بفكركم أن وصفولي الصبر الجزئين الاول والثاني لنداء علي بينزلوا هنا برضو على الاكونت ل اللي لسة مقراش والجزء الثالث هينزل هنا برضو في شهر 7 حاولوا تتفاعلو شوية 🤣🤣🤣
الفصل الرابع والعشرون
استطاع ركان بنفوذه ان يحقق ما وعد به جنة فشركات ركان لها اعمال غير محدودة داخل مصر وله العديد من المعارف والشخصيات الهامة.. ربما لا تعلم عتاب ممن تزوجت.. ولكنه بالفعل شخصية هامة وذات نفوذ
جنة بسعادة متحدثة الي خالد : يعني خلاص يا خالد الراجل ده هيبعد عنك
خالد : ايوة يا جنة.. ماشاء الله ركان طلع جامد اوي الراجل جالي اعتذرلي قدام زمايلي وطلب مني نبقي اصدقاء.. قلب قطة من الأخر
جنة : الحمد لله.. هم وانزاح هجيلك بقي انا والولاد
خالد : لأ خليكي انا هجيلك اخدت اجازة اسبوع اريح اعصابي بقي وسميرة حبيبتي تغذيني عندها
اقترب موعد زفاف ذكية وماجد.. تشعر عتاب بالسعادة من اجل صديقتها.. لن تستطيع الحضور بسبب الحمل..
تم عقد قران ماجد وذكية وانتهي الزفاف.. لاحظت ذكية تغير ملامحه وضيقه.. لكنها لم تتحدث
ذكية : ماجد حبيبي انت كويس
ماجد : انتي كنتي عارفه ان الحادثة اثرت عليا وممكن مخلفش.. كنتي عارفة ولا لأ
ذكية : مين قالك الكلام ده.. انت دكتور وعارف ان كل حاجة بايد ربنا.. ارجوك يا ماجد بلاش تضيع فرحتنا
ماجد : فرحة ايه دي.. وانا اقول امي اتغيرت.. اتاريها ما صدقت انك توافقي بعد ما بقيت عقيم وعرفت ان مفيش واحدة هترضي بيا غيرك
ذكية بدموع : مفيش واحدة هترضي بيك غيري.. للدرجة دي يا ماجد
ماجد : انتي فاهمة قصدي ومش ناقصك دلوقتي.. انا مش هلمسك وهنتطلق وتروحي لحالك وانا خلاص حياتي انتهت علي كدة
ذكية : انا مستحيل اسيبك انا كنت هموت عليك وانت في المستشفي ارجوك بلاش تبقي قاسي كدة
ماجد : الموضوع انتهي.. وانا مش منتظر رايك
ذكية: خلاص ياماجد يبقي انت اللي حكمت عليا وعلي نفسك.. لو سبتني انا هموت نفسي.. سامعني هموت نفسي وارتاح من ظلمكم ليا
خرج ماجد وتركها تبكي بقهر..
يستمع هو الي بكاءها يموت حزناً عليها وعلي حاله ولكنه لن يظلمها معه..
يشعر طلال باقترابه من تحقيق هدفه.. فتلك الصور التي ارسلها لعتاب يعلم انها ستؤثر بعلاقتها هي وركان.. حتي وان لم يحصل منها علي مايريد فيكفي ان يبعدها عن ركان
تجلس عتاب بغرفتها استمعت الي العنود تستأذن بالدخول
عتاب : اتفضلي يا عنود
العنود : كيفك اليوم عتاب.. تحسين بشي.. تبين شي
عتاب : متشكرة.. انا كويسه.. بس برتاح شوية لان عندي مغص
العنود : خلينا نفوت عالطبيب
عتاب مبتسمة : ما انا دكتورة.. ده عادي في بداية الحمل .. اتفضلي اقعدي
عتاب : ممكن اسألك سوال شخصي
العنود : اكيد حبيبتي اتفضلي
عتاب : ممكن ترجعي لجوزك بعد ما خانك.. ممكن تعيشي معاه تاني كأن مفيش حاجة حصلت
العنود : كل انسان ربنا خلقه له طبع وله طاقة معينة.. في ناس متسامحة وفي ناس لأ في ظروف بتضطر الست اوقات تدوس علي كرامتها وفي ستات لأ.. انا مش مضطرة اسامحه.. ولادي متفهمين لوضعي.. ماديا مش محتاجاله.. قلبي مبيعرفش يسامح.. للاسف صعب اكمل معاه واتناسي مش شخصيتي ومش انا
عتاب : كلامك صح
العنود : ممكن اسألك انا بقي.. مالك وليه متغيرة
عتاب بدموع : لاني وعدت نفسي مسمحش لحد يكسر قلبي تاني وبمنتهي البساطة سلمت قلبي لركان.. وللاسف مقدرش يحافظ عليه
العنود : انا مش فاهمة ايه هي مشكلتك مع ركان.. وما راح اسألك.. بس اعطيله واعطي نفسك فرصة.. علشان وقت ما تخدي قرار ما تندمي او تحسي انك اتسرعتي
أنت تقرأ
عتاب عدوية المصري بقلم نداء علي
Romansaلكل قصة بداية ونهاية ولا احد يعلم ماهو قادم سوى الله.. نظل طوال حياتنا نتخيل شخص نرسم بين يديه كل الاحلام لتأتي لحظة تدمر تلك الاحلام ولا أحد يعلم السبب فكما يقال تعددت الاسباب والموت واحد ظلت ترسم وتتخيل احلاما وردية حرمها وحرم نفسه منها ليجبرها عل...
