عقارب تقتل بصمت ((لن أتخلى أبداً ))

البارت العاشر

السلام عليكم

عقارب تقتل بصمت ((لن أتخلى أبداً))

بقلمي (سقين الشمري)

لا يسمح او يحلل نشر القصة بدون ذكر اسمي

..............

نور : أغمى علية وما حسيت بشي بعد لحد ما سمعت أصوات يمي وهوسة

وناس تكول خطية من الهبطة اغمى عليها بيوم عقدها وصار هيج وفوكاها اثنينهم ولد عمها

لو صايرة مجزرة هسه جان هية وكعت بيها اول شي ...

فتحت عيوني عاطت امي وكالت فتحت عيونها كعدت بتي كعدت وتبجي
اباوع العالم كلها على راسي وابوية وخواني والكل وابوية صاير اعصاب

وخواني كذلك واني وخواتي يبجن شوي شوي بديت استوعب الي صار انداريت على امي. كتلها

ماما شصار ؟؟؟

ردت علية ما صار شي بنيتي لتخافين

كعدت وعدلت كعدتي ابوية شافني وخلة وطلع واني الخوف تملكني كلت خاف حجة شي علي

النسوان كلها تباوع وتسال ومرت عمي ضايجة وواكفة يمي وامي بصفي لزك وخواتي هم يمي وعلياء

ضليت اسال بامي ومجاوب تكول لتخافين ماكو شي وتسكت طكيت اريد اعرف شصار كاعدة على نار

تالي غمزت لعلياء وكالت لامي عمة خطية نور خلي تكوم تروح لغرفتها ترتاح بعدة وجها اصفر من الهبطة شوي وتجي هنا علما تفظ

خواتي هم كالن اَي وامي هزت راسها تالي كمت بس الدوخة بعدها بية لزمتني علياء وخواتي هم كامن وياي

رحت للغرفة ومددت عالجرباية راسي يوجعني عاد علياء كالت لخواتي روحن يم العالم والنسوان عيب عمتي وحدها اني ابقى هنا يمها

خلن وطلعن ورأسًا سئلت علياء شصار احجي سولفي كولي

علياء : على كيفج شوي شوي

نور: يمعودة احجي راح يوكع كلبي

علياء : بعد ما انتي تخربطتي واغمى عليج عمتي والبنات كامن يعيطن على صوت العياط طبو يركضون عمي والولد وعلي وعماد وعمامج عبالهم اكو شي

تالي شافوج طايحة واجو يركضون شكو وشبيها عمتي كالتلهم من سمعت الطلق والعياط الصار من الخوف اغمى عليها

علي ما انتضر يسمع اجى يركض ديشيلج ويوديج للمستشفى وعماد عاط بي كلة لتلزمها هاي مرتي

وعلي عاط يكلة اجي اكص لسانك اذا عدتها مرتي هاي وعلكت انوب وعلي يريد يعوفهم ويشيلج تالي عمي يعني (ابوية)

ضرب علي براشدي وكلة اطلع من بيتي عالسريع وما الك مرة يمي ولا ابن اخوية ولا اعرفك ولا تعرفني