بعتذر بس مفيش فصل اليوم لظروف خاصة والفصل الجديد هينزل يوم الثلاثاء
وبنذكركم القصة نزل منها الحلقة الاخيرة على تطبيق روايتك نزلوه وتابعوني عليه
وده اقتباس من منتصف الحلقات
يعني مش اقتباس الحلقة 16
ركان : بعتقد ان حضرتك زودتيها اليوم.. كان ناقص تعملي للمريض تنفس صناعي وانا واقف
عتاب بتعجب : ركان ياريت تهدي شوية.. انا دكتورة وكنت بحاول انقذ الراجل.. واه صحيح بما انك قلت انك مش بتغير عليا.. ده اسميه ايه شك؟
ركان منفعلاً : متغيريش الموضوع.. انتي لما تكوني معايا بمكان متتحركيش ولا تتكلمي مع حد مفهوم
عتاب : لما حضرتك تحترم وجودي هبقي اعمل زيك
ركان : عتاب اسمعي الكلام احسنلك
عتاب : حاضر يا سي ركان.. كده كويس
امسك ركان زجاجة العطر امامه والقاها بالحائط.. وهو ينظر الي عتاب بغضب
عتاب : انت مجنون.. ايه اللي بتعمله ده.. المفروض تبقي فخور بيا اني انقذت حياة انسان في الوقت اللي انت كنت بترقص مع واحدة وسيبني.. انت انسان وقح.. وعمري ما هراعي مشاعرك طول مانت بتتعمد تجرحني
ركان : سمعيني تاني شنو حكيتي
عتاب وقد بدأت دموعها تغلبها : بقول انك ملكش حق تدخل في حياتي.. بقول اني تعبت ومبقتش قادرة انت بتعمل معايا ليه كده.. حرام عليك.. بتعمل فيا ليه كده
ركان : لأني بعشقك.. بعشقك ومابقيت قادر اتحكم في قلبي ولا مشاعري.. بعشقك بجنون وبغار عليك من اي حد.. وعمري ما هسمحلك تكسريني ياعتاب
انا عارف انك عايشه معايا وقلبك مع غيري.. عارف انك معايا رد جميل.. زي ما قلتي لابن خالتك..سمعتك بتقوليله انك حتي لو مش هتحبيني فانا مستحقش الخيانة.. سمعتك وانت بتبكي قدامه. سمعت حزنك وانتي بترفضي ترجعيله
وانا دلوقتي بعفيكي من الحرج.. العقبة اللي كانت بينك وبينه هي والدته.. وهي الحين اتوفت خلاص.. يعني مافي مانع ترجعيله
اقتربت عتاب منه تلك المرة.. رفعت وجهه لينظر اليها وتتقابل اعينهم معاً
عتاب بخفوت وضعف : بص في عنيا وقولي انك عاوزني ارجعله يا ركان.. قولي ارجعيله وانا اوعدك اني هختفي من حياتك ومش هضايقك ابداً
أنت تقرأ
عتاب عدوية المصري بقلم نداء علي
Roman d'amourلكل قصة بداية ونهاية ولا احد يعلم ماهو قادم سوى الله.. نظل طوال حياتنا نتخيل شخص نرسم بين يديه كل الاحلام لتأتي لحظة تدمر تلك الاحلام ولا أحد يعلم السبب فكما يقال تعددت الاسباب والموت واحد ظلت ترسم وتتخيل احلاما وردية حرمها وحرم نفسه منها ليجبرها عل...
