نغم في ظل الرجال

البارت الخامس ج2

مدري شمالهم
كلمن يحب نفسه
وكلما احچي..
روحي تصيح مو هسه
وصل حده التعب, تندسني, دمعي يطيح
بعد ما جان گلبي ولاية الونسه
سلبوا راحتي ,
ونشدوني !! ها مرتاح ؟؟
شگد ميت ضميره اليجرح وينسه

{بقلم الكاتبه مريمانه}✍️

ام حسن :يبوووو ابني
نغم : انتبهت عليها راح تفقد حجيت وياه الولد الله يخليك حسن عايش
جاوبني اي اختي عايش بس روحوله سده ورحت عليها
كومي ابنج عايش بس جريح امشينا للطب العدلي
ام حسن :لا انتي اجذبين عليه ابني مات
نغم :فدوه لا اسوين هيج والبنات كله التمو علينا وصديقاتها  هم يواسون بيها
بلكوه قنعتها عايش خطيه اتكول اجذبين عليه
خلينا وراحنا للطب العدلي اندور عليه بين الجثث والحم والظيم
شي محد يستوعبه ابد الله يعين كل العوائل المرو بهيج مواقف الله يساعد كلب الطبيب والشرطي وكل شخص بهاي المستشفيات
اندور  بالاسماء كالو بنهاية الممر تلكوه يسالون وين مصوب بيها منطقه
احنه منعرف المهم بالكوه دلونه رحنه لكينا نايم والضربه بظهره
حولو لغير مستشفى بس موقفين النزيف اخذناه بسيارة الاسعاف
دخلو وكالو عمليه طب وبعد اربع ساعات طلع الطلقه الضاربته
مال امريكان  ......،،، النوع مالها لو تموت لو تشل
وهو للاسف مضروب بظهره  بالنخاع الشوكي
اصبح مقعد مع الاسف هيج حال الشباب من ظيم لظيم حجه الدكتور
ويا ام حسن وهي خطيه صفنت
ام حسن :الف الحمدلله ربي
نغم:اباوع عليها سجدت  بالكاع وتحمد الله  رغم الصار وحسن انشل
ام حسن :الله يحبني ابني يشتم الهوى وعايش هذا كافي نعمه  اخدمه واعيشله فرحانه ابني عايش
نغم:قهرني منظرها اتحمدتلها على السلامه وبقيت يمها كاعده
عاد هي كالت روحي  واصرت اروح واني هم علاجي
لازم اخذه طلعت ولن الدنيا ليل رجعت يمها
ام حسن:ها شو مارحتي 
نغم:ليل اخاف  اندارت على ابو حسن جان كاعد ولاوي ركبته
ام حسن :كوم وصلها لنغم واصير قوي ابنك محتاجك ومحتاجني
نغم:متت قهر على منظرهم واحد يواسي بالثاني خطيه غسل وجهه
ويستغفر الله واخذني وصلني لبيتي سبحت وصليت ونمت جان ليل بالعشره  تقريباً .....،،،،،،،

صبحت ثاني يوم :/ اول ما فتحت عيني لزمت التلفون واتصلت بام حسن
بالي عليه خطيه جاوبتني
صباح الخير
ام حسن:صباح النور حبيبه
نغم:بشري اشلون صار
ام حسن :لا الحمدلله احسن صحه الفجر بس يون ويرجع ينام
نغم:اني فدشويه اجيج شنو اجيبلج وياي
ام حسن :لا حبيبه لا تعبين نفسج الحجي راح للبيت وصيته راح يجيب  واخواتي واهلي كل شويه واحد جاي واحد رايح
نغم:اني مالي علاقه بالحجي راح اسوي غده واجيكم انتظروني لا اجيبون غده
سديته منها لزمت خابرت على الشغل كتلهم على حسن وكالو حمدلله على سلامته اخذت اجازه وكمت صليت وكملت طلعت اشتريت دجاجه
ولبن وخظره وخبز ورجعت سويت برياني ودجاج
كملت بدلت وحطيت الاكل وغلفته زين  وحطيته بعلاكه شويه قويه
وطلعت ركبت للمستشفى وصلت لكيت ابو حسن يدخن خطيه يوم واحد
احسه كبر الف سنه  صعبه الله يعينهم ويصبرهم شاب مثل الورد
انتهت حياته واصبح مقعد  الله يشافي ويعافي 
يمهم كرايب سلمت عليهم نسوان اثنين وزلمه جبير ولد شاب
ويا ما طبيت هم راحو لان جانو جايين من الليل
ابو حسن : هله عمو تعبناج يابه
نغم:لا عمو تعبكم راحه احنه اهل ماسويت شي
راد ياخذ مني العلاكه مقبلت  طبيت لكيته نايم
ام حسن : يابعد اهلي ليش هيجي متعبه نفسج
نغم: ازعل منج شنو السالفه ليش احس روحي غريبه انتم اهلي وهذا واجبي
اني جايبه صينيه وخواشيك وكلاصات  حضرت التمن بالماعين على عددنا
حسن نايم كتله من يكعد ياكل  كعدنا ناكل سوه وجوهم تعبانه خطيه
ام حسن :عاشت ايدج يخبل الاكل
نغم :هاي شنو عود شبعتي اكل الله عليج  وجهج اصفر يرادلج قوه تره
ام حسن :اوف اعرف  الله موجود
نغم:خطيه اكلو شويه ابو حسن يطلع كل شويه بره يدخن بقينه اني وياها نحجي بصوت ناصي كلش ،،كعد اليوم اكل
ام حسن :اي جابو ريوك اتريك وضربو ابر لان يوجعه ظهره
نغم:عرف لو بعده
ام حسن :لا وحايره وشايله هم جبير اريد كون الله يصبر كلبه
نغم:ربج كريم بلكت اصيرله حل انشاءلله ويرجع
مثل قبل واحسن