نغم في ظل الرجال

البارت الثالث 3

يسعدلي اوقاتكم متابعيني 🌺🥀
هوايه يكولون ماكو بالوتباد حبايبي موجوده القصه بالوتباد 
تلكوها بصفحتي هذا الاسم Meryamana
تابعوني لا تنسون التصويت 🥀🥺جدا قليل
🌾🌾🌾🌾🌾🌾🌾🌾🌾🌾🌾🌾🌾
بقلمي مريمانه🥀

" لو كانت ولادتي مرهونة بإرداتي ، لرفضتُ الوجود في ظل ظروفٍ ساخرةٍ الى هذا الحد "✨

نغم: اجيت عليها بنار كلبي الفاير كتلها احجي شبيها امي وليش تحجين عليها كمت اعيط احجيييي؟

علاء: اصعدي فوك نغم بله حجي. زايد كافي تره طلعت روحي
من المشاكل
نغم: احجي عمه شبيها امي وليش تحجين عليها
خيريه: امج ماتت لان.......
علاء:كافي يمه شجاج اصعدي نغم تره هسه احرك البيت
نغم: شبت الناربكلبي اريد اعرف امي اشلون ماتت وليش تحجي عليها عمتي كام يعيط علاء علينا ويصيح صار اعصاب خافت عمتي وسكتت اني بقيت واكفه انتظرها تحجي
علاء: بعدج واكفه مو كلت اصعدي فوك
نغم:خليت وصعدت فوك كمت اكل بروحي والوب اريد اعرف بقى علاء جوه واني فوك اسمع صوت علاء يصيح بس مداعرف شنو يكول لان علاء من النوع الي يحجي سريع يلبك لبك الا واحد كدامه يله يفهم من عنده  ومرات يكولوله على كيفك حتى نفهم من يحجي سريع
وره ساعتين يله صعد فتح الباب غضبان وعيونه شرار منها يطلع
علاء: نغم كلمه وحده الدنيا احركها ديري بالج تحجين
نغم: محجيت شي بعدني انطانياها مقدما ولصمني على حلكي حتى ما اسأل واحجي
علاء: كومي طلعيلي اهدوم اريد اسبح 
نغم: كمت حضرتله ملابسه ونزل
اني بقيت معلكه فوك  هاي مو وضعيه ابد
لازم اعرف من عمتي حتى لو بعدين
طلع من الحمام كتله علاء اريد
اروح لاهلي وديني باوعلي مستغرب
علاء: ليش نغم متتحملين لخاطري اتريدين اتعوفيني
نغم: لا حبي مو هيج اروح اشوفهم وارجع مااعوفك
بس علاء عمه الى متى  اظل اتعاملني هيج بدون سبب
يعني ترضاها اتريد اتنزعني بجامتي وتنطيها لعذراء
وسوتلي مشكله عليها وتحجي على اهلي  فهمني اهلي مجرمين
امي وابويه وعمه هيج حاقده عليهم ليش  محد يحجيلي شنو  هذا السر الضامي عليه 
علاء: نغم كتلج تعبان والبيه كافيني بدلي راح انروح لاهلج 
يله حبيبتي  نروح ناكل لفات ومناك نطلع لاهلج
نغم: احسن  خلي اطلع من البيت كيفت بدلت وهو بدل ورحنا اتغدينا لفات كص ومناك رحنا لبيت اهلي لكيت سيارات اخوتي بالباب
موجودين  دكينا الباب فتحها احمد
احمد: يا اهلا وسهلا اشلونكم   نغم  اشلونج
نغم: فرح احمد من شافني واني هم فرحت حضنته وبوسته
فتنا للبيت وعصام ومرته فوك طلعت بلقيس سلمت علينا من وره خشمها يكرهوني  مااعرف ليش حقودات
بلقيس: شلونج نغم امبين عليج الراحه والسعاده وجهج متفح
نغم: حجت كدام علاء واحمد كتلها اي ولله مرتاحه وياه علاء
فعلا اني علاء حباب بس عمتي وبنات عمتي زباله بس بلقيس اتباوع من فوك ليجوه وتحجي  متعاليه  ورافعه خشمها على شنو ماادري
احمد: كومي بلقيس سوي جاي
بلقيس : شنو قابل نغم غريبه كومي نغم سوي جاي
نغم: انقهرت اكلاص جاي استحيفت اسويلي اوف من الوكت
كتلها اي وكمت البيت يلعب النفس وسخ بشكل الكاع ما ممسوحه
صارلها هوايه رحت للمطبخ الطباخ كله دهن واكل واكع عليه
القوري اسود طلعت جيفتهن صدوك حظ الجايفه كاعد لزمت القوري جلفته وسويت جاي رحت قدمت الجاي كدامهم هي ماكو نزل عصام جان نايم بوسني وسلم على علاء وكعد لا سألني اشلونج شخبارج مرتاحه هذا صح اخويه بس متروس حقد
عصام: نغم صبيلي جاي 
نغم: اول ما كعد راد جاي كمت اصب لحكتني بلقيس
بلقيس: ها يولي كاعدلج الزواج مبين عليج مفوخه ومرتاحه
نغم: مو ردتي تخلصين مني هسه اتكليلي مفوخه ومرتاحه
يا راحه هاي التحجين بيها لتخافين  عمتي وبناتها هم ظالمات وميخافن الله مثلج ومثل شيلان ارتاحو
بلقيس : طلعلج لسان يا فاره لج لتحاجيني بهذا الاسلوب تره
اشكه لحلكج كبر  اي ولله
نغم: ضربتني على راسي وراحت
رحت وديت لعصام الجاي نزلت شيلان
سلمت على علاء واجتي اتبوسني تنطيني خده ادير وجها
لو من بعيد اسلم احسن واسوي فضل
بقينا كاعدين صار الليل يعني مال عشه على الاقل
كال عصام
عصام: كومي شيلان سوي عشه
شيلان: اي هسه
علاء: لا انروح ميحتاج عشه
عصام: شنو السالفه اتعشو وروحو
نغم: كامت من وره خشمها للمطبخ احنه بقينا كاعدين
هم يسولفون عن الشغل وعن هاي الامور مرت ساعه كامله
رجعت شيلان كعدت   بدون عشه 
عصام: وين العشه ؟
شيلان: هسه حسوي
نغم: بقينا اني وعلاء واحد يباوع للثاني واني خجلت من رجلي
ومرت ساعه ثانيه وشيلان غلست عن العشه واخويه الطرطور
ما كللها وين صار ولا عاد الحجي عليها عاد علاء كال
علاء: يله  نترخص كومي نغم نرجع للبيت اتاخرنا
نغم: اي صار كمت واني ممروده ومقهوره وضجت لان اجيت
لاخوتي لو ما جايه احسلي ميت مره سلمت عليهم ونسوانهم ولا واحده طلعت ورانا طلعنا اني وعلاء نتمشى جانت بغداد امان والشوارع اتروش وحلوه ايام قبل اتمشينا وهم خطيه عشاني فلافل
ورجعنا هو حس بيه مقهور
علاء: لا تنقهرين ولا تخجلين تره اني اعرف بنسوان اخوتج مو زينات وياج فعادي لا تهتمين ابد واضوجين نفسج
نغم: خجلت منك اني متعوده عليهم وعلى معاملتهم ويايه
بهيج صوره قاسيه 
علاء: لا حبيبتي لا تهتمين الهم غلسي اني عن نفسي مضايج
بلعكس هسه اتونست وياج واتعشينا  الحمدلله
نغم: حنين عليه وخلاني احبه واتعود عليه
،،،،،،،،،،،،،،،،،،،،،،،،،،
مر عليه شهرين  وضعي مثل ما هو عمتي وبناتها قاطعوني نهائي
الوجه مكلوب عليه ولا وحده بيهن تحاجيني ابد ولد عمتي قليل يجون للبيت ومن يجون بس فاضل يسلم عليه عمار مااشوفه يدرس
بس ميجي للبيت قليل ومن يجي يطب للغرفه مره نزلت سمعت صوت رجال خشن يحجي بالصاله فتت كلت السلام عليكم باوعلي