نغم في ظل الرجال

البارت السادس عشر16

مادآريت روحي !
بكثر ممداريك
چنت بروحي
اضمك لو يفوت
أعمى ، وبليل
الله چنت
من تغفى اصير
فياي اخاف
يضيگ خلگك من ضوهَ
النجمه ...
البارت اليوم محتوى جريئ  ولكن للتوعيه هذا الغرض من البارت ارجو عدم التهجم على ابطال قصتي سبق وان كلت
البنيه انطتني قصتها مو حتى تتعرض للتهجم وانما لتكن عبره لبعض المراهقات  والنساء والي حاليا مو فقط نغم تتصرف هيج  حالات اكثار من البنات تمشي وتخطي هاي الخطوه

البارت السابق👇
حمزه:نغم لا ترفضيني وتنهين حبنا لان احسج راح تكسريني
وتكسرين حبنا حيل برفضج الي  شوفي باجر انتظرج ساعه ب12الظهر
اهنا بسطح  باعي هاي الحجاره هاجياها اذا لكيتها على السياج معناها انتي
موافقه وتطلعين تنتظريني على الشارع العام واذا ما لكيتها معناها رفضتيني ومتريدين الزواج مني .........

نغم: بجيت وبعدها هو طب لغرفته واني اخذت الحجاره ونزلت محجينا
شي وبقيت الوب وابجي بفراشي ومااكدر انام شسوي
احبه ومتعلقه بي كلش اذا  اتعاوفنه اموت اريده ومااتحمل
اعيش بلياه هو الشي الوحيد الي صار بحياتي حلو وانطاني امل
للحياة واحسه عالمي الخاص الوردي الي بنيت عليه كل احلامي
اشلون شسوي وشنو اصرف لا مستحيل اعوفه حمزه كلشي بحياتي
طلعت الكلاده جنت لافتها بملابسي بالعلبه مالتها وكمت اباوع واذكر
كل كلامه اي يحبني ويريدني حقه مكاعد يتحمل بدوني احبه اعشقه
بقيت حرب نفسي لحد ما طلع الصبح وجه حمزه  كبالي ايصير من افكر
ارفض يمه انحرم منه ومااشوفه  شيسوه عمري بعد بدونه المن اعيش
صبح الصبح واني افكر وجسمي يرجف الساعه احسها كامت تركض ركض
وراح تجي الساعه 12 بسرعه ولازم  ادبر اطلع واصعد اخلي الحجاره على السياج كاعد عصام واني حايره شسوي وشنطي حجه ملكيت غير اكله راح اروح للسوك   واطلع وي حمزه  سويت ريوك  عصام اني اليوم اروح للسوك
اسوك شغلات وارجع مااتاخر
عصام:وصادق تاخذي وياج
نغم: هاا اخذه  خطيه يتعب بالسوك هو مراح ياذيها لشيلان والجو اليوم حار
خطيه تموع روحه
عصام:ماشي عوفي لا تاخذي بس لا تتاخرين عليه
نغم:انشاءلله 
طلع عصام واني ايدي متاخذ شغل بالكوه يله كدرت اركز بالي شارد حيل
صارت الساعه ب11 ونص صعدت حطيت الحجاره ونزلت بدلت وكملت
صارت ب12 ودقيقه طلعت من البيت بعد ما خليت صوصي يم
شيلان كلبي طبل واحس روحي ضايعه مااكعد اركز بشي ولا افكر بشي
مشيت بخطوات سريعه وكلبي يخفق وارجف الشارع العام مسافه عن بيتنا
امشي واتلفت ورايه خاف احد لاحكني عصام كمت ارجف مثل السعفه
وصلت للشلرع اباوع منا ومنا شفت حمزه اجه يمشي ويعدل بهدومه جنه
جاي مستعجل اكثر مني وصل يمي
حمزه:هله حبيبتي اشلونج اسف اتاخرت عليج
نغم: لا هستوني اجيت احجي وارجف واحس كلبي صاير طبل
عفيه حمزه خوما نتاخر
حمزه:لا نرجع من وكت لاتخافين
نغم: اجت سياره عبريه وركبنا اني وياه مشت بينا
مسافه هو كعد ليكدام واني كعدت ليوره يم مره جبيره وارجف والمره اتباوعلي بس محجت ارفع راسي الكه حمزه يباوعلي بالمرايه الاماميه
بس اني فاصله حيل مداحس باي شعور فقط الخوف وعندي شعور ندم
وشعور العاطفه يغلبني اكثر من الندم مااريد افقد حبي ولا عندي استعداد
اضحي بي حاكمتني المشاعر ومسيطره عليه بشكل مو طبيعي
بالحضته احتاجيت صابرين هوايه احتاجيت ام صديقه كلش افتقد هذا
الشي النصيحه الي ما سمعتها فديوم من احد غير بس ام ظامن
المره الي افتقدها هوايه بحياتي ولو جانت موحوده جان اخذت حجايتها
واكيد تنصحني وتوجهني مشينا مسافه وجان الكاظم سلام الله عليه
الكبه مالته بدت اتبين كدامي وعرفت اني وصلت نزلنا ومشينا
اني وياه لزم ايدي وكال نغم انتي الي لاخر نفس امشينا نعقد وانزور
بالحضتها بردت كلش وخوفي راح مادري هذا صح او غلط حلال ام حرام
بس من سمعت انزور ارتاح كلبي وجرت ادموعي اباوع عليه
دخيل الله شكد احبه يباوعلي وفرحان وطاير مشينا وطبيتا يم محل
اجوي ولد اثنين سلمو على حمزه وضحكو وياه.
حمزه:هاي خطيبتي واجينا حتى نعقد واريدكم وياي
نغم:جاوبو الولد الف ميروك حبيبي وكامو يباركولي
حمزه:جبتي مستمسكاتج
نغم: جاوبته واني ارجف اي طلعنا ومشينا طبينه بمكتب صغير كلش
حمزه: السلام عليكم سيدنا
عليكم السلام والرحمه
حمزه:سيدنا اجينه نعقد
نغم:بده السيد يسأل عن اهلي وكتله ميتين وسالني عن اخواني جاوبه حمزه ماعدها احد طلب الهويه مالتي واخذ هويته وكام يردد واني اردد وراه
وحمزه كذالك والولد شهود وتم العقد وصرت مرته
طلعنا واني ساعه بندم ساعه اكول زواج طبيعي مثل مناظل وسيد وحلال
وجنت احاول الكه فد وسيله اسكت بيها ضميري
حمزه:الف مبروك حبيبتي
نغم:الله يبارك بيك
حبيبي خلي انزور ونرجع
حمزه:اي طبعاً تعال اشتريلج شال
وفعلا اشترالي شال واني لبسي محتشم صح بدون ربطه
بس محتشم مااظهر شي مخزي بجسمي عريض هم وموده قبل هيج اصلاً
لبست حجاب اميره بوقتها وكالو لازم عبايه عاد اخذت عبايه من مره كاعده
كالت انتظرج ازورين بيها ورجعيها جانت لابسه جبه تحت العبايه
رحت واتوضيت وطبيت زرت وبجيت واندعيت وطلعت واني مااعرف
شراح يصير وشنو راح اواجهه بعد تقريب ساعه طلعت
ولكيت حمزه واكف انطيت العبايه للمره وطلعنا مشينا بسوك الكاظم
وكف حمزه وكال
حمزه:نغم شايفه ذاك ثوب النوب الابيض هاج وطبي اشتري
نغم:بقيت صافنه ليش عود
حمزه:شنو ليش غير عروس واشتريلج سيت نوم لو انتي محاسبتني رجلج
شبيج حبيبتي احنه هسه عرسان ليش امضيعه فرحتي
وسعادتي وياج فرحان نغم واريد اطير
نغم:سكتت واخذت الفلوس وطبيت اشتريت السيت مال النوم ابيض وقصير وبي جاكه وفوكاها روب بطوله هم قصير بس ايجنن كلش حلو هو شافه من الجامه ورادني اخذه وبعدها طلعنا ورجعنا ونزلت قبله من الكيه
حمزه:نغم بليل انتظرج وجبي هذا السيت اخذه وياي
نغم :اخذ مني السيت اني بس اريد انزل اخذت مستمسكاتي جانت عنده
ونزلت ومشيت اركض اباوع الساعه ب3ونص عزه اتاخرت هواي
وصلت للبيت ولكيت صوصي نايم وشيلان اتلكتني
شيلان:هاي وين جنتي وليش اتاخرتي بله
نغم:يم ام قحطان لكيتها بسوك واخرتني اسوكت هواي
وكدرت اخلص نفسي منها صعدت فوك والاغرب من هاي
اني وصلت وماعندي اي علاكه بس هي ماانتبهت
عليه ومشه اليوم واني مداحس روحي ازوجت مااعرف ماعندي هيج
احساس او يمكن لان محد يدري  بزواجنا
بليل جنت متردده اصعد احس لهفتي راحت وعندي خوف
وتعز عليه نفسي اسلمهه اله رغم هو صار حلال واني هسه زوجته
بس ماادري ليش هيج احساسي  بقيت احارب نفسي وبيومها مصعدت للسطح
صار الي هو يريده بس  اني مو بكامل ارادتي لان  اصرفت هيج حتى ماتنتهي علاقتي وياه