Saving Serene [Wattys2020 Winner!]

Chapter 15

TRIGGER WARNING!

This book contains content that some may find disturbing. Hallucinations, depression, pessimism in every chapter, suicidal thoughts and suicide will be tackled in this story.

Read at your own risk.

Chapter 15

When did you regret knowing the answers you've been looking for?

Ilang araw pa ang nagdaan, hindi pa rin tumitigil sa pag-search sa internet si Serene ng mga kasagutan sa mga tanong niya.

How to make someone not love you?

Hindi niya nagugustuhan ang mga resulta na lumalabas dahil kadalasan ay puro tungkol lang sa mga magkasintahan ang nakikita niya tulad ng—

How to make him unlove you?

How to make someone fall out of love for you?

How to make him love you more and more each day?

"Gusto ko na lang itapon ang cellphone ko sa mga cringe-worthy articles na 'to," reklamo niya matapos mabasa ang mga resulta.

Pinagtawanan siya ni Cody sa sinabi niyang 'yon. "Grabe ka naman, Serene. Hindi por que hindi 'yan ang kailangan mo, sasabihan mo na ng masama. Naglaan ng oras ang mga tao sa paggawa ng article na 'yan, oh?"

Napairap na lang si Serene. "Wow, sorry, ah? Sorry naman! Tss."

Tinawanan lang siya ni Cody. Ibinalik na niya ang sarili niya sa paghahanap ng sagot sa Google.

"You had a boyfriend, right?"

Natigilan si Serene sa tanong ni Cody. Saglit siyang napalingon dito, pero mabilis ding ibinalik sa screen ng cellphone ang atensiyon.

"Had, yes." Sagot niya habang nasa cellphone pa rin ang atensiyon. "Bakit mo naitanong?"

Cody shrugged. "Wala lang. Lagi ko lang tinatanong sarili ko, bakit mo naiisip na hindi ka kamahal-mahal? May nagmahal naman pala sa 'yo bukod sa pamilya mo. May tumanggap sa 'yo sa kabila ng lahat ng mali na naiisip mo tungkol sa 'yo, which, I can't see, though."

Nagkibit-balikat si Serene. "Hindi niya ako mahal. Baliw lang iyon sa labi ko at gusto nang nahahalikan ako."

"Paano mo nasabing hindi ka mahal?"

Ngumiti nang mapait si Serene nang maalala iyon. "Niloko ako, eh. Paulit-ulit."

"Hinayaan mong gawin niya 'yon sa 'yo?"

Hindi na lumilingon si Serene kay Cody kahit na sinasagot niya ang mga tanong nito. Nananatili lang siyang nag-i-scroll sa kaniyang cellphone. Bukod sa naghahanap siya ng sagot sa mga tanong niya, ayaw niyang makita ni Cody na pagdating sa ganitong usapan ay hindi siya talaga matapang.

"Hindi ba't kapag mahal mo ang isang tao, paulit-ulit mo itong pipiliin at patatawarin? Kahit na nasasaktan ka na, kapag ayaw mong mawala sa 'yo 'yung tao, ibababa mo na lang ang pride mo at patatawarin siya. Kahit na alam mong may tsansa na lokohin ka niya ulit, kalilimutan mo muna iyon huwag lang siya mawala."

"Mahal na mahal mo siya..."

Napakibit-balikat si Serene bago itinuloy ang pag-scroll sa internet. "Well, dati. Kaso, napupuno rin ako, 'no?" she chuckled. "Nung hindi ko na kinaya, binitawan ko na. Ang guess what? Ang gaan sa pakiramdam noong nawala siya sa buhay ko," she laughed. "After that, I promised to myself, I will never, ever, be in a relationship ever again."