عقارب تقتل بصمت ((لن أتخلى أبداً ))

البارت التاسع عشر

السلام عليكم

عقارب تقتل بصمت ((لن أتخلى أبداً ))

بقلمي (سقين الشمري)

لا يسمح او يحلل نشر القصة بدون ذكر اسمي

..............

مر شهرين على وجودي بيت اهلي وعلي ما ما خلة شي يعتب علية علمود بس ارجع وما رجعت وحلفت ما ارجع

وخلص لازم اطلك لان ادري ماكو نتيجة وية علي حتى اذا رجعت نفس الشي ميتغير شي

زاد تعلقي بالإيمان كلش وأكثر من قبل صار شهر رجب وهم قمت الليل كلة وخلص واجى شهر شعبان كذلك هم قمت الليل كلة

خلص واجى شهر رمضان ونفس الحالة بس برمضان ختمت القران ٣ مرات بديت احفظ القران كد ما اقرى بي

القران هو راحتي ابد ما تركتة اهلي صار عدهم قلق بسببي عبالهم صار بية توحد لان ٢٤ ساعة بغرفتي واقرة قران وما اطلع

كلولي ليش حابسة نفسج اطلعي غيري جو كتلهم لا مرتاحة هيج علي يومية يدك علية برقم لان احضرة

بزعني اخر شي غيرت رقمي وغيرت كلشي يخصني بعلي حتى تصرفاتي كلشي كلشي

اخر عشرة برمضان اني ابد ما انعش بليل لان أضل اقرة قران فكلت لازم أحييها كلها صح اني الايام الفاتت كلها حييتها

بس هاي لازم أحييها كلها هم لان هاي الايام الوترية صرت إنسانة سعيدة كلش بقربي من ربي

فد يوم كاعدة وحدي اقرة قران وابجي ما جانت غايتي غير ربي يجعلني من عبادة الصالحين ويبرد كلبي ويهون علية فراك ميار

حسيت صدري برد كلش مثل الي انشرح صدري وكل الهم الي بداخلي راح وما عاد موجود

صدقت وكمت نزلت سويت سحور اني لا اني يومية اني اسوي لان أضل كاعدة كتلهن لتكعدن اني كاعدة واني اسوي السحور

البنات تعلمن علية وعرفن نور عدها شي اسمة قيام الليل والاستمرار بي راحة نفسية كملت ورحت كعدتهم كلهم تسحرنة وصمنة هم

خلص الشهر واجى العيد وقبل العيد بكم يوم اجتي عمتي جايبة الي ملابس عيد ولزهراء هم وكالت ذني علي دزهن

رجعت ملابسي بيدها وكتلها كوليلة متريد كلشي منك وما محتاجتة ضلت تحجي وتقنع بية مقبلت

بس ملابس زهراء بقيتهن لان هية بتة عادي رغم اني هم اشتريت الها واجتي حوراء هم ورادت مني ارجع واني قافلة

كالت مروة يومية جاية هية وامها ومكيفات لتشمتيهن بيج كافي هواي تشمتن كتلها بالكبر واذا ما تشمتن شريد منهن

خلي يروح ياخذها هم تبرد دودتها وترتاح وهم تتوالم هية ويا شكد حاولت وياية ويومية دك علية تقنع بية لكن اني قافلة