Saving Serene [Wattys2020 Winner!]

Chapter 23

TRIGGER WARNING!

This book contains content that some may find disturbing. Hallucinations, depression, pessimism in every chapter, suicidal thoughts and suicide will be tackled in this story.

Read at your own risk.

Chapter 23

Have you ever regret so much for realizing something very important?

Nang matapos sa tattoo na ipinalagay sa kaniyang palapulsuhan ay nakahinga na siya nang maluwag. Masakit ang bawat tusok ng karayom sa kaniya. Pakiramdam niya ay bawat baon ng karayom, nanunuot sa kaniyang balat ang sakit.

She never sweat this way when she's hurting herself. Ngayon lang.

"Masakit, 'no?" tumango si Serene sa tanong ng nag-tattoo sa kaniya. "Pain is beauty, Miss. Soon, you'll find a reason for you to save yourself."

Natigilan siya sa huling dalawang salita na sinabi ng lalaki dahil sa lahat ng bagay sa mundo, ang dalawang salitang 'yon ang hindi niya aasahan sa isang taong estranghero sa kan'ya.

Hindi na sumagot pa si Serene sa lalaki at nagpasalamat na lang matapos magbayad, tsaka lumabas ng shop. Hindi pa man niya tuluyang naisasarado ang pintuan ng shop, narinig na niya ang kuwentuhan ng mga lalaking kanina pa maingay.

"Seryoso, gago! Kinilabutan nga ako, eh."

"Gago, ginagawa mong baliw 'yong tao."

"Hindi naman sa baliw. Kaso, nakita ko may kinawayan pa siya bago pumasok dito, alam mo 'yon? Parang may nakikita siyang hindi natin nakikita. Sigurado ako, may kausap siya kanina sa hangin, eh. Imposible namang sa cellphone kasi wala siyang hawak no'n at wala rin earphone sa tainga niya."

"May multo kaya?"

"Depressed 'yung tao, baka may pinagdadaanan."

"Save me, sabi, eh."

"Huh?"

Hindi na pinakinggan pa ni Serene ang mga sunod na usapan dahil bigla siyang nakaramdam ng kaba sa lahat ng narinig sa mga lalaki.

Why are they saying the same thing that my sister told me?

Bumalik kaagad siya sa apartment at nakitang nandoon na si Cody, nakahiga sa sofa habang nanonood ng TV. Bumangon ito nang makitang nandoon na siya. Binigyan siya nito ng malawak na ngiti.

"Tapos ka nang magpa-tattoo?" tahimik siyang tumango bilang tugon. "Puwedeng makita?"

Bahagyang tumango si Serene bago naglakad papalapit kay Cody at naupo sa tabi.

"Saang parte ka nagpa-tattoo? Anong pina-tattoo mo?"

Hindi na sumagot pa si Serene. Iniangat niya ang sleeve ng kaniyang damit at pinakita ang tattoo ng Morse code sa palapulsuhan, katabi ng mga peklat mula sa laslas na siya ang gumawa.

"Anong ibig sabihin niyan?"

Bahagya siyang ngumiti. "Secret."

"Ahh, buti isa lang pina-tattoo mo."

Ngumisi si Serene at ibinaba ang damit sa parte ng kaniyang collarbone kung nasaan ang kaniyang tattoo na ang nakalagay ay tranquility.

Cody laughed slightly after seeing it. "Galit na galit siguro ang Mama mo kapag nakita niya 'yan."