجي اني

باوعت عليه بنضره استفزازيه وكتله

نور: شي يخصني ميخصك

علي : ها ومن شوكت هذا الحجي ؟؟؟؟؟؟

نور: من هسه

علي : لا والله

نور: اَي

علي : نور لتلعبين باعصابي ولتحجين هيج تره صاير نار احجي ولتضلين ساكته لان بعد شوي اشوفج شي ميعجبج

نور: بالله رجاءً لتهدد تره متخوفني بالعكس اكره الي يهدد واعاند اكثر بعد
اني كلت هيج وهو ضرب الحايط بكل قوته

علي : نور لتجنين على نفسج تره روحي صارت بخشمي

نور : اَي وخر وبطل تهديداتك وكافي عاد بكيفي وباليعجبني شسوي اسوي افتهمت لو لا جاي هسه تحاسبني بعد انته شجنت تسوي ها

هذا هم ابن عمي وحالة من حالك يحجي وياي عادي وبعدين ما جنه نتلوك اني ويا مثلك انته وذيج الحيه

جنه نحجي بخصوص الكليه وحب يساعدني ما جنه ناسين الدنيا واهلها والعالم كلها يمنة وناسينها ونتلوك

عصر ايدي حيل وكال :

علي : منو اللوكي ؟

نور: اثنينكم

ضغط على ايدي اكثر كتلة عود تره ما اخاف واتراجع عن كلامي اذا قسيت عليه اني حجيت الصدك

علي : هسه غرتي افتهمنه ورغم ماكو شي من الي بالج بس مو معناها تجاوزين عليه

نور: غرت !!!عايف الدنيا كلها وكاعد تكولي غرتي اَي غرت ليش ما اغار حقي لو مو حقي لعد هسه اذا صدك تحبني ما غرت من شفتني وية عماد

لعد اني الي انقهرت عليك واكول هسه ضايج لان ما راح اروح وخربان واهسه وحتى الحفله ما راح يتهنى بيها

وكعدت من الصبح وحرت شسوي بروحي واحضر بنفسي علمودك وحبيت اسويها مفاجاه الك تالي اجي الكيك انته وهاي الحيه تتمضحكون

وضارب الدنيا بعرض الحايط وناسيني وفوكاها ابد ما اتصلت بية واني كلت خطيه ما عنده اخ وهسه مشغول تالي شفتك كلش اصلا مهتملي وحزين عليه لان ما اجيت