نغم في ظل الرجال

الرابع والعشرون ج2

نشر بدون مراجعه للبارت

الكاتبه مريمانه✍️
تذكر جنت
من تعتنيلي بلهفتك مشتاك حتى تشوفني..
وتلگاني روح مشگگه ولمسات اديك تروفني
تتركني هسه قررت ؟
ينطيك گلبك ننتهي وبس بالاحلام تشوفني
تتركني هيچ بلاذنب ؟
بررلي حتى لوچذب
مليت گلي گمت امل
شيحمله ليلي بوحدتي
ماينحمل بعدك تره
وچذبت گتلك ينحمل..

////////////

المرسل عصام /// انتي شعندج طابه بيت ام موسى

نغم: عزه هذا شمدري بيه شجابه هسه خرب حظي  شراح اسوي
مرديت عليه ارجف والوب مرت ساعه كامله بس هاي احسها سنه مو ساعه
عيوني راحت من البجي يربي دخيلك انقذني من هاي المشكله
شويه وصعد اني تكرمون انحصرت اريد حمام هم ضغط عندي وهم حامل
مااكدر كل شويه احتاج صعد صرت اتوسل بي. الله يخليك طلعني منا
اخويه دزلي رساله يسال شسوي بيتكم مداعرف شارد عليه
موسى: فكر بت الفكر انه ادري اهلي هسه يرجعون بسرعه
بس اريد اخلص منج
نغم:صرت ابجي زين اريد اطب حمام اشلون.
موسى: منين اجيبلج حمام هسه وكتج
نغم: حسبي الله عليك يا موسى اني شمسويتلك احجي واغص  انت بحسبة ابن اخويه وجاري واعرفكم صارلي كومه سنين هيج اسوي بيه  الله ينتقم منك
اشو هذا جر المزهريه وخر الورد ويكلي
—هاج بولي اهنا
نغم: اركعها براسك هسه طلعني لا الم اهلك عليك يا حيوان
موسى: خلي انزل اشوف الوضع وانزلج صبري
نغم: بقيت  اندعي  حلكي ما وكف دعاء شويه وصعد اشرلي انزل
وهو على كيفه يباوع منا ومنا  واني امشي بخطوات حذره مثل الحراميه
الله لا ينطي ورطني ونشف دمي وصلني للطرمه  فتحت الباب ورايه بس العجاجه امشي واشكر الله المهم طلعت منهم الحمدلله الحمدلله وصلت للبيت
اسمع صوت اخوتي عالي جوه يسولفون اتلكتني اسيا

اسيا: نوغه وين جنتي وشبيج وجهج اصفر
نغم: ماادري يمكن هبوط احاجيها وامشي للحمام طبيت وجريت نفس
غسلت وجهي وكملت واني افكر لو عصام لاح عليه لو ياسين لاحكني وشايف
الله سترني بيتنا هوسه محد منتبه طبيت للصاله لكيتهم كلهم ملتمين عصام وايوب واحمد وبناتهم  بس صادق طالع سلمت عليهم

عصام/شفتج طبيتي بيت موسى دزيتلج رساله اشو مارديتي عليه
نغم: رحت شفت ام موسى تعبانه  واتسولف استحيت اعوفه
عصام: الله يعينها مره جبيره
ايوب:شبي وجهج اصفر
نغم: مابيه شي
ايوب:اخذج مستشفى خاف تعبانه من الحمل
عصام:ليش نغم حامل
ايوب: اي انت شمدريك باهل بيتك باختك مااعرف هاي منيه الماخذتك من الدنيا ومن اهلك واولادك
عصام: ايوب رجاءا هاي حياتي ومااقبل احد يدخل نفسه بيها
نغم: احس كلبي هدء شويه مامصدكه المريت بي هذا شنو من نفسيه حقيره عنده  عمه صديقه واول ما اجيت للمنطقه موسى جان مراهق اصغير بكد صادق وفقير وحباب والعالم اتحبه وتمدح بي وصادق روحه من الدنيا موسى
بس فعلا المظاهر خداعه  محد يكدر يحزر داخل البشر شنو اكو
هم يسولفون واني بغير دنيا رجلي العايفني ومايسال عني
انتبهت على اسيا مقهوره وما تكعد كدام ابوها وشيلان ماكو
وهو يسولف ولا عبالك جان هاجرهم صارله  اكثر من شهر متفح ومرتاح
والمكرود صادق نوم مينام وتلفان من الشغل والتعب قاطع افكاري عصام